Feliz Navidad
Ég bara nenni ekki að blogga. Gleðilega hátíð...

úbbosí
Eitthvað er Úlf að verða kú kú af lestrinum. Kíkið á þetta, geðveikt fyndið:) Ég held ég tali alveg stundum við sjálfa mig en váááá.... hvað með ykkur?

Súkkulaði 3.hluti
Hef enn ekki fengið dagatal, og hef eiginlega gefið upp alla von. Gúffaði í mig súkkulaðirúsínum hjá mömmu áðan í staðinn.

Jólakort
Takið eftir, þið sem hafið sent mér jólakort í gegnum árin og ekki fengið neitt frá mér nema kannski í mesta lagi eitt svona samviskubits sms á aðfangadag, þið eigið sjéns! Já, svei mér þá, ég er búin að skrifa nokkur jólakort, man alveg örugglega ekki eftir öllum sem mig langar að senda jólakort en mér finnst ég eiga smá hrós skilið fyrir viðleitnina:) Svo á ég eftir að fara með þetta í póst, sem er önnur saga...hömm hömm.

Hvað er málið með klink familíunna núna, shout outið er enn einu sinni að klikka? Mér finnst þetta ekki sniðugt.

Svo styttist í Idolið:) Er sammála Þóreyju um hennar idolpælingar. Ég bara skil ekki alltaf úrslitin þó þau hafi flest verið bara fín síðast. x-Anna Katrín! Annars er bara það að frétta að Sandran mín er komin til landsins og ég er að fara að hitta hana í dag. Síðast þegar við hittumst (um miðjan nóvember) fórum við á marakóskan (er það rétt?) veitingastað í London og þeir áttu ekki hummus. Sandra sagði tjenestepíunni að hún hefði aldrei áður farið á hummuslausan arabískan veitingastað. "How can you be out of hummus???" sagði Sandra orðrétt. Pían varð vandræðaleg og svaraði "sorry but I don´t speak very much english". Hún var sennilega rússnesk. Maturinn var samt mjög góður þó enginn væri hummusinn. hmmmm....

Matur
Ég er búin í prófum! Kláraði í gær og hélt upp á það með því að fara í kokteilboð og tvö matarboð. Mmmm hvað það er gott að borða... Ég sé ekki ástæðu til að hætta að fagna þessum próflokum sem komu svo snemma í ár (tók nú bara 8 einingar) og fer því í jólahlaðborð í kvöld með Rammagerðinni en það er einmitt vinnustaðurinn minn og örugglega besti vinnustaður sem hægt er að hugsa sér. Á morgun fer ég ekki í matarboð (er reyndar að reyna að lokka "klessurnar" á kaffihús, hvað segiði stelpur?) en á laugardag mun ég halda áfram og fara í matarboð til Svönu mágkonu og Steina stórabróður sem á einmitt afmæli þá. Það er gaman að þessu.

leti
Tótlutjattið er alveg að massa lesturinn núna!...eða þannig sko. Í gærmorgun vaknaði ég alltof snemma. Mér fannst ennþá vera nótt. Var reyndar lengi að pæla í því hvort ég hefði eitthvað farið að sofa. Ég sem sagt vaknaði klukkan hálfsjö til að fara í jólamorgunkaffi (og Gummi líka) hjá Svönu mágkonu en það var sko þess virði að vakna svona snemma. nammi namm (segi bara eins og Bubbi). Ég át svo mikið að ég ætti að vera enn södd. Reyndar er það ekki þannig og því fékk ég mér miðmorgunmat um hálfellefu. Svo fór ég bara í próf. Í morgun vaknaði ég svop aftur svona snemma (og það á laugardegi!) en til að fara á safnið að lesa. Ég hins vegar hélt bara áfram að sofa... á safninu. Í dag hef ég svo skoðað mbl.is 16 sinnum, skoðað allar konurnar sem kepptu í Miss Mundo (Miss World) 2 sinnum...fyrir utan allt annað sem ég hef skoðað á netinu, farið á Stælinn, pissað sirka 20 sinnum á klst, borðað nammi, og drukkið vatn (pissað aftur). Þess á milli er ég dugleg á safninu! Best að halda áfram:)

Súkkulaði, framhald
Ég hef ekki eignast súkkulaðidagatal enn, en ég borða hins vegar oft súkkulaði. Var í prófi, gaman. Hef ekkert að segja nema kannski það að ég og Gummi ættum að fá koju hérna í VR2!

Súkkulaði
Mig langar í súkkulaðidagatal! Fylgir ennþá lítil túpa af tannkremi með?

vei
Búin í viðskiptaspænskuprófi! Ólafur og Dorrit, here I come!

Aðventa
Ótrúlegt en satt en í dag er fyrsti sunnudagur í aðventu! Líka ótrúlegt en satt, á morgun er 1.des og próf í viðskiptaspænsku hjá mér. Er á safninu núna að reyna að drekka í mig spænskan orðaforða sem ég hef aldrei heyrt eða þurft að nota (vei). Prófið er í fyrramálið en eftir það fer ég á 1.des hátíð stúdenta og mæli með að allir láti sjá sig. Háskólanemar ættu að hafa fengið dagskrána senda í pósti. En það kemst fátt að í kollinum á mér núna en spænskan. Gangi mér vel!

gleðilegan föstudag
Jæja, ég þarf ekki að bíða mikið lengur, IDOL er í kvöld....jejejeje:) Ég hef misst af ótal þáttum. Ég reyni að horfa á IDOL þegar ég er ekki í útlöndum (hehe). Reyndar er ég bara svo ánægð með margt akkúrat núna. Í gærkvöldi var ég hins vegar ekkert svo svakalega ánægð í smástund og það bitnaði þá á Gumma sem lætur smá fýlu í stelpunni nú ekki hafa áhrif á sig. Ég held að ég hafi bara verið svöng og svo langaði mig í ís og fékk ekki ís og svona rúllaði þetta. Ég var reyndar ekkert í fýlu, bara frekar óhress. Í dag er ég hins vegar hress, enda fór ég á ánægjulegan fund (kaffi) með Páli yfirmanni í morgun ásamt öðrum stúdentaráðsliðum. Veðrið er ótrúlega fallegt og Herra Bláfjöll spáir opnun á morgun í fjallinu. Ég kemst reyndar ekki, en þetta er þó allt á réttri leið. Ég fer aðeins í tvö próf og eitt munnlegt próf, og ég kvíði þeim ekkert svo, ég er bara ánægð yfir að þetta sé að byrja. Þegar ég er búin í prófunum get ég farið að hitta vinkonurnar mínar en ég hef saknað þeirra sárt í haust, og á auk þess von á vinkonum að utan:) Elsu hef ég ekki séð síðan í maí, Söndru sá ég reyndar um daginn og Herdísi og Aldísi í september. Svakalega er Vaka samt öflug víða... rakst á þetta á netinu;)

Amanda
Ég lýsi hér með eftir Amöndu Homewood. Ég fann "boarding cardið" hennar í vasanum á gallabuxunum mínum áðan þegar ég var að taka til í þeim. Ég fann náttúrulega ýmsa slíka miða merkta mér en líka þennan frá easyJet (flaug sjálf ekkert með þeim). Amanda átti flug 22.11 frá London til Zurich... boarding time 17:25. Hvernig endaði þessi miði í vasanum mínum, ég var ekki einu sinni á ferðalagi þegar þetta var. Ég vona að Amanda sé ekki enn á flugvellinum í London.

fynd
Og ég hélt að ég væri óákveðin! Mér finnst þetta fulllangt.

heima
Ég er komin heim!

Porto Santo
Hvað er Porto Santo? bíómynd? líkjör? skemmtiferðaskip? dásamleg portúgölsk eyja undan ströndum Afríku? Tja...ég segi ekki meir. Nú fer þessu ferðalagi að ljúka og þá held ég að ég ætli ekki meira til útlanda á þessu ári a.m.k. Hef verið hér í viku á ESIB ráðstefnu, en ég hef örugglega einhvern tíma sagt hvað ESIB er. Hér eru hagsmunir stúdenta ræddir fram og tilbaka og ég var í mjög skemmtilegum vinnuhóp þar sem við veltum fyrir okkur þörfum skiptistúdenta. Veðrið hér er ljúft, ekkert svakalega heitt en bara svona notalegt, og ég afrekaði að fá mér sundsprett í sjónum. Dagskráin hefur verið nokkuð þétt en við náðum aðeins að slappa af með bjór og snakk á ströndinni einn daginn. Úbbs, nú er er hléið á fundinum að verða búið, þannig að ég þarf að hætta þessu blaðri. Á aðeins eftir um sólarhring á þessari eyju sem er lengst útí Atlantshafi (nei ekki Íslandi....finnst ég samt hafa notað þennan brandara áður).

Þetta er Þórhildur Birgisdóttir sem skrifar frá Porto Santo (næstum því Madeira)

Blogglög
Undarlegt með þetta bloggsamfélag. Ég hef verið að velta því fyrir mér hvort fólk (þ.á.m. ég) kunni að höndla þetta. Mér finnst fólk ekkert spá hvað það talar um og leyfa sér að segja ótrúlegustu hluti sem það myndi annars ekki segja upphátt. Ég er þó ekki að segja að það ætti að setja "blogglög" eins og titillinn gefur í skyn því það ríkir ritfrelsi í Bloggheimum en það má samt ekki misnota það. Margir bloggarar hika ekki við að gefa sína skoðun, sem er svo sem í lagi, en það hræðir mig hvernig fólk virðist skrifa illa um hvern sem er. Orð mín um latínukennarann minn í MR hérna nokkrum færslum neðar voru kannski ekki falleg en þau eru náttúrulega líka sögð í gríni en það er svo auðvelt að mistúlka svona blogg. Bloggarar ættu kannski að vera tilbúnir að verja orð sín þegar þeir eru spurðir utan Bloggheima. Ég hugsi ég dragi bara orð mín um þennan ágæta mann tilbaka. Hvað finnst ykkur? Er eðlilegt að blogga illa um samborgarana (sem jafnvel álpast inn á bloggið manns) ???

svo er bara idol í kvöld:)

hahahaha

Alþjóðadagur
allir að fara í háskólabíó á morgun milli 12 og 16 og kynna sér nám í öðrum löndum og hlusta á fyrirlestra frá skiptinemum:)

Latína
Kristín hundur komst að því nýlega að hún er skyld latínukennaranum okkar síðan í MR. Það finnst henni ekki gaman þar sem við því sem næst lögðum blessaðan manninn í einelti. Eða öfugt. Þetta var svona gagnkvæmt einelti. Það sem mér finnst samt verst er að hún var að komast að þessu núna, þremur árum eftir að við útskrifuðumst! Hún hefði kannski geta bætt námseinkunn. Samt ekki víst að Kolbeinn frændi stæði í slíku. Annars er ég bara á kafi í alls konar stússi þessa dagana. Þarf að fara að sækja um ökuskírteini. Mitt er á Sikiley einhverra hluta vegna. Svo langar mig í geisladisk. Langar eiginlega í alltof marga, bakkaði út úr Skífunni um daginn þegar ég var orðin ringluð. Maður ætti kannski að vígja "gula spjaldið", afsláttakort háskólanema sem passar einmitt svo vel í kortaveskið:) Mig langar meðal annars í tónlistina úr 28 days later. Átti einhver eftir að sjá hana?

Dottinn úr Idol
Arnar Dór var rekinn úr Idol eftir að þetta viðtal birtist við hann. ææææ, takið eftir spurningunni um hver hans mesta martröð væri...

Nammisvín
Ég hef ákveðið að deila einu viðkvæmu máli með lesendu Tótlutjattsins. Haldið ykkur fast, ég er komin í nammibindindi! Þið sem þekkið mig vel vitið jafnframt að ég elska nammi sem er allt í lagi svo sem en það slæma er að ég hef varla stjórn á neyslunni lengur. Ég er nammisvín! Við Gummi Hlír skoruðum hvort á annað að fara í nammibindindi og setjum okkur afar raunhæf markmið: viku í senn! Allt nammi, snakk og ís (já....það er það versta) er bannað en gos og popp er leyfilegt og líka bakkelsi með súkkulaði í. Á sunnudaginn má hann svo fá sér Dorritos (ef hann vill) og ég fæ ís ef þetta tekst. Ég sé fram á að hafa efni á utanlandsferð ef ég hætti að kaupa nammi, svona eins og þegar stromparnir hætta að reykja, leggja peninginn fyrir og komast allt í einu til útlanda. Sykur er mitt nikótín. Nú ætla ég að berjast við sælgætisdjöfulinn. Þyrfti helst að hætta líka að drekka gos en ég byrja á þessu. Þetta er orðið svo slæmt að strax á öðrum degi svindlaði ég smá. Eftir langan og erfiðan dag fann ég poka af appolo lakkrís í töskunni minni (afgangur frá helginni). Eftir að hafa opnað og lokað pokanum nokkrum sinnum til að þefa af góðgætinu fékk ég mér mola. Hins vegar hef ég ekki klikkað aftur og mun ekki gera. Fall er fararheill.

Tómatar
Ég hef gert könnun á tómötum sem maður fær í tilbúnum samlokum (t.d. Sóma) og bara á kaffihúsum yfirleitt. Hvernig stendur á því að maður fær alltaf bara endana (með þessu græna)??? Hvað gerir samlokugerðarmaðurinn við innvolsið úr tómatinum? Ég held þeir skeri endana, setji á brauðið og borði rest.

Nerd...
hmmm hér er mynd af umræddri Hrekkjavöku sem ég talaði um í næstu færslu...á undan sko. Hérna erum við Hildur Edda svo, rétt nýkomnar og í stuði. Það var svolítið erfitt að vera svona fyrstur á staðinn í búning. Gummi segir að ég sé bara eins og fermingarstelpa eða eitthvað á þessari en þarna er ég greinilega farin að fækka fötum og búin að lána Harry Potter gleraugun mín. Takið eftir gardínugreiðsunni á mér:)

Hrekkjavaka
Í gær gerði ég svolítið skemmtilegt. Ég fór á Hrekkjavöku sem félag erlendra nema stóð fyrir í Hressingarskálanum. Ég hafði lítinn tíma til að spá í búningum, en var á endanum skólastelpa (sem ég og er). Það var lítið mál. Var bara í hvítri skyrtu og með útskriftabindið hans Gumma, í skólabúningspilsi sem ég keypti einhvern tíma á Spáni og undirpilsi sem ég notaði hér i den og hnésokkum sem ég notaði líka í den. Ótrúlegt að finna þetta samt. Svo setti ég slaufu í hárið og var með kringlótt nördagleraugu sem ég fékk í Hókus Pókus og þau gerðu útslagið:) Mæting var nokkuð góð og það koma mér á óvart hversu margir voru í búning. Ég skemmti mér rosalega vel en eftir að ég kom á Felix var bara eins og slokknaði á stuðinu (skrýtið!). Held samt að það hafi ekki verið bara Felix að kenna, ég var orðin svakalega þreytt... eða kannski "þreytt". hmmm. Hildur Edda alþjóðafulltrúi var jóker. Hún hefur eflaust verið best skóuð á svæðinu enda í rauðum dansiskóm frá Spáni. Ég held hún hafi ekkert dottið eða brotið sig þetta kvöldið... alla vega ekki enn þegar ég kvaddi hana, en eins og flestir vita þá hafa dansgólf og hælaháir skór ekki alltaf reynst Hildi hliðhollir. Segi ekki meir, takk:)

Reykjavík
Góðkunningi lögreglunnar á Sikiley er komin aftur á klakann. Eftir svona skemmtilegt ævintýri hef ég eignlega fengið nóg af utanlandsferðum í bili (hélt ég myndi ALDREI segja þetta). Ég er nú samt að fara til Madeira eftir ca. 3 vikur, en sennilega verð ég búin að jafna mig þá og útþráin komin á sinn stað. Annars var Palermo bara fín. Þetta er 5.stærsta borgin á Ítalíu, með um milljón íbúa. Þarna er mikil fátækt, örfáir mjög ríkir (ömmm sagði einhver mafía?) og mjög margir afar fátækir. 20% atvinnuleysi heyrði ég einhvers staðar! Mér fannst fátæktin kannski ekki svo sjáanleg, held ég hafi tvisvar séð t.d. betlara og innfæddir yfirleitt frekar flottir í tauinu, en tölurnar eru víst þessar. Umferðin þarna er ótrúleg, eitt stórt kaos. Núna bendir hins vegar allt til þess að ég þurfi að fara að setjast niður og læra á fullu. Get ekki frestað því lengur...best að byrja.

Palermo
jaeja, stelpan bara komin til Sikileyjar! vid Thorlindur keyrdum svolitid i gaer, forum til Corleone (teir sem horfa a Il Padrino...godfather vita hvad eg a vid). Magnad. Her er rosalega fallegt og svakalega margt buid ad gerast, eiginlega otrulegir hlutir sem eg nenni varla ad skrifa um. Eda sko... tad var sem sagt radist a okkur tvo i gaerkvoldi tar sem vid vorum ad ganga upp a hotel. Trir gaurar gerdu tad og nadu toskunni minni. Eg hef sjaldan verid jafnpirrud. Er samt ekkert svo pirrud, eda ju...pirrud og svekkt. Gaerkvoldinu vordum vid a logreglustodinni i Palermo... Tangad hefur margur mafiuosinn sjalfsagt komid inn. Eg gaf skyrslu, Eg tapadi digital myndavel, tveimur kreditkortum, veski, peningum, skilrikjum, snyrtidoti og lyfjum og svona personulegum hlutum sem er bara vont ad missa. ARGGGG. ok nu aetla eg ekki ad tala meira um tad. So far er maturinn her frekar vondur, ciao!
PS: Vil samt ad tad komi fram ad her eru allir afar elskulegir og hjalplegir eins og t.d. loggan. Takk

Nostalgía
Í fyrradag tók ég þristinn heim. Notaleg tilfinning fór um mig alla. Sennilega tók ég þristinn síðast bara einhvern tíma í sumar en langt síðan ég hef tekið þristinn svona heim úr skólanum. Mér leið eins og ég væri aftur komin í MR eða bara á leið heim úr skólasundi í Sundhöllinni. Ég man hvað ég var þreytt á þristinum stundum en samt... þetta eru svona blendnar tilfinningar. Hann fer enn sömu leiðina og þegar ég var pínulítil. Það er eitthvað svo þægilegt við að sitja þarna og góna út um gluggann, fylgjast með fólki sem er að missa af þristinum hlaupa á eftir okkur. Sjá Hlemmara sem eru að bíða eftir öðrum strætó eða bara bíða eftir alls engu. Rónarnir eru enn við sjoppuna þar sem við biðum alltaf eftir strætó eftir skólasund (sem er pínu sorglegt) og þar fram eftir götunum. Um kvöldið gerði ég annað sem minnti mig á MR árin, ég fór í bókabúð að skoða blöð og Skífuna að hlusta á diska eftir kvöldmat:) Annars styttist bara í Palermo ferðina. Eins gott að ég fari að ná þessari flensu úr mér.

spænskt bíó
Mæli með spænsku bíói í Odda kl 20 í kvöld (stofu 101). Þar verður Hable con ella sýnd með íslenskum texta:)

galsinna gíraffar í gannislag
Prófið að lesa þetta (fyrirsögnina) afturábak! Fleira svona sniðugt hér:-)

tralala
Enn einu sinni kominn mánudagur. Uppáhaldsdagarnir mínir eru laugardagar, en stundum er ég reyndar að vinna þá, sem er svo sem ekkert slæmt, bara öðruvísi. Ég átti t.d. mjög góðan dag sl laugardag. Þá fór ég með Vökufólki í haustferð Vöku upp í Árnes sem var mjög vel heppnað í alla staði. Að sjálfsögðu horfðum við á leikinn. Ég nenni ekki að tala um hann. Íslendingar voru góðir en... æjj úbbs ég sagðist ekki ætla að tala um leikinn. Öllu leiðinlegra var þó að missa af Elsunni á Íslandi. Hún kom óvænt frá Sverige í afmæli ömmu sinnar yfir helgina og ég gat ekki hitt hana á föstudag því þá var ég undir sæng að reyna að hósta úr mér hálsbólgunni og ekki á laugardag vegna áðurnefndrar Vökuferðar. Ég ætla samt að skrifa Elsu minni bréf núna strax, því þá fæ ég kannski bréf frá henni. Það er svo gamana ð fá svona alvöru gamaldags bréf í umslagi með frímerki:) gerist sjaldan. over and out

hóst...hóst...
úff, ég hef hóstað mér áfram í gegnum þessa viku í orðsins fyllstu. Búið að vera kreisí að gera. Mjög gaman. Stúdentaráðsliðar kynntu sig og sitt ráð úti í byggingunum á miðvikudag, vel heppnuð málefnaráðstefna Vöku haldin þá um kvöldið og alþjóðaparty erlendra nema líka. Í gær var svo alþjóðanefndarfundur sem er aldrei leiðinlegt. Ég gat samt varla talað né hugsað fyrir hóstanum í sjálfri mér en okkur gekk samt vel. Eftir tvær vikur fer ég á fund í Palermo og við erum öll sammála um að gera vinnureglur og setja markmið í því sambandi eins og við höfum stefnt á að gera. Það auðveldar þessar ferðir örugglega heilmikið og við græðum meira á því. Ég er farin að hlakka svolítið til Palermo ferðarinnar. Þórlindur er að fara á einhverja aðra ráðstefnu og við verðum samferða út. Hann stakk upp á því að við myndum leigja okkur bíl eða mótorhjól eða eitthvað til að skoða eyjuna (Sikiley) þegar við hefðum tíma. Hömm hömm, Þórlindur hefur víst ekki heyrt vespusögurnar mínar. BAra svo það sé á hreinu þá ætla ég ekki að keyra einhverja helv... vespu! Ég drap mig næstum því einu sinni á svoleiðis. Mér gekk reyndar vel þegar ég sat aftan á hjá Gumma í Laos og Thailandi. Reyndar var ógeðslega gaman. En ég kýs heldur fjögur hjól og jafnvægið sem þeim fylgja:)

My inner child is sixteen years old!

Life's not fair! It's never been fair, but while
adults might just accept that, I know
something's gotta change. And it's gonna
change, just as soon as I become an adult and
get some power of my own.

How Old is Your Inner Child?
brought to you by Quizilla COOL!

Bloggheimar
enn fjölgar í Bloggheimum. Sigga Víðis sem er með mér í Rammagerðarmafíunni er farin að blogga enda er hún að leggja í svakalegt ferðalag og það verður spennandi að lesa um ævintýri hennar í Asíu (og ég veit ekki hvar). Sigga, farðu vel með þig og góða ferð.

gaman
Rétt í þessu sluppu nokkrar góðar stúlkur frá mér. Þær Dögg, Erla, Þórey og Vala komu til mín í smá súpu og rautt (eða sprite fyrir hina). Þó það sé nú alveg ógeðslega mikið að gera hjá mér þessa dagana og mig langi stundum í verkfall, þá verð ég að segja að ég er alltaf í svo skemmtilegum félagsskap að þetta er alveg í lagi. Mér leiðist alla vega aldrei. Kannski hef ég ekkert svo mikið að gera.. hvað ef ég er bara óvenju löt manneskja sem finnst hún hafa rosalega mikið að gera. Í gær var til dæmis laugardagur og ég kom eiginlega engu í verk. Ég er reyndar að passa Birgi Stein þessa dagana og reyni að vera skemmtileg frænka, en það felst ekki í því að kúra upp í rúmi næstum fram að hádegi og leggja sig aðeins aftur eftir hádegi. (ég sem sagt var skemmtileg frænka á milli fegurðarblunda, hádegisblunda, hænublunda og siestu). takk

mjááá
Hér má sjá (mjááá) mynd af okkur Grímu þegar hún var enn ung og saklaus, veit ekki með mig.



Strax á fyrstu dögunum mátti sjá hvurslags villidýr við höfðum fengið og á þessari mynd er hún að ráðast á bróður sinn, Frosta.

hmmm laugardagskvöld...rigning.... er bara að passa Bibba frænda ásamt frændum mínum í Dire Straits. Frændurnir syngja og spila falleg lög eins og your latest trick fyrir mig. takk fyrir það strákar:)

græðgi...
Hvað er málið með þessa konu? á hún ekki nóg af peningum?

IDOL
Síðasta föstudag kom ég mér óvenjuvel fyrir í sófanum fyrir framan imbann til að horfa á idol á Stöð 2. Ég veit ekki alveg hvað mér fannst. Bara nokkuð skemmtilegt þó stjórnendurnir mættu vera örlítið liprari og eðlilegri, en burtséð frá því hvað manni finnst um þáttinn, þá held ég barasta að maður VERÐI að horfa á þetta. Ég hef tryggt að annað hvort passa á föstudögum (því stóra systir er með Stöð 2) eða að þetta sé tekið upp til þess að vera ekki alvitlaus í komandi saumaklúbbum, matarboðum, frímínútum, bröndurum etc. Fyrsti þátturinn var að sjálfsögðu bara kynning á því sem er svo framundan. Varð samt frekar reið þegar sætu rauðhærðu stelpunni var ekki hleypt áfram. Mér fannst rökin ófagmannleg og órökrétt. Þ.e. að hestastelpunni sem var alveg fín var hleypt áfram svona "jájá, við gefum þér sjéns því við höldum að þú getir enn betur" en ekki rauðhærðu stelpunni því að "þetta var rosaflott og þú ert góð en þú ert bara 16 og við gefum þér ekki sjéns, reyndu samt endilega aftur". Úff, jú 16 er náttúrulega enginn aldur, en af hverju er keppnin þá ekki bönnuð innan 18 í stað þess að láta 16 ára hæfileikaríkt fólk verja helginni stressuð í röð til að fá að vita að þau séu of ung? Jahérnahér!

Kossinn
...enginn virðist ætla að verða leiður á að tala um koss Britney og Madonnu, sérstaklega ekki poppprinsessan sjálf sem er full eftirsjár þar sem hana grunaði ekki að kossinn yrði svona LANGUR! ??? !!! halló??? langur? jeminn, hvernig ætli stuttur koss með Britney sé? mín kenning (og sennilega allra) er sú að þetta sé enn eitt lélega trixið til að bjarga ferlinum. Litlu stelpurnar eru orðnar leiðar á Britney því hún er orðin "of sexy" og aðrir eru bara orðnir frekar leiðir á henni svona afþvíbara. Þetta var það besta sem hún gat gert í stöðunni, kysst Madonnu á MTV hátíðinni í fjórðung af sekúndubroti og talað svo um það svo enginn myndi gleyma því. Ég vorkenni henni pínu, þetta er harður bransi og ég er viss um að hún sé fín stelpa.

Bergen
...var svakafín. Hef komið þangað einu sinni áður, reyndar mjög stutt stopp þá, enn styttra en þetta núna. Fór upp á Flöien, sem er svona fjall, eða toppur eða hóll (400 metrar) yfir miðbænum. Að sjálfsögðu gekk ég ekki heldur tók lest upp bratta hlíðina og þaðan var útsýnið magnað. Það sem meira er, er að við fengum sól og blíðu sem er ekki sjálfsagt í þessari borg.

Áslaug er komin með barn í magann og á von á að það fari aftur út úr honum í apríl sem er einmitt 9 mánuðum eftir brúðkaupið...ehehe:) Áslaug mín, við vissum alveg hvað þið Óskar voruð farin að gera fyrst Þuríður er orðin 1 árs! Til hamingju ljúfan.

puff
Ég segi nú ekki annað en puff, þvílíkur aumingjabloggari. Nenni því ekki þessa dagana, og hef hvort eð er ekki tíma. Ef ég hef tíma þá geri ég frekar eitthvað annað eins og hitta fólk eða bara sofa út. Í síðustu viku hitti ég t.d. Söndru, Bryndísi og Aldísi en sú síðastnefnda bauð okkur í mat í Reykjanesbæinn. Það var afar huggulegt enda ekki við öðru að búast. Konan er myndarleg mjög í eldhúsinu og bauð upp á grænmetislasagna. Áðan var ég svo í afmæliskaffiboði hjá Siggu sem var líka ógislagott. Til hamingju með afmælið Sigga. Annars eru hræðilegir atburðir í Svíþjóð manni ofarlega í huga þessa stundina. Elsa sænska segir að almenningur sé harmi sleginn og viti ekki alveg hvernig eigi að taka á málunum. Jæja, nóg um það, ég er á leið til Bergen, ha det bra.

Stafsetningarvillur...
ókei, ég er kannski ekki sú besta í heimi en halló!!! Þetta er ótrúlegt. Þessi er meira að segja á rungtinn en ekki rúntinn. Vona að ég sé ekkert leiðinleg, ég hef bara aldrei séð það jafnslæmt, fann þetta á Batman.

Haustið er komið...
...held það sé bara nokkuð ljóst! Herdís segir að haustin séu rómó og ekki lýgur hún. Þegar ég horfi út um gluggann hér í VR sé ég einmitt fljúgandi tómar svalafernur, rennandi blauta háskólanema sem halla í 40 gráður með hausinn á undan til að komast áfram o.s.frv. Ætli rómantíkin taki ekki bara völdin þegar þetta fólk kemur inn úr rigningunni. Fór í gær á international party í Stúdentakjallaranum. Ég var pínu lúin en það gleymdist fljótt, hitti svo margt skemmtilegt fólk. Og á meðan ég man... ég fór tvisvar í bíó í síðustu viku. Fyrri myndin var 28 days later sem var bara flott. Mér brá frekar oft og frekar mikið. Öskraði meira að segja, en handritið fær 10 fljúgandi svalafernur af 10 mögulegum. Seinni myndin var American wedding. Við Gummi fórum með Söndru og Magga og skemmtum okkur gasalega vel. Betri en mynd númer 2:) ókei...

skóli
það er allt að gerast. vinnan búinn, skólinn byrjaði í gær, gæddi mér á pylsum eða pullum með Bryndísi í Odda, gaf nemendum glæsilegt nýtt Vökublað og fleira skemmtilegt. Svo er nýnemavikan í næstu viku....jeiiiiiii gaman að byrja aftur:)

aftur í siðmenningunni
Útlaginn er kominn í siðmenninguna segja vinnufélagarnir... ég lít nú kannski öðrum augum á málið þar sem ég er vön að vera mikið fyrir norðan. Mér finnst Akureyri samt bara pínu asnaleg án ömmu enda hef ég alltaf tengt bæinn við hana en amma dó fyrir ári síðan. Voða gott að komast samt suður enda stutt í að skólinn hefjist og svona. á eftir ætla ég í fótabað til Þóreyjar ásamt fleiri dömum... hehehe fyndið, hef aldrei farið í hópfótabað, en þetta er einhver svona snyrtikynning. Gleymdi að segja Þóreyju reyndar að ég er loðinn eins og hobbiti á fótunum og með kartnögl (eða e-ð) á þremur. Auk þess er geðveik táfýla af mér, en kannski það lagist við fótabaðið:)

prumpað í stampinn
Á Akureyri hef ég séð tvo stöðumælaverði. Annar er feitur og hinn er í stuttbuxum. Ég hef ekki spurt þá hvort þeir prumpi í stampinn eða borði rauðkál á pylsuna sína en það eru tvær af þeim asnalegu spurningum sem ég fékk stundum á meðan ég var enn harðmælt að norðlenskum sið (sem virðist vera að fjara út hjá mér). Kannski trabantinn þeirra hafi þó púnkterað á kantinum... ho ho ho:)

Ein með öllu
halló halló halló ég er á Akureyri.... að vinna, og það er menningarnótt... í Reykjavík, en ég er einmitt ekki þar... og ég er að fara að sofa enda klukkan 4 mínútur gengin í miðnætti! örugglega gaman hjá öllum öðrum, en þetta er allt í lagi. Skemmtið ykkur bara, meðan ég er hérna ein og yfirgefin, á Akureyri. Það er reyndar huggun harmi gegn að ég átti hvort eð er að vera að vinna í kvöld og fyrramálið. Er sem sagt á Akureyri að vinna í Rammagerðinni, sem er reyndar bara mjög huggulegt og fínt. ÞIÐ MÆTTUÐ SAMT SKRIFA OFTAR Í GESTABÓKINA EÐA SHOUT OUT. Annars bara allt gott að frétta:) góða nótt:)

myndir...loksins
alltaf sama blíðan. Ég hafði það gott í víkinni kennda við reyk um helgina. Passaði Bibba frænda. Við fórum á Árbæjarsafnið og í keilu og var bæði gaman. Svo vann ég og...át og svaf og horfði á video. Í gær átti Ásta amma hans Gumma afmæli og gæddum við okkur á kræsingum í Perlunni í tilefni dagsins. Hér má sjá myndir úr Perlunni:) Er að reyna að koma mér í þetta, þ.e. að skella myndum hingað. Þetta kemur allt saman, sei sei.

hehehe
Fann aðra frábæra grein á Deiglunni sem Obba skrifaði minnir mig (nenni ekki að opna gluggann aftur og gá). Ég verð að monta mig reyndar að því að ég á ekki við þetta hvimleiða vandamál að stríða ...að fá ekki kærastann með á "stelpumyndir" sem svo margar vinkonur mínar kvarta yfir. En eins og Obba bendir á (og ég bendi Gumma á þegar ég reyni að lokka hann með mér á slíka mynd) þá eru það yfirleitt afskaplega föngulegar konur sem leika í slíkum myndum svo strákunum ætti ekkert að leiðast í bíó. Það er sko engin Hallgerður langbrók í Hollívúdd (allavega ekki svona útlitslega séð):) En ekki gleyma samt að lesa kartöflugreinina sem ég benti á hér á undan:)

Karplettur
Skemmtilegur pistill hér um kartöflur sem hann Bolli skrifaði og mér var bent á:)

Versló
Versló er að bresta á. Mér er alveg sama, ég verð í bænum og reyndar þekki ég afskaplega fáa sem ætla útúr bænum. Ætli flestir fari ekki bara á Innipúkann í Iðnó... Allavega þá er mér alveg sama þó ég sé í bænum... Í gær fór ég í grillveislu með Vökufólki, stoppaði reyndar stutt við þar sem Óli var með myndakvöld fyrir Asíufarana:) mycket bra. Gaman að hitta þessar elskur aftur sem voru eins og fjölskylda manns þarna úti í þrjár vikur. Í dag var ég svo í fríi, og systir mín klippti topp á mig af því að við höfðum ekkert betra að gera. Hann er frekar skakkur og ég yngdist um 10 ár. Var ungleg fyrir þannig að nú er ég eins og átta ára. Mér verður ekki hleypt inn á skemmtistaði á næstunni. Ætli einhver taki mark á manni núna?

Shout out drasl
shout outið mitt dottið út enn eina ferðina, þoli ekki hvað allt hefur verið mikið í rugli með þessar bloggsíður undanfarið. Og hvað voru þeir að breyta lúkkinu. ohhhh

Ávextir og vont kaffi
Í gærkvöldi fékk ég í heimsókn til mín fagran hóp stúlkna sem voru með mér í Lærða skóla. Ber þar fyrst að nefna Ásdísi sem er að fara að giftast guðfræðinemanum Guðna á laugardaginn og verður vonandi fljótlega orðin "prestsfrúin á Rassgatsstöðum" eins og lengi hefur staðið til. Einnig kom Hildur Edda Einarsdóttir Kárasonar en hún er að jafna sig eftir að hafa tábrotið sig í hjólastól (sem hún var í af því að hún hnébraut sig á diskóteki á Spáni) eða eitthvað svoleiðis. Lindýrið mætti með glænýja pönkaraklippingu. Hún er verkstjóri í unglingavinnunni og ég held að hún sé töfari töffarana með pönkaða hárið í appelsínugula gallanum. Hárið stendur víst upp í loftið á daginn ..svona eins og "slétt afró"!!! Söngfuglinn Þórey Sif kom líka, nýskriðin úr Kristaníu þar sem hún kynnti sér lifnaðarhætti innfæddra nýlega:) Kristín Hundur kom eftir að ég hafði slegið alloft í lærið á mér og öskrað "hæl" settist þegar ég skipaði "sestu" og fékk þá nammi í verðlaun. Duglegur hundur! Það var áðurnefnd Sandra (hver man ekki eftir bílveikissögunni?) sem kom með fullt af nammi (útskýrir kannski ógleðina í bílnum). Katrín djellíbeibís kom og var sú eina sem þáði brennda kaffið mitt. Já mér tókst að klúðra kólumbíska kaffinu á aðdáunarverðan hátt. bravó fyrir því. Ekki má gleymaBryndísi krullubossa sem hefur að ég held fengið inngöngu í réttindafélag (eða hvað það hét) krullaðra en þar voru fyrir Guðni brúðgumi tilvonandi prestur á Rassgatsstöðum og Hillbilly hrakfallabálkur. Bryndís var í stuði og ræddi opinskátt um lífið og framtíðina. Frá blautu barnsbeini hefur Bryndís haft fastmótaðar skoðanir um það sem viðkemur tilhugalífinu, giftingunni og svoleiðis hlutum eins og algengt er með ungar stúlkur. Ég verð greinilega að fara að taka mig á, fullslök miðað við sumar dömurnar þarna. En á góðu mómenti í gær þegar Krullubossinn okkar hafði meðal annars líst ákjósanlegum giftingarhring hvíslaði Þórey að mér "ætli Gummi (Jóh) viti þetta allt?" hahaha:) En þetta var náttúrulega svona á léttu nótunum, við megum nú láta okkur dreyma:)

helgin búin
Ég átti svo gasalega fínt helgarfrí að það er alveg óóótrúlegt! Föstudagurinn fór í slökun á pallinum hjá sis þar sem mágur útbjó samlokur og það erfiðasta sem maður gerði var að teygja sig í símann, samlokuna eða sólaráburðinn. Lekkert! Um kvöldið snæddi ég grillmat og heimsins bestu ostasveppasósu ásamt góðu fólki hjá henni Jarþrúði sem hér er á mynd ásamt BÆS. Sem betur fer býr konan á Háaleitisbraut í þarnæstu blokk fyrir OFAN mig svo ég gat rúllað niður á við heim til mín (en labba svo upp á 4.hæð). Gaman að þessu. Laugardagur: leitin að afmælisgjöf fyrir Arndísi von Vil. jájá, eftir mikla leit fengum við kæró kokteilhristara og svona sniðugt og pabbi skutlaði okkur í sumarbústaðinn hennar. Arndís á afmæli einmitt í dag en hélt upp á það um helgina. Hún hafði undirbúið veisluna vel og byrjuðum við á að fara í ratleik út um allar trissur. Vorum látin drekkar eplasnafs (ojjj) og fleira á stöðvunum. Það var reyndar allt í lagi því Arndís gerði leikinn svo erfiðan fyrir minn hóp að það rann af okkur á milli þess sem við hlupum um allt að leita að umslögum. (ég er enn í fýlu yfir því). Jæja, þetta var ótrúlega gaman, við sátum úti allan tímann og borðuðum og drukkum, og sungum en það var sko gítar og allt! frábært kvöld. Sunnudagur: afslappelsi og bakkelsi með Gumma Hlí. Gerði eiginlega mest lítið, stundum er svo gaman að gera ekkert. Sunnudagrinn leið og við bara vorum þarna einhvers staðar. Á morgun mun svo létt át halda áfram því þá koma stelðurnar úr 5.C seinna 6.A koma til mín. VEI!

Útilegan
Langt síðan ég hef bloggað, afar langt síðan. og hvað hef ég verið að bralla, ó jú það hefur margt gerst síðan síðast. Fyrst ber að nefna útileguna með Söndru og Magga. Við sköturnar höfðum ákveðið að elta skásta veðrið eða alavega forðast rigningu og keyra bara eitthvert út í buskann. Þau Sandri og Magga leyfðu mér að ráða og ég svona skaut á að skásta veðrið yrði á Akureyri (er ekki ALLTAF gott veður á Akureyri?) Hann Gummi minn fékk þá þessa brilliant hugmynd að keyra bara norður Sprengisand og njóta kvöldsólarinnar í hinni stórbrotnu íslensku náttúru. Það var alveg fínt, nema kannski að það rigni á okkur, við sáum enga kvöldsól og leiðin var svona þrisvar sinnum lengri en Gummi hafði sannfært mig um að hún væri... Sandra var tæp á bílveikinni og við vorum í kremju aftur í jeppanum. Annað slagið stakk hún höfðinu út um gluggann. Jeremías, og þess á milli flugu fimmaurabrandararnir. Mér hefur bara sjaldan fundist ég sjálf jafnskemmtileg. 'eg kenni svefngalsa um. Í Nýjadal (einhver staður á miðju hálendinu) fengu piltarnir þá flugu í hausinn að fara austur í Kárahnjúka (þetta var á miðnætti á föstudeginum). HALLÓ??? Af hverju ekki bara Hornstrandir, þær eru líka nálægt? Jæja, þeir fengu vitið hálftíma síðar eftir smá samningaviðræður við okkur Söndru. Bensínið hefði orðið tæpt og við hefðum varið allri helginni þarna afturí. Mér finnst Sandra mjög skemmtileg en ég nenni samt ekki að sitja aftur í bíl stanslaust með henni í 48 klst! nei grín, hehe:) Kárahnjúkar fá að bíða betri tíma, við keyrðum áfram og klukkan 5 um morguninn skriðum við í tjaldið. Þá höfðum við tjaldað á túni hjá bónda innst í Eyjafirði, grillað og etið. Laugardagurinn fór í sund og afslappelsi á Akureyri og um kvöldið tjölduðum við í Vaglaskógi. Sehr Gut.

Brúðkaupið
Laugardaginn 12.júlí átti Áslaug vinkona afmæli og ekki nóg með það... hún gifti sig líka! Jebbs, Áslaug og Óskar giftu sig og ég fór í brúðkaupið:) Ég táraðist í kirkjunni um leið og ég sá Áslaugu. Auli getur maður verið. Hún var bara svo ótrúlega fín og sæt og lukkuleg að það var ekki annað hægt en að tárast oggupons. Spyrjið bara Gumma, hann var alveg að missa sig (not). Ég pældi mikið í því af hverju kvk.gestir í brúðkaupum eru svona viðkvæmir fyrir þessu. Ég efast um að vinir Óskars hafi sogið upp í nefið hinum megin við ganginn meðan við allar brostum í gegnum tárin. Alla vega þá var þetta allt saman svakalega flott og skemmtilegt og veitingarnar svo góðar að ég valt út á endanum. Systir var veislustjóri og ég söng einsöng fyrir brúðhjónin (nei djók). Jæja, ég er að fara í smá ævintýraferð, þarf að þjóta, ciao....

Hvalir
Í morgun var ég túristi í eigin landi, fór með Juliu (spænsk vinkona) í hvalskoðunarferð. Ég var eini Íslendingurinn um borð fyrir utan starfsfólk! Við fengum frábært veður, "gædinn" var alveg frábær, talaði ótal tungumál en kemur frá Austur-Evrópu. Ég spjallaði mikið við hann og komst að því að hann var agalega skotinn í Juliu, á bakaleiðinni söng hann sjómannalög ásamt skipstjóranum sem spilaði undir ýmist á harmonikku eða gítar (og sá reyndar einnig að mestu um sönginn) en leiðsögumaðurinn bað mig um að segja Juliu á spænsku að þetta væru svona ástarlög, "muy triste" sem hann var að sjálfsögðu að syngja til hennar og svo tók hann um hjartað og sagði "mi corazón!!!" Hehehe. Við vorum mjög óheppin því við sáum aðeins eina hrefnu en það er víst lélegt. Við Julia spjölluðum líka mikið við gaur frá Andorra sem kom meira að segja í Rammagerðina í gærkvöldi og þekkti okkur síðan þaðan (en Julia var í heimsókn í vinnunni mini í 2 klst í gær) Litla Ísland. Jeminn eini ég er að tryllast... er í tölvunni hjá Stebba (máV) og hann er mikill Arsenal fan, en Wenger þjálfari (vona að ég sé ekkert að rugla núna) trítlar hér um skjáinn með einhver skilaboð til mín. Halló Wenger farðu... brrr.

Helgin
Hvert á maður að fara um helgina? Ég er eiginlega búin að taka þá ákvörðun að elta góða veðrið, eða í það minnsta forðast úrhellisrigningu. Og hvað segja göngugarpar gott? Hverjir ætla með í næstu göngu?

Saumó
Vona að þessir íslensku stafir sem létu sig hverfa upp úr þurru einn daginn séu nú komnir aftur á stjá. Í dag á ég frí og það er rigning! Hversu fúlt getur þetta verið? Ég neyðist til að kúra lengur (fara aftur upp í). Í gær fór ég í saumaklúbb til góðrar konu. Jamm, ótrúlega góðar veitingar, og ég fór ótrúlega margar ferðir með diskinn minn. Ég var sem sagt í saumó með verkfræðiskutlum, bekkjarsystrum Gumma, en ég stóðst víst prófið og þær hafa ákveðið að leyfa mér að vera með. Ég er sátt við þetta allt saman, ég held ég verði bara að fara að skrá mig í kúrsa í verkfæði, kannski burðarþolsfræði, eða umhverfisskipulag (held að hann sé léttur, mér sýndist það). Gummi getur lánað mér Calculus, en ég glugga stundum í hana þegar ég er andvaka. Grínlaust, þá halda margir að ég sé í verkfræði þar sem ég held svo mikið til í höfuðstöðvum þeirra VR2 pero no!!!! Myndi samt ekki heldur segja að spænska væri mín sterkasta hlið þessa dagana. Púff, ég þarfnast Spánar til að æfa mig....
hasta luego

Blessuð sértu sveitin mín
ok ok í dag á Heiður Alparós afmæli, til hamingju með það mín kæra, í gær átti mágur afmæli, til lukku með það, og hvað meira. Já ég hitti góðar stúlkur á Mama Tacos í dag. Þær Eyrún, Herdís og Bryndís "krullubossi" snæddu með mér hádegisverð. Nóg um það, nenni ekki að blogga ég er farin í sveitina.............. I LOVE IT!

fuglar og gönguferðir
Gríma mín hefur framið sitt fyrsta fuglamorð (og vonandi síðasta ef hún stendur við loforðið sem hún gaf mér). Vitni hafa ekki gefið sig fram, sem betur fer ekki, en ég tek þetta dálítið nærri mér. Reyndar er hún að þessu fyrir okkur, enda agalega stolt og montin að færa okkur fugl á grillið. Gummi sagði að grey fuglinn hefði enn verið volgur þegar hann tók hann af Grímu, voðalega fallegur þröstur. uhuhuhu. Helgin var fín, fór í tvær útskriftarveislur, fyrst hjá Guðrúnu Jóns og svo til Herdísar. Það var skemmtun góð og margt um manninn, ég dreypti á hvítvíni og sangríu, ekki slæmt kvöld ha? mjög huggulegt allt saman. Tók stefnuna svo á bæinn og hékk í asnalegri biðröð fyrir utan Hverfisbarinn ble ble ble... sem ég var alfarið á móti að gera þar sem mér finnst asnalegt að standa (lengi) í röð inn á einhvern dýran snobbstað þegar maður getur skemmt sér alveg jafnvel á Feita dvergnum eða eitthvað af því að maður er með skemmtilegu fólki. Ég er sem sagt á móti biðröðum, sérstaklega ef þær eru langar en ég lét undan hópþrýstingi:) Hverfisbarinn var frekar troðinn af subbulegu tjokkoliði en ég skemmti mér engu að síður mjög vel þar fyrst ég var komin. Dansaði og allt, og innan um sætabrauðsdrengi og smápíur með gelneglur leyndist fullt af góðu og skemmtilegu fólki. Góð skemmtun, nema þegar einhver helti bjór á fínu jakkakfötin hans Gumma og hann varð reiður og þegar einhver sparkaði svo fast í mig að ég finn enn til.

Annars held ég að ég hafi bara átt enn betra kvöld í kvöld, fór með 6 frábærum stúlkum sem allar eru jafnréttissinnaðar (heitar umræður, kannski ekki allir að fatta) í kvöldgöngu að Tröllafossi. ég fór meira að segja í fjallgönguskónum mínum. Rosalegt. Við erum svona klúbbur núna, þeir sem vilja koma með í skemmtilegar göngur í sumar bara láta mig vita. Takk!

Seytjandi dagur junimanadar lidinn, med tilheyrandi vedursynishornum. Eg for og hjalpadi til i VOKUtjaldinu, fekk reyndar skemmtilegt hlutverk, i stad tess ad selja blodrur og gos og fleira i teim dur, var mer trodid i Sylvester buning (kisinn sem eltir Tweedy) og svo var eg bara vodasnidug fyrir utan tjaldid med blodrur. gerdi mest litid, spjalladi vid nokkur born sem ymist foru ad grenja eda samkjoftudu ekki, fekk morg spork i rassinn af snidugum bornum og unglingum, (ein benti reyndar a pabba sinn) fekk knus fra einum gelgjustrak og var kyld i andlitid af gelgjustelpu sem hefur sennilega buist vid ad eg vaeri grjothardur strakur. gaman ad tessu. afsakid ad her eru engir islenskir stafir, en eg er i tolvu systur minnar sem er svona dyntott...bla bla ekki meira um tad. A sunnudaginn for eg i bio med Toreyju a RESPIRO med Valeriu Golino. Tessi italska mynd er snilldin ein og maeli eg eindregid med henni. Hun er synd i Haskolabio. sko, hun er svo mikid konfekt fyrir augad ad eg hefdi getad horft a myndina an hlods og texta og bara notid tess ad sja tessa vel teknu mynd, held tetta se a Sikiley (allavega segir Torey ad tau hafi talad sikileysku). Litirnir eru natturulega lika storkostlegir, enda gerist myndin vid Midjardarhafsstrondina. Valeria Golino leikur mjog vel sem og hinir og i myndinni er tolud tessi skondna og kruttlega maliska en italska er natturulega eins og falleg melodia. jaeja eg er eitthvad ad missa mig i gullhomrunum um tessa mynd, hlyt ad hafa sed eitthvad omurlegt tar a undan. ok ok tralalala, aetla ad fara ad "elda" quesedillas fyrir mig og karlinn, ciao

Sjúdderarírei...
sjúdderaríraaaa. dísúss hvað ég var mikill asni að blogga ekki meira í þessari heimsreisu minni eins og sumir gerðu. Björk var allavega gasalega öflug. Það leið einu sinni yfir hana í hitanum í sveitinni í Laos, það var rosalegt, gerðist svona "slomo", pínu skondið svona eftirá en ég þorði samt ekki að hlæja á þeim tímapunkti, enda kannski ekki svo fyndið þá. Anyways, þá var ferðin brill og var Laos óneitanlega hápunktur ferðarinnar. Ef þið hafið einhvern tíma tækifæri til að fara þangað, grípið það þá. Bangkok var eftirminnilega menguð, skítug og hávaðasöm, átti nú sínar góðu hliðar líka. Æ ég nenni eiginlega ekkert að skrifa einhverja ferðasögu núna fyrst ég gerði það ekki úti, skelli kannski bara myndum hér við tækifæri. Annars var voða gott að koma heim til fjölskyldunnar og kisu og sofa í rúminu sínu og svona. Voða huggó. Á morgun byrja ég í Rammó, hlakka til að hitta krakkana aftur og anda að mér lopapeysuilm.... over and out!

ding dong dingalinga kong gong... nu er eg i Bangkok, aetladi ad blogga fyrir langalongu en bara ekki gefist timi. Nu er adeins um vika eftir af tessu magnada ferdalagi, en mer finnst eg hafa verid mikid lengur i burtu tar sem madur hefur sed svo margt nytt. Ferdin hofst 18.mai i London tar sem eg gisti hja Sondru og Magga. Tau bua i Camden, og mig langar ad fara aftur seinna og skoda mig betur um tar. Eg var eins og prinsessa hja teim, enda ekki von a odru a teim baenum a medan Gummi og og hinir (15 utskriftarnemar i verkfraedi, einn kennari og tveir spusar) gistu a ogedslegu skitafyluhoteli, muahahaha... Vorum tarna i trja daga, flugum ta til LAOS (sem er vid hlidina a Thailandi). Laos er magnadur stadur sem verdur tvi midur sennilega ordinn turistastadur innan 10 ara en nuna er hann ekki spilltur eins og Thailand. Folkid tarna var mjog vinalegt og eiginlega bara allt mjog gott (hitinn og rakinn reyndar fullmikill). Tar er mikil fataekt, en allt a rettri leid samt. Merkilegt var til daemis ad a gotum borgarinnar var varla neitt merkt, engin strik sjaldan skilti og eg sa ljos a tveimur gatnamotum (600.000 manna borg) Gaman ad tessu. Eftir Laos heldum vid til Bangkok. Tad sem einkennir borgina er mannmergd, skitur, laeti og mengun. Hun a eflaust sinar godu hlidar (fallegt vid ana etc.) og mer finnst gaman ad hafa komid tangad en eg held mig langi aldrei tangad aftur, tad eru svo otal margar fallegar borgir til i heiminu, og Bangkok er ekki ein teirra, to hun hafi sina kosti. Nu er eg ad bida eftir flugi til Ko Samui sem er thailensk eyja, vid hlokkum ekkert sma mikid til ad komast tangad... jaeja, bestu kvedjur alle sammen fra Asiu....

örfáir dagar í útlönd....
jebbsi pepsí, mín er bara alveg að fara til útlandsins:) tralalalala. Það skemmtilegasta við gærdaginn var að þá fékk ég boðskort í brúðkaup til elsku bestu Áslaugar og Óskars!!! thíhíhí, ég hlakka ekkert smá til. Konan er að tapa sér í gleðinni og undirbúningnum, og í gegnum síðuna hennar fáum við öll að ganga í gegnum boðskortadúlleríið (sem nú er yfirstaðið og komið á sinn stað), kjóladramað og þar fram eftir götunum. Merkilegur dagur og því eins gott að undirbúa allt saman vel. Hvað gerði ég fleira gaman??? jú ég svaf út, lærði latínu, vann og borðaði ís sem mér finnst nú alltaf frekar skemmtilegt:) Í kvöld ætla ég að hitta góðar stúlkur á Vegamótum:)

Til hamingju...
...elsku Vala mín!!! Vala Svala er komin í arkitektinn í LHÍ, sem er þvílíkur sigur því það reyna svo margir að komast inn. Hún er listræn mjög stúlkan sú og ég mæli með að Völuvinir fari á síðuna hennar og bara óski stelpunni líka til hamingju:) Skál fyrir því.
XD

Ego sum Tótla
Ég er að krepera á þessari annars mjög svo áhugaverðu latínu þannig að ég endist akkurat ekkert við skruddurnar. Í gær fór ég reyndar í grillveislu með spænskunemum. Við átum dýrindis grillpinna og drukkum sangríu (með eplum!!! ekki mjög spænskt) og bríser og bjór. jebbs, svo bara kosningar á morgun. Ég hef tekið þá ákvörðun að tala ekkert um þær hér, nenni því ekki.
XD og góðar stundir:)

PS: Hvað ætli sé svona fyndið?

Sambandi...ég verð að ná sambandi...
Sælinú. Ég og Anna Björk og Frosti fórum í morgun að láta gelda Frosta en hann vissi það ekki samt. Hann er ekki mjög sáttur við lífið núna, fyrst þurfti hann að fasta frá miðnætti (sem hann skilur náttúrulega ekki) sem er ekki gott mál þar sem hann er mikill matköttur, svo fór hann í bíltúr sem kisum leiðist frekar mikið, svo bara er gatað í honum eyrað (pönkari!) og hann svæfður og tekinn úr sambandi. Úff, þetta lagðist svo illa allt saman í hann að hann hefur víst kastað upp í allan dag litla skinnið. Á leiðinni frá dýralækninum hitti hann stóran hund (eða tvo veit ekki alveg) og bara missti það endanlega. Gríma fékk sama skammt af leiðindum í dag nema að hún hitti ekki hund (enda yrði hún ekki hrædd þar sem hálfsystir hennar er hundur) og hennar aðgerð er mun flóknari. Fyrst var hún kantskorin/rökuð (já hún Gríma mín fylgist með tískustraumunum) og svo vil ég helst ekki rifja afganginn upp, þetta er svo ógeðslegt. Mér finnst nú hálfömurlegt að stjórna svona náttúrunni, bara klippi klipp, en ég varð. Sorry Gríma.

Strengir
Ég fór á hestbak á sunnudaginn og er enn að kálast úr strengjum, áááá, aulinn ég. Annars er bara gott að frétta, ég mæli með þessu fyrir þá sem þurfa að drepa tímann. Ég hef nóg að gera en er búin að vera gjörsamlega húkt á þessu. Það versta er að ég er hrikalega léleg í þessum leik, ég held að þá sé meira að segja vægt til orða tekið, en þetta er stuð.

Pælingar fullorðinsbarnsins
Í dag er laugardagur, sem er mjöööög gott. Ég varði fyrri hluta dagsins með bræðradætrum mínum, Eddu og Þórhildi í alls konar skemmtilegheit, og er nú að passa hinar bræðradætur mínar, Diljá og Össu. Diljá verður 5 ára í sumar og er einmitt á þeim aldri þegar börn hafa svo skemmtilega skoðun á hlutunum og átti ég mjög athyglisvert samtal við hana einmitt nú í kvöld. Hún spurði: "Tótla, þú ert litla systir Óla, þaggi?" (Óli er sem sagt pabbi hennar) Jú jú, ég sagði það það væri rétt, pabbi ætti svona stóra litlu systur en sjálf á hún yngri systur sem er bara 1 árs. Þá bætti Diljá við: "samt ert þú ennþá í skóla"... já ég sagði að það væri af því að ég væri litla(sta) systir pabba og Önnu Bjarkar og Steina, og væri frekar mikið yngri og þess vegna aðeins öðruvísi og ætti ekki börn sjálf og svona. En Diljá reddaði þessu með skýringunni á því... "nú það er af því af þú ert barn sjálf!". Takk fyrir kærlega Diljá mín, þú sérð þetta allt saman í svo skýru samhengi. Ég stóðst ekki mátið og spurði hana hvort henni fyndist ég vera alveg barn. "nei nei, þú ert svona fullorðinsbarn". Mér finnst þetta flott orð, fullorðins barn:)

Brjóst
Diljá hélt áfram með snilldina. Ég var að skipta á ungviðinu (Össu) sem sparkaði laust í brjóstin á mér og ég sagði í svona gríntón "heyrðu kerling ertu að sparka í brjóstin á mér!" Þá glotti Diljá eitthvað og spurði "Tótla ert þú með stór brjóst?" Ég svaraði af "hreinskilni" -"já sérðu það ekki? þau eru alveg svoooona risastór" Diljá sá nú í gegnum þetta og flissaði eitthvað svo ég ákvað að leiðrétta þetta strax og sagði "nei nei, þau eru ekki svona stór". Diljá toppaði þá daginn fyrir mér (ef ekki bara mánuðinn) með: "nei þau eru bara svona eins og mín". úff, ég margspurði hana og gaf henni tækifæri á að leiðrétta þennan misskilning "já, þú meinar það Diljá eru þau alveg eins og þín???" o.s.frv. og hún var bara alveg hörð á því. Ef hún væri ekki bara 4 ára hefði ég sko hefnt mín, geri það kannski þegar hún eldist, huh! Mér líður æðislega:) Flatbrjósta fullorðins barn, er maður kannski bara hræddur við sannleikann? hehehe

Vedder
Mér fannst svolítið gaman að lesa umfjöllun Veddarans (Védísar Hervarar) um pólítík og skapabarma, ussumsvei. hehehe:)

Búin í prófinu (et.)
já svei mér þá ef stelpan er ekki bara búin í þessu eina prófi. Ég er nú samt ekki laus allra mála því við taka gífurlega krefjandi latínuverkefni sem er hressandi mjög. Kona verður bara að setjast niður og demba sér í latínuna sem krefst óhemju mikillar þolinmæði. vjlkzsdiurj, sem ég hef svo sannarlega lsidugfvoxdurj. Takk. Prófið áðan í málvísindum rómanskra mála var afar flókið mál fyrir fræðimenn eins og mig, ég bara reyndi eins og ég nennti, en svo þegar ég nennti ekki lengur fór ég úr prófinu, enda hafði ég skrifað þá allt sem ég vissi og hugsanlega gat á einhvern hátt svarað spurningunum. Svo skokkaði ég á hlaupabretti í íþróttahúsinu og hafði bara nokkuð gaman af því, alla vega gott, og á eftir ætla ég í sund. BRAVÓ!

Sniðugt
...að halda keppni og kalla .is bla bla og voða mikil athygli glans og glamúr og ég veit ekki hvað og hvað, en uppfæra hana svo bara aldrei. Jeminn eini.

Málvísindi rómanskra mála...
hljómar það spennandi? mér finnst það reyndar spennandi, en samt ekki akkúrat núna, þar sem ég er ekki alveg sátt við námskeiðið og er að fara í próf í því á miðvikudaginn næsta. Fraulein Tótlchen.is er mætt á bókasafnið í þægilegu fötunum og á táslunum (tók samt með sokka). Nú er ekki um annað að ræða en að taka þetta próf bara í nösina, voilá. Ég er í banastuði sko, alveg klár í lesturinn, en kisi krafðist óvenju mikillar umhyggju og klapps í morgun, svo ég bara varð að kúra smá með henni. Um daginn veiddi hún vettling. jamm, Gríma kom með vettling í soðið fyrir fjölskylduna, dásamleg þessi veiðidýr. Ég er ansi hrædd um að einhver fuglinn muni verða fyrir mjög nánum kynnum við kisu í sumar. Hún er orðin mjög fær í að veiða flugur og borðar þær að sjálfsögðu, sem er mjög gott því að flugur eru fullar af próteini og ekki veitir Grímu af smá vítamínum, hún er að detta í sundur af hor. Í gærkvöldi snæddum við maestro camaro man pizzu á Horninu ásamt Lundúnarbúunum Söndru og Magga. grrrr, alltaf jafngott. Svo skelltum við okkur í kvikmyndahús (sem by the way eru ömurleg af því að það eru alltaf ömurlega langar auglýsingar og hlé sem er alltof langt og byrjar í miðri setningu, en svo hoppa þeir yfir smá tíma... eða sko. úff nú er ég komin í uppnám. 'Eg gruna bíókallinn um að slökkva bara á skjánum í hléinu en að myndin sé enn að rúlla undir, sko það vantar alltaf smá.. Eins og maður sé ekki að borga nóg fyrir þetta). En við sem sagt fórum á The Recruit, og hún var rosalega góð. Ég mæli með henni, alla vega fannst mér hún rosagóð í gær. ok, lærdómur, over and out!

Tapað-fundið
Hefur einhver séð rauða anorakinn minn? Vissuð þið að orðið anorak (+ur að sjálfsögðu í íslensku) er grænlenska en er notað í flestum tungumálum... eða mörgum, svona eins og frönsku og spænsku. Eða mig minnir það alla vega. Um helgina fór ég í túristaleik með Gumma Hlí. Það var mjög gaman, en ég mun skella einhverjum myndum á tjattið við betra tækifæri. Núna er ég upptekin. Mike, amerískur vinur minn kom í heimsókn og við Gvendur hýstum hann og reyndum að sýna honum sem flestar dásemdir landsins á sem skemmstum tíma. Mér fannst við vera farin að hljóma alveg eins og Thule auglýsing. "you know that here in Iceland we have the best..." etc....bla bla bla. Gaman að þessu, jæja, bókasafnið bíður eftir mér...

Hey...
Er þetta bara mín tölva, eða er líka hægri hluti síðunnar minnar dottinn út hjá ykkur? Linkarnir og það... mér er spurn.

Gleðilega páska
Gleðilega páska, alle sammen, ég hef eina játningu fyrir ykkur, ég bara verð, þori samt varla. Ég er byrjuð á páskaegginu mínu:/ Málið er sko að bestu vinnuveitendur í heimi gáfu mér (og hinum) páskaegg svo ég var voðalega glöð í vinnunni í gær og ætlaði heldur betur að standast freistinguna fram á páskadag. Kom svo heim og þá kom í ljós að við Gummi fáum sitthvort risapáskaeggið frá elsku foreldrum hans (svona er að vera með einkabarni... mæli með því) Úff púff. Þannig af heilsufarsástæðum tók ég þá skynsamlegu ákvörðun að byrja hið snarasta á Rammagerðaregginu til að verða ekki veik á páskadag. Ég neyddist til þess, en nú er ég að fá samviskubit, bara oggupons samt, ekki nógu mikið til að hætta að borða eggið... múahahahaha:)

Ingibjörg Ýr er orðin mamma:)))
...en byrjum á byrjuninni, smá rapport:
Dagurinn byrjaði á að ég vaknaði of seint, náði bara að lesa í klst fyrir munnlega frönskuprófið (las náttúrulega líka í gær) sem ég brilleraði ekki í. Eydís MR frönskukennari var prófdómari, gott að sjá vinaleg og kunnugleg andlit, en ég skammaðist mín að vera svona léleg fyrir framan hana. Mér fannst mér sem sagt ganga illa en c'est la vie (sem þýðir einmitt "svona er lífið" á frönsku). Eftir prófið gerði ég einhverja ómerkilega hluti sem tekur ekki að telja upp. Jú, reyndar eitt, Gríma (kisan okkar) sækir bolta...sem sagt eltir og kemur með til manns, en það er eitthvað annað en Myrra (hundurinn okkar) sem hefur aldrei lært að sækja. Ég er hrædd um að Gríma eigi eftir að "sækja" fugla í sumar. Jæja, eftir að hafa leikið við vannærða köttinn minn (hundurinn kemst alltaf í kattarmatinn) fór ég á fyrirlestur í latínu (sem fór fram á ensku) og hver var þar annar en Kolbeinn latínukennari úr MR, ég sem sagt hitti tvo MR kennara. Kolbeinn fær rokkaraprik fyrir að hafa þekkt mig um leið. Í kaffinu sagðist hann vera feginn að hafa ekki fælt alla frá latínunni :/ jæks...ég varð hálf kleinuleg. Mér gekk vægast sagt hræðilega í latínu og lofaði að koma ALDREI nálægt henni aftur ...og hvar er ég í dag? það er eitthvað að mér. well, ég bara brosti mínu blíðasta og fékk samviskubit yfir að hafa kjaftað við Söndru í tímum, og reyndar alla, og skrifast á. Ég var nú samt alls ekki svo slæm, ég samdi þó ekki dónavísur (hömm hömm) og ég hvíslaði held ég bara ef ég hafði eitthvað að segja á annað borð... ég var bara svo helv... léleg í latínu, það var það eina. Jæja, svo fór ég nú bara heim. Ákvað að hringja í Ingibjörgu sem átti að vera löngubúin að eiga og ég ætalði að vera löngubúin að tala við. nei nei, haldiði að hún hafi ekki bara eignast hana Ísabel í nótt!!! Í fyrsta sinn fékk ég svona búbblíbúbbl fiðring í þið vitið stokkana þarna (var samt fljót að jafna mig á því) Gekk sem sagt vel og ég óska henni til hamingju, og ég get ekki beðið eftir að sjá gripinn. Ingibjörg sagði að það væri bara eins og þær hefðu þekkst lengi, ekki bara 9 mánuði þið skiljið. Ég varð alla vega rosalega glöð yfir þessu og langaði að fagna, vissi ekki hvernig samt... svona alein. Ég ákvað að fagna bara með því að leggja mig í hálftíma (sem varð reyndar klukkutími). Í kvöld fór ég svo á Kaffibarinn með stelpunum úr spænskunni og henni Juliu sem er meira að segja spænsk. Muy bien. Hvað næst, ...jú fór til systur að sækja eitthvað dót. Kötturinn þar á bæ er lagður í einelti af ógeðslegum svörtum ketti (ég er ekki rasisti, hún bara er svört). Frosti greyið var úti á palli að spóka sig og viðra í kvöldgolunni þegar Tjara tu**a kom þar að. Hún minnir mann helst á pardus, sem eru reyndar geðveikt flott dýr. Hún er svona vondur pardus og hún réðst á Frosta með tilheyrandi óhljóðum. Við systurnar og Stebbi stukkum út til að bjarga kisa en þau þutu bara út í buskann. Við kláruðum reyndar að horfa á Piparjónkuna á S1 en fórum svo út að leita. Frosti fannst skjálfandi undir garðpalli nágrannans og hafði gert á skottið af hræðslu. Það var ógeðslegt, sérstaklega lyktin. Dagurinn var bara fínn hjá mér fyrir utan munnlega frönskuprófið og Tjöru.
Q.ed -Sönnun lokið

sniff sniff
Þetta fær mig næstum því til að bruna upp á Holtavörðuheiði að leita. Hann er meira að segja fatlaður greyið:( Gleymdi ég ekki að segja hvernig McDonalds og kjötbollurnar voru? sko, McDonalds var bara svona McDonalds með fullt af nýbúum og ég fékk ekki kjötbollur, það var ýmist mexikanskt, ítalskt eða kínverskt þema. merci.

Svíþjóð og próf
Hola chicos y chicas... Þá er stelpan bara lent. Kom í gær heim frá Stokkhólmi en þar var ég á NOM-fundi sem þið vitið ekkert hvað er. Gunna, Pétur og ég skemmtum okkur mjög vel og lærðum að sjálfsögðu margt. Þarna voru samankomnir svona stúdentapólitíknörd eins og við þrjú frá hinum Norðurlöndunum og Eistlandi en sem betur fór er þetta allt á ensku. Reyndar var einn fyrirlestur á sænsku, og þá brostum við bara fallega og reyndum að vera gáfuleg sem var svolítið erfitt þegar maður skilur varla neitt. Þó maður kunni kannski eitthvað í þessum málum þá er það ekki nóg ...mann vantaði sænska orðaforðann yfir ...æj ég man ekki einu sinni hvað því þetta var svo flókið. En fólkið þarna var svaka fínt, en spauglaust þá held ég að við Íslendingarnir höfum verið langskemmtilegust. Alla vega fannst okkur það. Við gáfum þessu liði brennivín því þau eru víst ólm í svoleiðis, ég tók hálft staup bara til að vera rokkari, ég held að danirnir eða einhverjir aðrir útlendingar hljóti að hafa afgreitt bokkuna því ekki komum við nálægt því. Á sunnudeginum fóru allir heim en við Pétur fórum í túristaleik. Þar kom í ljós að við erum ömurlegir túristar, ætluðum aldrei að finna lestina, áttum ekki kort af borginni, og tókum ekki myndir. Dagurinn var samt brill á sinn hátt. Við bara vöfruðum um þessa fallegu borg, gerðum grín að væmnum ljósastaurum og fuglastyttum, kíktum í búðir, skoðuðum leikhúsið og kósuðum okkur á kaffihúsi. Seinasta kvöldið lágum við svo í leti með sitthvorn risanammipokann og fullt af gosi og sáum skandinavíska temptation island í sjónkanum. ÞAÐ VAR ÓGEÐ!!!! hehehe...ókei, nóg um það ég hef svo mikið að gera í skólanum og er búin að vera eitthvað smá "sloj" svo það gengur hægt. Best að fara að læra. ciao

klón spón
Bryndís talar um að hún þyrfti að láta klóna sig, já ég er sammála akkúrat núna. Gaman ef fleiri gætu notið þess að kynnast manni, ahaha, nei grín sprín. Nei sko, ég er að fara til Sverige í fyrramálið á NOM ráðstefnu (norræn stúdentaráð, eða svoleiðis) með honum Pétri mikla eins og hann kallar sig víst sjálfur:) hann er hress og kátur Röskvusnáði og ég held að það verði bara gaman hjá okkur og henni Gunnu sem fer líka (fyrir BÍSN). Við verðum í Stokkhólmi en þangað hefur mig lengi langað. Áður en ég kemst út verð ég þó að gera heljarinnar ósköp sem ég hef frestað of lengi að gera... úff púff, nenni ekki að telja það upp hér. Samt kannski ekkert svo agalega mikið, bara smá mikið. Ég vona að ég komist í tölvur í Svíalandi svo ég geti sagt ykkur hvernig McDonalds er þarna og friggadellurnar. olrætí, hejdaa!

Eitthvað skrýtið...
...í gangi, því þó fólk skrifi eitthvað í shout-outið hjá mér þá kemur það alveg en stendur aldrei hversu mörg, skiljiði, kíkið bara þá fattið þið. Allavega, ég fór til Þóreyjar á laugardaginn að hitta fullt af skvísum, borðuðum gómsætar heimabakaðar flatbökur, supum á hinum ýmsu veigum, áfengum sem óáfengum (held reyndar að flestar hafa einmitt verið í kókinu), átum nammi, horfðum á söngvakeppni framhaldsskólanna og hljógum mikið að kynnunum. úff og púff. Mér finnst að það ætti frekar texti að renna yfir skjáinn með upplýsingum um næsta flytjanda (og aðstandendur þess mega muna að það eru tvö s í framhaldSSkóli!!!) en að hafa tvær gelgjur þarna á einhverju egótrippi. Og nemendur í No Name skólanum á Akureyri hefðu líka mátt slaka aðeins á dökka augnskugganum á dömurnar. Jeremías, sumar voru svona eins og koalabirnir... En mér fannst margir vera alveg ótrúlega góðir og atriðin mjög vönduð. Greinilegt að krakkarnir leggja mikið á sig og eru hæfilekaríkir. Besta atriðið vann að mínu mati, ég var hissa að Kvennóstelpan næði ekki sæti (fyrsta atriðið) og MK-gellan hefði sko alveg mátt fá einhver svona hugrekkisverðlaun. Það besta var þó að hitta eðalskutlur og hlæja og spjalla. Takk fyrir mig Tóti Sif:)

sábaai-dii
Um daginn dreymdi mig að ég flaug til Bergen í Noregi, og ákvað að fara þaðan á hlaupahjóli til Lillehammer og svo Oslo (smá krókur sko). Ég var meira að segja með farangur (held ég hafi samt komið honum á rútu en gleymt að merkja hann) lenti á einum mjög erfiðum mislægum gatnamótum man ég og mér var rosalega heitt enda var komið sumar. Ferðin á hlaupahjólinu var samt mjög ánægjuleg, ég var aðallega á ferð um fallega dali og skóga Noregs, en fannst ferðin ganga hægt. Þegar ég loksins var komin til Lillehammer (þá er svona tæplega 3 tíma akstur eftir til Oslo minnir mig) var mér orðið svo heitt og komin með strengi í lærin en hitti þá Sveinbjörgu (vinnuveitanda minn í Rammagerðinni). Hún vann á svona tourist information og ég fékk kaffi og með því á skrifstofunni hjá henni og hvíldi mig smá. já já, svona er ég rugluð. phop kan mai (laos-íska yfir "sjáumst"... ég elska lonely planet)

Góða helgi
ágætu vinir, ég vona að þið munið öll eiga hina bestu helgi og allt það. Sjálf er ég á leiðinni í vísindaferð með verkfræðinni, jibbí jei, og svo ætla ég í leikhúsið á Sól og Mána:) laugardag mun ég vinna í gerð kennda við Ramma, og kíkja til stelpnanna um kvöldið. Á sunnudag verður franskan mössuð, oui, ég ætla á bókasafnið snemma morguns daginn þann og lesa og lesa þangað til ég æli næstum því. Voilá.

Gríma, fröken Vatnsendi
Hér má sjá sætustu kisu í öllu Vatnsendahverfi. Hún er snoppufríð, fíngerð og hefur fallegan feld. Frosti bróðir hennar er líka myndarlegasti högninn í Suðurhlíðum Kópavogs. Hún er reyndar alltaf að veiða, t.d. er hún að veiða tærnar mínar á myndinni þarna...eða alla vega að íhuga árás á þær:) Finnst ykkur hún ekki sæt?

Gestabókarvolæði
hefur helst yfir mig þar sem fáir aðrir en Áslaug og ég sjálf skrifa í gestabókina mína:( hversu ömurlegt er það? sjæse....

Bloggauli
ég ætlaði að vera eitthvað sniðug og setja nýja mynd af mér hérna til hægri en tókst að klúðra því og nú er engin mynd. well, þeir sem lesa þetta þekkja mig, nema kannski að vinkonur mínar sem ég hitti of sjaldan séu búnar að gleyma hvernig ég lít út.... rautt hár, brún augu, og 180 á hæð, ok stelpur:)

Hjálpaðu mér upp, ...ég get það ekki sjálfur
Síðustu helgi fór ég í ógeðslega skemmtilega ferð í sumó með snilldarbekknum hans snilldarGumma, og við fórum í pottinn eins og Íslendingar eiga til þegar þeir gera sér glaðan dag. Gestgjafar voru þau Eiríkur og Helga og hann Eiríkur sagði okkur að metið væru 13 manns í þessum litla potti. Við lögðum mikinn metnað í að slá það met, og var lítið vatn eftir í pottinum þegar ítalski skiptineminn hann Luca "ðe rekkordbreiker" náði að stinga nokkrum táslum og loks meirihluta líkamans oní drullupottinn. Þá var ég örugglega búin að vera ca. 2 klst þarna og var líðanin ekki góð undir lokin eins og sjá má á þessari frábæru mynd af fólkinu. Mér finnst við vera lítið annað en útlimir þarna. Við fórum í marga leiki eins og "búmm" en ég var ekki að drekka áfengi svo ég bara þagði. Svo fórum við nokkrum sinnum í "hver á fótinn" en þá var klipið í útlimi á svamli og reynt að finna eigandann. Á fyrri myndinni erum við aðeins 12 en á þeirri seinni er Inga Rut komin og Luca er að troða sér oní, hefðum átt að smyrja hann fyrst með vaselíni, það hefði gengið betur. Bravó!

jólin í mars?
nei ég er ekki orðin gaga, alla vega ekki meira, en mér datt bara jólin í hug allt í einu núna þar sem ég hef snúið sólarhringnum við, eins og í jólafríinu. Æ...dóh! asnalegt, en alla vega þá sit ég hér við tölvuna...borða kjúkling og Gríma er að narta í humar (hefðarkisa) og er bara að dúllast í tölvunni, þegar klukkan er að verða hálftvö um nótt. Ef einhver veit um geisladiskana mína þá má sá hinn sami skila þeim, ég sakna þeirra. Mig vantar tónlistina mína, núna.... bidi bidi bom bom

það er algjört möst...
...að kíkja á þessa flottu og fróðlegu síðu og kvitta þar í gestabókina:)

ble ble, helgin búin, ble ble
ok, ég verð að sætta mig við það að helgin er því sem næst búin og ég hef ekkert lært. Neibbs, í gær var ég að vinna og eftir vinnu fór ég í ánægjulega sumarbústaðarferð með bekknum hans Gumma, vonandi get ég sett myndir af því hér síðar. Stelpan var á bíl svo ég svaf vel. Í dag hef ég átt kósídag með frænkum mínum, fór í sund, á hoho, og svoleiðis, sem er MJÖG gott, en nú er samviskan að naga mig, og ég VERÐ að fara að læra, svo over and out. Ætla að leyfa mynd að fylgja, af sætum spænskunemum sem eru þarna að bíða eftir því að komast á klósettið í vísindaferð. ...Sigrún, Klara, Svanlaug og Helga Gvuðrún (hún skrifar það með v-inu)....

huhuhu
nei nú er mér allri lokið, var að lesa betur síðuna hennar krullubossa og komst að því að Þóreyju var boðið í átið hjá Ingu Steinu. Detta mér allar dauðar, ég stofna þá bara hér með alein kökuklúbbinn "Englabossar" fyrir þá sem voru ekki gelgjur á gelgjunni og fá ekki að vera í öðrum kökuklúbbum.

Kökuklúbbur
Komst að því nú í vikunni að ég er EKKI í kökuklúbb sem "vinkonur" mínar stofnuðu á gelgjunni. Ég og Þórey vorum sem sagt ekki nógu miklir villingar til að fá að vera með! Mér finnst að við Þórey ættum að stofna kökuklúbb fyrir bara þá sem voru englar á gelgjunni. Allir velkomnir sem hafa áhuga, eða, sko best að leggja inn umsókn hér á síðunni og hún fer fyrir nefnd sem er skipuð okkur englunum og munum við vega og meta hvort viðkomandi hafi verið nógu mikill englabossi. Já, það eru ekki allir sem höfðu áhuga á landa, sígarettum og strákum svona í kringum fermingaaldurinn.

frægð og frami
Ég vil benda áhugasömum á að kíkja á Pungana en þar má finna viðtal við mig undir "Íslendingi vikunnar:) ekki dónalegt ha! Pungarnir eru sniðugir strákar, gaman að þessu. Ljóðelskum bendi ég á Áslaugu Ósk. Þar er fallegur ljóðabálkur um líf hennar og störf, þó ekki eftir hana sjálfa en á sínum yngri árum samdi stelpan reyndar ljóð um Mikjál nokkurn. Ég held ég sé haldin svefnsýki...ég bara sef og sef og sef meira. Mér finnst svefn mjög dýrmætur, en maintenant ætla ég að gera frönskuverkefni, oui oui mon chéri.

á skíðum skemmti ég mér tralalalalalalalalalalalalala
ég er að fara á skíði, ligga ligga lái, því það er rjómablíða en samt skítakuldi...tja tja. Gvendur minn og Gaui bekkjarbróðir hans og hún Tobba hans ætla með mér. ok ok, ætli ég þurfi sólarvörn? nei kannski frekar kuldakrem.

Pása? ekki pása?
ég er svo ódugleg við að blogga að ég er að pæla í að taka mér svona bloggpásu eins og Doddi. Veit samt ekki. Hvað um það, sl. föstudag var haldið upp á gleði kennda við árið í spænsku og fleiri deildum. Þvílíkt og annað eins fjör. Dagurinn sjálfur einkenndist af stressi og peningarugli... borga dj-unum, borga matinn, rukka hér og þar bla bla bla, kaupa sæng og kodda og svoleiðis fyrir hina spænsku Juliu sem er nýkomin til landsins. Lagðist í bleyti um miðjan dag og var komin til Sigrúnar Lóu um fimm. Það var brill því Sigrún Eyjólfs málaði mig, Klöru og Sigrúnu Lóu. Ég hef held ég aldrei látið mála mig, en stúlkan er snillingur svo ég var mjög ánægð. Hey, ég er að plata, ein kvensa málaði mig í Victorias Secret í New York um daginn. Mér leið nú eins og asna þá, "horfðu upp! niður! ekki loka! hálfopinn munn! fín kinnbein! nei ekki svona bogin!" bla bla, hvað á maður að segja? Sigrún var miklu betri. Gellan í leyndarmáli Viktoríu málaði mig vel en frekar mikið, mér fannst ég vera svona "bold and the beautiful". Árshátíðin sjálf var líka grand, góður matur, sniðug skemmtiatriði, flamencodansari, kúbanskur dansari, gítarspil og söngur o.s.frv. og að lokum komu Gullfoss og Geysir og ég dansaði eins og ég ætti lífið að leysa. Mér fannst ég mjög fín, í svarta strandakjólnum hennar ömmu í Fells (sniðugur yfir bikiníið, nú eða bara nærfötin) og dansiballsskónum hennar múttu, með appelsínugula rós um mittið og klút í sama lit um hárið. Gaman að vera í kjól, dansi dansi dúkkan mín... dæmalaust er stúlkan fín:)

árshátíð... og fleira gaman
Á morgun verður gaman. Þá er árshátíðin okkar, og verður hún að sjálfsögðu suðræn flétta af sangríu, spænskum réttum, salsasporum í bland við venjulegt íslenskt djammkvöld þar sem maður þarf sennilega að koma í stígvélum og þykkri kápu yfir fína dressið, fólk syngur "final countdown" og fer á trúnó. Það er nefnilega þannig að þó að við spænskunemar séum kannski flest frekar innstillt á spænska/s-ameríska menningu þá erum við íslensk. Ætli við séum ekki ljósu strípurnar í svörtu suðrænu fléttunni sem ég var að tala um. Kærinn minn var að lýsa því fyrir mér um daginn hvernig stíl ég hefði á dansgólfinu, hann sagði að ég væri eins og "önd sem er að reyna að hrista vatnið af stélinu" (orðrétt) og er þá að vísa til mjaðma/rassa-hreyfinga/hristinga minna. Halelúja, ég var frekar móðguð (ekki segja honum). Þetta var á sunnudagskvöldið, í dag er fimmtudagur og ég er farin að sjá fyndnu hliðarnar á þessu... aðeins.
ammlið...
ég átti ósköp venjulegan afmælisdag en hann var eiginlega alveg ágætur. Sandra sæta setti ábyggilega met, því fyrst hringdi hún frá London til að gratulera stelpuna, svo um kvöldið kíkti ég í tölvuna, og þá var e-mail frá henni OG hún skrifaði í gestabókina. Takk Sandrímus:) mér þótti vænt um símtalið, fer að hringja bráðurm. Og svo fékk ég að sjálfsögðu margar fleiri afmæliskveðjur, takk fyrir þær. Fleiri áttu afmæli, þann 1.mars: Inga Steinunn HR-dama, Ingibjörg Ýr hin verðandi móðir. 2.mars: Herdís bráðum hagfræðingur og Arndís heimsreisuverkfræðiskutla með meiru. Allar urðu 23 nema hin síðastnefnda sem er ögn þroskaðri og árinu eldri, ég náði henni aldrei, huhu, en ég er keisarabarn og það átti að sækja mig á degi kenndan við ár og hlaup. Telst það með? Þá ætti ég að vera eldri en hinar (að Arndísi undanskilinni). Ok, en ég nennti ekki að linka á þessar dömur enda eru linkarnir hérna til hliðar:) swing...........

Takk fyrir afmæliskveðjur, takk fyrir stuðning í kosningum, og takk fyrir allar hamingjuóskirnar:) Ég hef ekki tíma til að bulla núna þar sem frönskupróf er framundan, svo ætla ég að halda upp á öskudaginn með frænskum mínum, og leita að herbergi fyrir heimilislausa spænska stúlku. Olé!

Vitleysan hefst
Munið að kjósa þið sem eruð í háskólanum, ég trúi ekki að það sé loksins komið að þessu, úff púff. Hlakka til á morgun, vil bara fá þetta á hreint. Og sæti kærastinn minn er búinn að bjóða mér á árshátíðina sína á föstudaginn:) Hún verður haldin á Selfossi. Mamma og pabbi, stundum kölluð Elva og Birgir eru á Ítalíu að skíða um fallegar brekkur og tralala, og Anna Björk og Birgir Steinn líka. Huhuhu, maður getur ekki gert allt. Þau koma heim á laugardaginn, og ég ætla að sækja þau, kaffibrún og fín. Dóhhhh!

"Líf mitt með Vöku" ...ævisaga ungrar konu í framboði
...einnig fáanleg á hljóðbókarformi innan skamms. Nei ég segi svona, veit ekki af hverju mér datt þetta í hug, kannski af því að mér finnst alltaf svo asnalegt þegar ungt fólk gefur út ævisögu sína. Kannski líka af því að mér finnst líf mitt snúast mikið um hagsmunabaráttu stúdenta þessa dagana, sem er mjög gott mál. Margir spyrja mig hvernig í ósköpunum ég nenni þessu, en ég skil ekki hvernig er ekki hægt að ekki nenna þessu, eða ekki, eða öfugt, þið skiljið. Hvernig er hægt að kvarta yfir hinu og þessu en gera ekkert í því? Nú það er alltaf hægt að kjósa rétt, og treysta rétta fólkinu til að taka málin í sínar hendur. Þetta fer að verða manni svo mikið hjartansmál að það að hrópa stefnuskrána oní leiðinlega indverska lagið á Astró á föstudagskvöldi fyrir áhugasama er bara alveg sjálfsagt. Ég er kannski ekkert mikið að þylja hana svo sem, en jú, stúdentar láta sig málin varða svona þegar líður að kosningum og stoppa mann á förnum vegi með skemmtilegar spurningar í pokahorninu, og það er í raun svakalega gaman og dýrmætt. Við sem ætlum að ná meiri árangri í hagsmunabaráttu stúdenta verðum náttúrulega að heyra frá nemendum sjálfum hvað þeim finnst um hitt og þetta. Mig er farið að dreyma lykilkortakerfi, próf.is og hljóðbókarsjóð. Svo rekst maður á tjáningar fólks sem hefur séð okkur í stofugangi á bloggferðalögum sínum:) Ungur maður að nafni Gunni Palli er einn þeirra, hehehe, gaman að lesa þetta. Athyglisvert að stundum nefnir fólk sama hlutinn ýmist sem kost eða löst, hlutlaust dæmi myndi hljóða svo:
Nonni; frábært hvað þessi peysa er gul, ég elska svona líflega og fallega liti!
Manni; alveg hrikalegt hvað þessi peysa er gul, maður fær bara ofbirtu í augun.
Nei, ég mun seint fá Pulitzer verðlaun fyrir þennan pistil, hvað þá þetta litla dæmi, datt ekkert annað í hug:/ Önnur manneskja sem tjáði sig um stofuganginn er hún Katrín litla badmintonstelpa, hún æfði einmitt með Slaugu slím í den. Ég tók nú ekki eftir Katrínu fyrr en undir lokin, sá hana ekki því það var strákur fyrir henni. Ég var nú hissa að sjá að hún heyrði orð eins og námslán og lesblindir því hún var að gera eitthvað allt annað en að hlusta allan tímann:) Hún hefur samt hlustað smá, stundum er ég alveg að sofna í tímum en samt virðist eitthvað fara inn. Eitthvað smá... pínku pons.

Sei sei já, svei mér þá...
&lksd !&%.... argggg, ég er svo með þetta "sei sei já svei mér þá" lag á heilanum að ég segi ekki annað né skrifa, nema ég sé þá að tala um stúdentapólitík eða spila kana við frambjóðendur. gaman, ég skemmtilega! Í morgun var ég alveg "jeeee" þegar ég sá snjókomuna en svo fór að rigna og núna er veðrið ömurlegt í einu orði sagt, og ég er full af kvefi, sem er ekki gott. Gríma, kisan mín (sem nú hefur fengið viðurnefnið "kúkakisa") er nú ekki alltaf jafn sniðug. Í gær varð smá slys, ég mæli allavega með Visskas, enn ekki Pússí, því allt bendir til að Gríma eigi í vandræðum með hægðirnar borði hún of mikið af Pússí-kattarmat. Ef einhverjum finnst þetta ógeðslegt þá er honum frjálst að hætta lestrinum núna, en allavega, þá var þetta frekar mikið í fljótandi formi og svo mokaði hún sandinum svo vel yfir að hún spólaði honum (með öllu tilheyrandi) upp á vegginn fyrir aftan. Úbbosí, slysin gera ekki boð á undan sér. Svo hafði hún trítlað upp í rúm til að kósa sig, og til að gera langa sögu stutta, þá þurfti ég að þrífa vegginn á meðan Gummi skipti um á rúminu. Þetta var klukkan 1 í nótt, mikill hressleiki þá með Grímu. Annars er hún alltaf góð og hrein. Helgi, Vökupartí á astró í kvöld með fríum veigum í fljótandi formi, æi nei. Ég ætla ekki að minnast meira á "fljótandi form" í dag:)

Útvarp Latibær
þessi útvarpsstöð ...kennd við bæ kenndan við leti er snilldin ein. Manni líður svo vel og verður svo saklaus (sem ég var nú fyrir) við að hlusta á stöðina, ég mæli með henni í dag. Annars hef ég ekkert bloggað um skeið, það er ekki af því að ég sé bissí krissí í kosningastússi og stofugangsstússi, nei nei nei, ég er bara kúl og ákvað að dissa Tótlutjattið í nokkra daga. jæja, x-a:)

Gleðilegan föstudag
Ég hef það á tilfinningunni að þetta verði góður dagur í meira lagi. Vaknaði í morgun, viss um að þessi dagur yrði eitthvað sérlega góður dagur, hmmm. Eins og svo margir dagar byrjaði þessi með biomjólk (með perum) og tölvurápi, sem er ekkert nýtt, en svo er ég á leiðinni í stofugang:) Hvað svo? ég er að hugsa um að leita einhverjar vinkonur uppi um miðjan daginn og seinnipartinn kíkir maður svo til múttu og kósar sig smá, kannski ég gerist grúppía í vísindaferð, hvernig ætli vísindaferðir hjá t.d. mannfræðinemum séu? Nei annars, ég hef eiginlega ekki hugmynd hvað ég geri, hver veit nema ég kíki upp í Vökuheimili og fari svo bara heim að leggja mig:) Mig vantar samt tónlist, strax! helst Sting...

híhíhí
Katrín.is segir að Vaka vinni þetta á fyrstu fimm sætunum:) hehehe. Mér finnst nú heildin alveg mjög góð hjá okkur sko. Annars þá er það að frétta að það er mikið að gera þessa dagana í öllu, en ég held að febrúar sé einmitt þannig hjá öllum, ekki satt? Árshátíðir, þorrablót, verkefnavinna og próf, og nú kosningar fyrir þá sem taka þátt í því. En smá könnun, er fólk almennt að halda eitthvað upp á Valentínusardaginn eða eru bara blómabændur einir að flippa? tell me tell me tell me once, tell me twice....

Af bílum,kisum og öðru skemmtilegu
Helgin er senn á enda, tralala, voðalega líður þetta allt saman hratt. Frétti af íbúðarkaupum Ásdísar og Guðna, til hamingju með það elskurnar. Guðni þarf þá eftir allt saman ekki að búa nálægt KR vellinum né bera Ásdísi yfir þröskuldin heima hjá tengdó eins og þau voru orðin hrædd um. Stelpur, eru ekki einhverjar hugmyndir kviknaðar um hvernig á að gæsa dömuna svo?

Á föstudaginn fór ég aðeins með Gumma í Bílanaust sem var skemmtileg upplifun, hann var svona eins og ég að skoða glingurbúð eða fallegri gjafavöruverslun, þuklaði á einhverjum, töppum sem ég man ekki hvað heita og skil þaðan af síður til hvers þeir eru, en ég man að þeir voru 1 1/2 tomma, eða var það ekki annars, og hann horfði með svona radaraugum yfir búðina, mér fannst eins hann næði að skanna mikið. Ég blés tyggjókúlur og lagaði taglið á meðan. Því næst var haldið í Zöru, þar hljóp ég um og "skannaði" góssið á sama hátt á meðan Gummi vafraði um með hendur í vösum, sorgarsvip á andlitinu og leitaði að sæti til að setjast í.

Í gær passaði ég Birgi Stein og við fórum í bíó á "I spy" sem var bara ágæt. Fyndnast var samt að við fórum með Frosta, kisann hans Birgis í heimsókn heim og höfðu þau Gríma þá ekki hist í langan tíma. Þau slógust mikið en Gríma var óumdeilanlega mikið sterkari:) Eitthvað virðist hún þó hafa ruglast í ríminu því áðan kom Gummi úr bílskúrnum með kassa í hendinni og sagði "Þórhildur, ég hef köttinn þinn grunaðan um að hafa skitið í sandblásturssandinn minn!" úbbs, hann er nefnilega að gera upp bílinn sinn eins og þið getið lesið um á síðunni hans og þessi sandur er geðveikt fínn og örugglega gott að kúka í hann. Ég reyndi að taka á mig sökina, en ég held að hann hafi ekki trúað mér:(

Sei sei...og fleira til
Í gær fór ég á alþjóðakvöld í Stúdentakjallaranum og það var svo gaman, nei meira svona svooooo gaman. Þau eru alltaf í stuði útlendingarnir, því ég held svei mér þá að það sé helst einmitt þarna, á alþjóðakvöldunum fyrsta fimmtudag í hverjum mánuði sem það myndast almennileg háskólastemning hér á landi. Jú, nýnemavikan, stúdentadagurinn og og menningardagarnir voru náttúrulega frábærir og þá var góð stemning, en það vantar svo hérna þessa afslöppuðu háskólastemningu sem ég fékk aðeins að kynnast í Salamanca forðum daga. Það að fara út (og ekki hafa sig eitthvað sérstaklega til fyrir það) á fimmtudagskvöldum, fá sér bjór eða kaffi á kaffihúsum og tralla saman. Ég sem sagt kom heim í miklu nostalgíukasti í gær.
Eins og sennilega allir hafa tekið eftir þá hef ég ekki farið í klippingu svo mánuðum skiptir en nú verður breyting þar á, ég hef ákveðið að láta undan miklum þrýstingi og láta skerða hár mitt í fyrramálið, spennandi að sjá hvað hann Svavar minn vill gera við mig. Að öllum líkindum verð ég gjörsamlega óþekkjanleg um hádegi á morgun, jú ég er vön að gera eitthvað róttækt þegar ég fer í klippingu. Kannski ég þurfi bara að skipta um mynd af mér hér á síðunni. góða helgi!

grtzzzz
hvar væri maður á degi sem þessum án Belle and Sebastian, eða annarra fagurra tóna?

Stella
Þið sem eruð í HÍ hafið kannski jafnvel frétt af því að ég er í framboði, eins og hún Stella. Tótla í framboði:) Svo ætla ég í orlof, en allavega þá breytir það ekki vþí að úti er ömurlegt veður, ég vil bara venjulegan snjó, sem er svo sem til staðar akkúrat þegar ég skrifa þessi orð en ekki svona snjó sem kemur og svíkur mann svo, fer bara um leið. Mig langar á skíði og það strax! hmmm, frönskupróf á morgun, je ne sais rien og tími til kominn að fara á bókasafnið til að sökkva sér í hressandi málfræði.

Hallærisleg
æææ tók svona próf á netinu og mér finnst útkoman frekar asnaleg í ljósi þess að ég er spænskunemi. Það skal tekið fram að ég reyndi ekki að haga svörum svo að þetta kæmi út, ég var eiginlega að vona að ég væri Skoti, eða kannski Pólverji eða eitthvað frumlegt, ég ætla að reyna aftur og svara aðeins öðruvísi:)


You are a Spaniard.

What's your Inner European?
brought to you by Quizilla
ok, tók svona test aftur og þá var ég Parísarbúi, læt myndina samt eiga sig:)

allir dansa salsa....
ok ok, allir að mæta á salsakvöld Vöku í kvöld á Astró til að dilla rössum og mjöðmum... swiiiing. Og svo er listakynning Vöku á Sportkaffi annað kvöld og þar mun ég troða upp, þið sem hafið ekki séð mig taka Mary Poppins atriðið mitt verðið að mæta, sjón er sögu ríkari.

Þriðjudagar...
...eru ekki í miklu uppáhaldi hjá mér. Sérstaklega ekki þessi þriðjudagur í dag. Hann byrjaði með hressandi "spænskri málfræði fyrir lengra komna" um 10 í morgun. Stofan er eins og fangelsisklefi og ég skil ekki neitt í neinu, finnst eins og ég hafi aldrei lært spænsku en mér til huggunar þá líður hinum eins. Það var ógisla kalt í stofunni sem og öðrum herbergjum skólans ef kvennasalernið niðri í Aðalbyggingu er undanskilið en þar var kúkafýla! Í hádeginu las ég um kaffihúsamenningu Fransmanna í frönsku fyrir byrjendur II og til þrjú las ég svo Virgil með latínubekknum mínum. Ég held ég hafi jafnvel verið betur með á nótunum þar en í málfræðinni í morgun. Það gera þrjú tungumál í dag, og það kom ekki skapinu í lag. Ég er samt í fínu skapi, er að fara að trítla mér á Þjóðarbókhlöðuna að stúdera sérhljóðana fimm fræknu í spænsku. Að þeim stúderuðum langar mig heim að knúsa konuketttlinginn minn, hana Grímu:) en það verður sennilega ekki fyrr en seint og um síðir.

Kosningar
Það styttist í kosningarnar, já bæði kosningarnar í vor en mikilvægara... Kosningarnar í háskólanum. Það styttist í það minnsta meira í þær svo ég mun ekki röfla um hitt dótaríið sem er ekki fyrr en í maí. Í tilefni þeirra er stemmari smá saman að síast í mannskapinn, tilhlökkunin trítlar um kroppinn, en það verður sko nóg að gera. Þeir sem hafa áhuga á að vita eitthvað um Vöku eða eru forvitnir um Vökustarf vinsamlegast hafi bara samband við mig. Annars er það að frétta að í dag á ég að halda fyrirlestur sem gildir 50% í málvísindum rómanskra mála, en úbbosí, bókin sem átti að vera aðalheimildin fannst barasta ekki á Hlöðunni, svo ég neita að halda fyrirlestur. Og ef kennarinn segir eiithvað við því segí ég bara "VETO" sem ætti að virka vel í þessum kúrs (þeir sem vita eitthvað smá um sögu Rómaveldis skilja, þetta þýðir "ég neita" á latínu, hentugt fyrir þá sem hafa neitunarvald). Ég er eiginlega alveg viss um að Grímur sé "kona" eins og ágætur Guðjón vinur minn kallar læður, því að í gær var "hann" að kúra hjá mér og slysaðist til að liggja á bakinu. Mér sýndist ég sjá annað gat.

Leitin að pungnum
Í gær þegar ég hljóp á milli bygginga á háskólasvæðinu til að forðast það að missa nefið í þessum gaddi hitti ég yngismey Ásdísi en þess má geta að hún er fróð um ketti. Hún á köttinn Láka og því tek ég smá mark á ráðleggingum hennar um ketti en um leið og konan óskaði mér til lukku með Grím spurði hún hvort hann væri ekki bara læða þar sem hann er þrílitur. Þá er það víst eitthvað málið hafði hún heyrt, en hafði þó ekki fyrir því öruggar heimildir. Þegar heim kom reyndi ég að fá Gumma til að leita að pungnum (æji, mér finnst eitthvað ljótt að tala um pung á litla sæta kisanum mínum, nú jæja) á Grímsa, en hann sagði að ég gæti bara sjálf fundið hann. Svo fór ég að gá, og vissi nú ekki alveg HVAR ég ætti að leita. Liggur í augum uppi að hann er einhvers staðar þarna undir, ekki hjá eyrunum eða svoleiðis. Ég er samt ekki viss, ég rétt náði að gá þarna rétt hjá rassinum og fannst grilla í einhvern hnoðra sem gæti vel verið pungur. Þetta var svona eins og lítill loðinn hóll, en kannski var þeta bara þykkildi eða hárflóki. Getur einhver hjálpað mér? Þangað til annað kemur í ljós er Grímur strákur.
Getnaðarvörn
Grímur er ekki bara sætur, skemmtilegur og fjörugur, nei hann er líka lifandi getnaðarvörn og honum fylgir ekki depurð, skapsveiflur né bólur. Honum finnst nefnilega best að kúra á milli:) Ekki mikið dodo á Vatnsendanum þessa dagana, hehehe. Reyndar kúrir hann lítið svona þegar okkur hentar. Hann leggur sig seinnipartinn en þegar við ætlum að fara að sofa vill hann slást og heldur Gummi Hlír því fram að ég setji amfetamín í matinn hans. Jæja, nóg um köttinn minn í bili, mjá.

Frosti og Grímur í gúddí fíling

Steingrímur Tótluson
Jæja þá hefur litli kisinn minn fengið nafn, hann heitir Grímur en þegar ég skamma hann er hentugt að nota Steingrímur sem er í höfuðið á brósa mínum og pabbi heitir Birgir Steingrímur. Þeir geta þá alla vega ekki kvartað ef ég eignast síðar son og skíri hann Hafliða eða eitthvað. Í kvöld fórum við Grímur í smá bíltúr til systur minnar og Frosta (bróður Gríms). Reyndar ætluðum við Grímur á Vökufund en ég komst ekki því bílinn varð rafmagnslaus. Í staðinn fengu þeir bræður, Frosti og Grímur að slást og leika í allt kvöld. Nú eru þeir úrvinda og sofa vært eins og sést á þessari mynd. Frosti er þessi grái og hvíti sem liggur svo makindalega ofan á Grímsa mínum sem er svartur, hvítur og gulur. Minnir meira á bróderaðan púða undir Frosta þarna:)

Mjá mjá mjá....
God dag, Áslaug Ósk, hér eftir kölluð Áslaug Tönn gerði athugasemd í gestabókinni minni um að ég hefði mátt sleppa sögunni með tönnina, sko nei nei, Áslaug, þetta var svo fyndið að ég sleppi ekki svona sögu, langar mikið að finna myndina sem ég á frá þessu:) hvernig líst þér á það heillin?

Í fyrradag eignaðist Anna Björk stóra sys og samt aðallega Birgir Steinn sonur hennar lítinn kettling sem ber nú hið virðulega nafn Frosti. Hann er algjör krúsídúlla og þegar ég sá hann langði mig líka í einn Frosta. Hringdi í "hina mömmu og pabba" í Vatnsendanum. Þeim leist vel á að bæta kött á heimilið en fyrir eiga þau marga hesta, einn hund og einn Gumma. Anna Sigga sagði meira að segja að ég mætti binda kálf í garðinum því þeir eru svo sætir. En Tótlu langaði ekki í belju! Ég hélt að kisi væri minn en þá kom smá babb í bátinn (hvað er þetta "babb"?). Gummi Hlír vildi ekki kött! Ég fór næstum því að skæla því að í huganum var ég búin að gefa honum nafn, ákveða hvað sandurinn hans yrði, hvar hann ætti að sofa o.s.frv. Svo voru málin rædd og í ljós kom að stráksi var einn á móti þremur (ef frá er talin Myrra, voffinn). Til að gera langa sögu bara pínu styttri þá sótti ég kisa í gær og hann var rosalega glaður að sjá mig. Hann er krúttlegasti og sætasti kisi í heimi og geimi (hmm, geimkisar, eru þeir til?) og áður en ég verð mikið væmnari þá vil ég bara lofa að setja mynd af honum og Frosta sem er líka sætastur í heimi hér á tjattið svo ég þurfi ekki að dást meira að þeim hér. Kisinn minn er líka klár og kassavanur, hann hélt bara í sér í nótt því hann mundi greinilega ekki hvar sandurinn var, þegar hann loksins var leiddur þangað inn af fóstru sinni kom í ljós að hann var með niðurgang. Samt hélt hann í sér (Frosti stígur alltaf oní skítinn sinn, kúkalabbi) og var góður. Áður en við fórum að sofa lögðum við hann á sinn stað en 2 mínútum síðar klifraði hann upp gaflinn og hlammaði sér, ef maður getur sagt "hlamma" um svona pínulítið kríli, á koddana milli mín og Gumma. En ekki lengi því hann fór hinum megin við Gumma, (þar sem ég ligg ekki:(...) og kúrði þar í hálsakotinu hjá honum. Ég var pínu abbó fyrst en ég veit samt hvað það er gott að kúra í hálsakotinu á Gumma, svo ég sagði ekkert. Svo þorði hvorugt okkar að hreyfa sig af hræðslu um að kremja krílið. Ég svaf vel í nótt en Gummi vaknaði nokkrum sinnum við að kisi var að klóra hann eða bara skipta um stellingu. En ég held að litli sé búinn að ná tökum á Gumma sem vildi ekki kött. Hver myndi svo sem ekki bráðna í návist svona lítils kisa? og hann sem mjálmar og allt!...

Rækjur til sölu, kosta eina tölu
Vestfirsk úthafsrækja (ein, rosalega stór) til sölu, 2.5 kg poki á 2400 krónur. Tilvalið á ristað brauð, í kokteilinn, oní tartalettur, í hlaup, og þar fram eftir götunum.
En enn bætast vinir mínir í heimasíðubrjálæðið. Áslaug Ósk, og Óskar tilvonandi eiginmaður hennar eignuðust hana Þuríði Örnu í maí (en hún hét ekkert akkúrat þá). Þuríður Arna er næg ástæða til að kíkja á þessa síðu þó maður viti ekkert hver þessi Áslaug er, nú og hvað þá Óskar. Nei djók. Við Slauga kynntumst i den þegar hún bjó á móti Önnu Björk stóru systur, mamma hennar passaði meira að segja Birgi Stein, OG við unnum saman á Ávaxtalagernum í Hagkaup, those were the days my friend. Þá var ég 15 en hún 18, og við urðum strax svo góðar vinkonur. Það kom að því að Tótla varð 17 og fékk bílpróf, og ekki enn byrjuð að drekka alkóhól. Áslaug var reynd í bransanum, orðin 20 ára og gat notið góðs af bindindi mínu lengi. Mörg ár í röð keyrði ég skíthrædd á annan í jólum á Selfoss til að fara á jólaball með Sálinni... Áslaug var þá venjulega syngjandi "og heltu í glasið aftur..." í farþegasætinu. Einu sinni notaði hún bjórflöskuna sem míkrafón og var að syngja þetta þegar ég keyrði í holu á brúni á Selfossi. Bjórflaskan skall á framtennur Áslaugar og brotnaði ein þeirra. Agalegt, sérstaklega þar sem við vorum á leið Á ballið... hefði verið skárra ef við hefðum bara verið á heimleið. Að lokum mæli ég með smá rugli. Hvað er málið? Ég vildi samt óska að ég væri jafnkynþokkafull og gæti sungið sexy eins og Leoncie...sexy loverboy...

Bloggurum fjölgar
Til að byrja með vil ég óska yfirvarðhundinum til hamingju með nýja fína bloggið sitt. Kristín, velkomin í bloggaramannatölu. Nú er mikil pressa á að Sigga Sól fylgi í kjölfarið, því þá væru allir strumparnir, Clueless dömur komnar með svona blogg. Þetta er óneitanlega móðins í dag. Ég stend sjálfa mig að því að hugsa; "tja, langt síðan ég hef heyrt í Bryndísi, hvað ætli hún sé að bralla?? Best að kíkja á bloggið hennar" og í stað þess að hringja í Biddu Blue og veiða upp úr henni sögur um nýja kærastann og svoleiðis þá bara njósna ég netleiðis. Og ég veit bara ekkert hvað er að gerast í lífi þeirra sem ekki sjá sér fært að blogga. Ég er ömurleg. ÖMURLEG. Þetta verður að breytast. Þangað til bið ég alla um að heimsækja Hilly Billy netleiðis, en hún er í Madrid og heldur að öllum sé sama um sig. Hildur Edda, við elskum þig (alla vega ég)!

Uppskrift
Var alveg búin að gleyma því að hún Inga Steinunn bað mig um uppskriftina að brauðréttinum. Sko bara þekja botn á eldföstumóti (eða svoleiðis dóti) með franskbrauði (þó ekki með sultu), skera niðir eitt skinkubréf, papriku og ferska sveppi og strá yfir brauðið, bræða svo tvo camenbert osta með einum pela af rjóma í pottinum, hella því svo yfir allt heila klabbið. Að lokum er gott að strá rifnum ost yfir herlegheitin. Skella þessu svo í ofnin, man ekki hve heitan eða hve lengi, segjum bara 20 mínútur í hmmm....heitum ofni. Þú finnur útúr því. bon apétit!

Sjúbbídúbbídú
dabbadibbídú, ég er í svo góðu skapi, tamm tamm tralalala... átti rokna stuðhelgi með Clueless skutlum í sumarbústað. Trúnó í pottinum, vídjógláp, át, gönguferðir, spil, át, stripp... og allt tilheyrandi. Púff, svona á þetta að vera. En nú er ég mætt á malbikið á ný og veruleikinn er tekinn við. Fór í bíó í gær á The transporter. Hasarmynd þið skiljið, fín afþreying með hrikalega myndarlegum leikara í aðalhlutverki, hann átti geðveikt hús á frönsku Ríverunni, geðveikan bíl, og alles. Hann er ekki lengur á lausu, alla vega ekki í myndinni. Á móti honum lék kona, asísk, sæt, en rosalega léleg og með svakalegan hreim, hún var það léleg í ensku til dæmis að hún gat engan veginn hljómað sannfærandi, en ég geri mér ekki grein fyrir hvort hún hafi verið betri á þeim köflum sem hún talaði kínversku eða hvað það var.Í hóp bloggara hefur bæst ein að mínum uppáhaldsmanneskjum, þó þið séuð öll sérstök í mínum huga. Hin sæta, brosmilda og nýtrúlofaða Erla er farin að blogga. Erla hefur sennilega ekkert betra að gera á kvöldin á Laugavatni en að blogga, en þar spriklar hún ásamt öðrum orkuboltum í Íþróttakennaraháskólanum. Jæja, nú styttist í fyrstu kennslustundina mína á þessari önn, voilá franska!

Guantanamera, Guajira Guantanamera...
Yo soy un hombre sincero, de donde crecen las palmas ...af hverju fæ ég þetta asnalega lag alltaf á heilann?, svona einu sinni í mánuði, jafnvel oftar og stendur það þá yfir í nokkra daga. Ég er samt þakklát á að vera hætt að fá "gracias a la vida" á heilann, sem við í 6.A sungum svo "Gracias a la Iðunn, que me ha dado tanto..." í gervi þýskrar lúðrasveitar á dimmisjón, þeir skilja þetta sem skilja þetta, eða þannig sko.

Gleðilegt ár, ég átti ánægjuleg áramót í faðmi fjölskyldunnar, og svo í faðmi Gumma. Árleg issjú er náttúrulega "já og hvernig fannst þér skaupið?" ég myndi ekki vilja vera sá sem gerir skaupið. Einu sinni á ári sameinast þjóðin fyrir framan sjónvörpin, tilbúin að rífa í sig Skaupverja ef illa tekst til, eða lofa þá í hástert ef það lukkast sæmilega. Mér fannst flest vel gert, kannski óþarfi að taka Árna Johnsen aftur fyrir þó hann hafi sloppið betur í ár en í fyrra. Skólinn byrjar ekki fyrr en eftir rúma viku hjá mér, þangað til ætla ég að njóta frísins. Búin að bjóða nokkurm skutlum í kaffiboð á morgun, sumar eru bloggverjar, t.d Bryndís, Þórey, Inga og Herdís. Vona ég sé ekki að gleyma neinum. Á sunnudag ætla ég svo í kaffiboð til Stínu Voff Voff í Mosó. Hún kemur sjaldan til byggða svo við borgardætur þurfum víst að sækja hana heim. Það var allt og sumt. Ble me...................