Gleðileg jól!

Jamm, kominn annar í jólum og tíminn vel nýttur í át, gláp og almenna leti þessa dagana. Ég borðaði skoska rjúpu á aðfangadag, og ég segi nú bara eitt, þeir kunna þetta líka skotarnir! Það var ekkert að þessari rjúpu, Anna Björk tróð nokkrum krækiberjum upp í rassinn á henni og þá var þetta alveg eins og sú íslenska. Systa bjó einnig til himneskan forrétt, humar í villisveppasósu og ég gæti alveg hugsað mér slíkan forrétt á hverjum degi:) Mágsi sér yfirleitt um eftirréttinn þann 24.des og heitir sá réttur Úrsúla, en hún Úrsúla fékk´frí í ár svo við fengum ís, jordbær og syndsamlega góða súkkulaðisósu. ohhhh, namm. Við vorum enn að japla á humrinum (forréttinum) þegar Birgir Steinn frændi hóf að þrusa í okkur pökkum til að opna. Það veitti kannski svo sem ekkert af að byrja þar sem pakkaflóðið var ótrúlegt í ár. Jedúdda mía. Ég fékk ýmislegt fallegt sem ég ætla ekkert að vera að gorta mig af hérna. Ætla að athuga hvort ég finni ekki eitthvað óhollt í pottunum og ´skápunum í eldhúsinu, fleygja mér með það sem ég finn ætt í sófann og vera þar, þangað til ég þarf að mæta í næsta jólaboð. Góðar stundir.

Búúúúúiiiin.....

...í prófunum:) gerði meira að segja heiðarlega tilraun til djamms á laugardag (nota bene, kláraði á föstudag) en var bara í svo rólegu skapi og hálflúin að það gekk brösulega. Það var reyndar mjög gaman en ég er oft bara of þreytt eftir svona lestörn til að djamma. Helgin fór því í að jafna sig, nú já og vinna. ok best að fara að huga að jólahreingerningu... ekki tjúllast í jólastressi gott fólk!

Snerpa

Jólastrákarnir í ár

Það er ekki mikil snerpa í stelpunni þessa dagana. Mér finnst tíminn bara svona fljóta áfram, stundum svo hratt, samt svo hægt, ég vakna, læri, borða, fer á salernið, kíki á netið. Hmmm tilbreytingaleysi prófanna vofir yfir, sem er gott. Ég er jú að fara í próf. Ég er álíka vel til höfð og Osama á slæmum degi, mér vex reyndar ekki grön, alla vega ekki mikil. Þetta hljómar illa, en vitiði hvað, þetta er allt í lagi því allt í kringum mig er fólk í sömu sporum, við hámum í okkur nammi og erum klístruð af bráðnuðu súkkulaðikexi og sveitt af æsingi að lesa. Þegar ég fæ annað slagið nóg af tíberuðum bókum og útkrotuðum og krumpuðum glósum, svo ekki sé minnst á súkkulaði og svitafýlu fæ ég mér bíltúr í Kópavog þar sem er að finna fallegasta og skemmtilegasta Steingríminn (að bróður mínum ólöstuðum) sem horfir á mig aðdáunaraugum og finnst ég yfirleitt sniðug. Hann meira að segja hlær að fíflaganginum í mér. Ég hressist af þessum heimsóknum og get alltaf brunað beint á safnið aftur, full af eldmóði að troða inn fróðleik.

MSN

Ég ætla að leyfa mér að vera með smá leiðindi núna. Þannig er mál með vexti að ég nota MSN talsvert, sérstaklega til að tala við vini mína (og kærastana mína) í útlöndum. Mér finnst þetta bara mjög sniðug leið til að ná smá spjalli við vini sína sem maður myndi annars ekkert endilega hringja í né hitta á förnum vegi. Það er þó eitt sem ég skil ekki við þróun MSN, og það er hneigð fólks til að "heita" eitthvað annað en þeir heita. Skilst þetta? Ég til dæmis heiti alltaf bara "tótla" á MSN en ekki, "ein að læra", "ógeðslega þunn", "Alabama", "hress í sturtu"..."mygluð" eða ég bara veit ekki hvað. Mér finnst hálfgerður óþarfi að flækja málin og fólk þarf ekki að hafa fyrir því að sjá hvort ég sé "signuð inn" eða ekki. Ég hef ekkert á móti þessu, en mér finnst þetta óþarfi. Er ég tuðari? Kannski ég ætti að heita það á MSN, "tuðari"...

Hugmynd

Fékk smá hugmynd við lestur síðunnar hennar Ásdísar (er enn í vandræðum með að linka á fólk). Ef ég eignast annan kött þá mun ég skíra hann Miltis Brand, eða bara Miltisbrand. En Gríma verður að duga í bili...og Myrra ....og Milla, nú og Frosti minn, en hann er heimilisköttur á öðru heimili mínu. Já og ekki gleyma fuglinum sem Gríma veiddi handa mér og fór með undir rúmið mitt, já og hinn fuglinn sem endaði daga sína í eldhúsinu og svo þessi sem hún faldi á bakvið sjónvarpið í síðustu viku, plús mýsnar sem hún kemur með heim til að fara í löggu og bófa. Held það sé ekki pláss fyrir fleiri dýr í bili, Miltis Brandur verður að bíða betri tíma.

Flores

Nú hef ég gróðursett eina tótlu á safninu. Þessi tótla ætlar að vaxa og dafna hér á safninu í eina viku og nærist á suðuramerískum bókmenntum. Það þarf líka að vökva hana reglulega með magic og jólaöli svo hún taki dálítinn vaxtarkipp enda þarf þessi tótla að vera orðin að mannvitsbrekku þann 17.des næstkomandi þegar hún verður rifin upp (afskorin) af safninu og þá vonandi blómstrandi af suðuramerískum bókmenntum. Ég hef reyndar aldrei verið lagin við að halda lífinu í blómum.

pæling...

Það er agalegt að sjá hann Júsenkó. Hvað haldið þið að sé að honum?

Aumingi

Ég er svoddan aumingi. Þegar ég keyrði frá Keflavíkurflugvelli í lok sumars eftir að hafa skutlað ástmanninum þangað fannst mér ár og öld þangað til ég myndi endurheimta hann. Nú fer þessu grasekkjutímabili mínu að ljúka (þremur vikum síðar að mér finnst) en Gummi kemur heim eftir 15 daga. Ég verð að viðurkenna að þó þetta sé kannski ekkert hrikalegt þá hefur mér eiginlega fundist þetta hálfglatað. Ekki gleyma að ég dvaldi á Spáni í 3 mánuði í vor (Gummi er reyndar nokkuð lengur í DK en ég var á Spáni) en þá var allt annað hljóð í tótlunni. Það var bara eiginlega ekkert mál, voða skrýtið. Þannig að ef þú lesandi góður ert að velta fyrir þér kostum og göllum fjarbúðar hafðu þá í huga orðatiltækið "betra er að vera skutlað upp á flugvöll en að skutla upp á flugvöll". Góðar stundir.

"Fannstu allt sem þig vantaði?"

Ef þið hafið farið í verslanir 10-11 nýlega hafið þið kannski orðið vör við þessa nýjung hjá kassafólkinu þeirra. Þeir spyrja "fannstu allt sem þig vantaði?" Greinilega nýtt policy hjá þeim, tekið fyrir á starfsmananfundi og svona. Þeir fá hrós dagsins fyrir góða þjónustu:) Næst þegar ég fæ þessa spurningu langar mig þó að prófa að svara; "neiiii, eigið þið nokkuð Nýmjólk"

múahahaha

Ég er að hugsa um að skrifa pirringsblogg á fimmtudögum í framtíðinni því þá verður allt svo skemmtilega vitlaust á síðunni, allir trylltir, mér finnst það gaman. Annars hefi ég lítið að segja í dag, ég sé um hund tengdó þessa dagana og það er fínt nema að stundum nenni ég ekki með hana í göngutúr (geri það nú samt). Hef mikið pælt í hvort það sé ekki hægt að þjálfa hunda í að fara sjálfir í göngutúr að gera númer eitt og tvö.

Skammir

jæja, ég bloggaði í gær en það mistókst þannig að ég ætla að endurtaka mál mitt. Ég finn mig nefnilega knúna til að ausa úr skálum reiði minnar. Fyrir barðinu á mér verða fjölmiðlar. Því miður get ég ekki "drullað" yfir þá (afsakið orðbragðið) eins og mig langar þar sem ég veit ekki nóg um málið en pabbi setti mig aðeins inn í það og ég horfði á Kastljósið í gær. Kastljósið er yfirleitt fínn þáttur en þau mega skammast sín fyrir þáttinn í gær. Málið snýst um tónleika til styrktar krabbameinssjúkum börnum og hversu mikið listamenn fá borgað fyrir sinn hlut. Mér finnst fréttamenn hafa rétt á að spyrja um kostnaðinn en þeir hafa enga afsökun fyrir dónaskap né beint rétt á að yfirheyra tónleikahaldarann um hversu mikið hver listamaður fékk borgað. Tónleikahaldarinn (sem ég man ekki hvað heitir) hefur sent félaginu skýrlsu býst ég við þar sem allur kostnaður og ágóði er útlistaður. KB banki gaf 2.5 milljón en kostnaður var 5 milljónir minnir mig. Kristján segist hafa fengið 700 þús fyrir kostnað og aðrir þrír listamenn fengu afganginn. Ef Krabbameinsfélagið sér eitthvað athugavert við kostnaðinn láta þeir eflaust í sér heyra en fjölmiðlar hafa á aðdáunarverðan hátt reynt af alefli að draga eitthvað mögulega misjafnt upp á yfirborðið. Ég þoli ekki svona æsifréttamennsku, fulla af upphrópunum eins og í Kastljósinu í gær þar sem Sigmar og Eyrún (þá sérstaklega hún) voru árásargjörn og dónaleg og hún byrjaði þrisvar að tuða um það sama ..."bíddu, nú borgaðir þú Kristjáni 700 þús, og hinum þremur restina, það er einfalt reikningsdæmi, bíddu hvað fengu þeir mikið" bla bla. Er ekki alltaf gott ef einhver peningur safnast? Þetta er atvinna tónlistarmanna og mér finnst sjálfsagt að þeir fái einhver laun þó um styrktartónleika sé að ræða. Þetta voru þrennir tónleikar og ég efast um að Inga Lind, Eyrún og fleiri væru til í að gefa vinnu sína þrjú kvöld (+æfingar). Nú er ég í pirringi mínum orðin ómálefnaleg, en til að draga saman aðalatriðin í þessu þá var Kristján kannski fulldónalegur (samt líka fyndinn) í Kastljósinu en ekkert í líkingu við fréttamennina sem í gúrkutíð tóku fegins hendi þetta tækifæri til að hvíla viðtöl við hrakfallabálka á slysó sem flugu á hausinn í hálkunni og hófu stórskotahríð á fólk sem reynir að styrkja þetta ágæta málefni. Spurning hvort þeir nenni því aftur?

Gloss

Það er að pirra mig þessa dagana að ég finn ekki nýja glossinn minn. Ég geri mér þó grein fyrir að það er ekki mjög gáfulegt að blogga um það. Ég er bara svo pirruð yfir þessu glossi. Reyndar er annað sem fer meira í taugarnar á mér, það er hann Janúkóvits (hmmm rétt skrifað?) "sigurvegari" kosninganna í Úkraínu. Svindl og svínarí. Veit ekki af hverju þetta fékk mig til að hugsa til Bush og Flórída...og líka til atkvæða sem gufa upp í Ameríku. Það er svo margt undarlegt. Hef engann tíma til að tjá mig í dag, er að læra undir próf og sinna hundi, hvolpinum hennar, ketti og fuglinum sem kötturinn kom með inn. Takk í dag.

Ég er ósátt...

...við að flestar íslenskar auglýsingar innihalda erlend lög. Hvað er málið? Þetta hefur farið fyrir brjóstið á mér lengi (ekki svo að skilja að brjóstið á mér sé svona stórt) og nú bara verð ég að fá skoðun ykkar á þessu. Því í ósköpunum að nota erlenda listamenn þegar landið er sneisafullt af hæfileikaríku tónlistarfólk?

Cinema

Mjá, skellti mér á Bridget Jones með Söndru beyglu í gær. Það vill svo til að tveir aðrir fyrrverandi kærastar fara þar með lykilhlutverk, þeir Hugh og Colin og stóðu sig að vanda mjög vel. Um myndina hef ég fátt að segja, hún er ekki jafngóð og hin en svoleiðis er það nú bara alltaf. Mér fannst hún samt mjög fyndin, skemmtileg myndataka og svona... skemmtileg fyrir augað. London er svo sæt:) Missti af Gísla Marteini, frétti að þátturinn hefði verið áhugaverður, missti líka af NBA slagsmálum, getur maður ekki nálgast það á netinu? hehehe, mjá...hmmm, æji, ég hef ekkert merkilegt að segja...

Hey Jude

Einhver vandamál með linka hjá mér, en var sem sagt að lesa að fyrrverandi kærastinn minn, Jude Law hefði verið tilnefndur kynþokkafyllsti karlmaður á jarðríki. Strákgreyið hann getur ekkert að þessu gert, hann fæddist bara svona, slurp!

Gleymska

Ég horfði á fréttir í gær. Þar lýstu börn yfir áhyggjum sínum á þessu kennaraverkafalli, einn sagðist bara vera búinn að gleyma öllu sem hann hefði lært. Mér finnst ég eiga svo margt sameiginlegt með þeim unga dreng. Var samt að velta fyrir mér hvort nú yrði til ný kynslóð sem vantar í nokkra kafla úr mannkynssögunni og stafsetningu. Munu þau ekki lesa Gísla sögu Súrssonar? Munu þau ekki vita muninn á veikri og sterkri beygingu sagna? Munu þau ekki komast lengra í tölunum en upp í "tyve" í dönsku? Þetta verkfall bara hlýtur að hafa varanleg áhrif. Að sjálfsögðu eiga kennarar að fá góð laun en þeir fá ekki mína samúð lengur! Ekki eftir að hafa heyrt að börn eru rekin upp úr sundlaugum landsins ef þau voga sér oní á sama tíma og skólasund fór áður fram. Og ekki heldur eftir að kennarar tilkynna veikindi, fara í messu og biðja um áfallahjálp vegna andlegs áfalls eftir lagasetninguna. Að sjálfsögðu er þeim brugðið en ef einhver er í slæmum málum andlega þá eru það skólabörnin. Í skóla Bibba frænda fóru sum yngstu barnanna að gráta í gærmorgun þegar þau voru send aftur heim. Öryggi og regla á lífinu er það mikilvægasta fyrir þau og því fá grunnskólanemendur alla mína samúð. Amen.

Jamm

Já, það heyrist ekki mikið í mér þessa dagana því ég held til á söfnum skólans þar sem ég grúfi mig yfir suður amerískar bókmenntir (sem er reyndar mjög gaman þar til maður þarf að skila ritgerð um þær). Þangað til segi ég bara...skál!

Týróli

Stærri mynd hér.

Ok, hef ákveðið að birta mynd hér á tótlutjattinu af mér á Hrekkjavöku, því miður sést búningurinn illa, ég var til dæmis í hnébuxum, hnésokkum og með kúabjöllu um hálsinn. Myndin hefði getað verið tekin af mér hvenær sem er, er svo oft með svona týrólahatt. Eða ekki.

Hello...

Það er Þórhildur Birgisdóttir sem skrifar frá Macheimum. Kom í gærkvöldi frá Lundúnum þar sem ég rústaði ekki Toefl prófinu. Tók það alla vega og fannst þetta bara vera leiðinlegt próf og ganga illa og var svo fúl í því að ég fór næstum því að grenja (eftir að hafa klúðrað spurningu). Ég er kannski enginn enskusnillingur en ég er ekki svona léleg. Fyrir utan prófið voru dagar mínir í London yndislegir og er það aðallega gestrisni Aldísar og Védísar að þakka. Systurnar hafa verið í miklu uppáhaldi hjá mér í mörg ár og var löngukominn tími á okkur Aldísi að kjafta, slúðra og fara á trúnó. Takk fyrir mig! Mér fannst frekar margt gerast á þessum þremur dögum sem ég var í burtu, eldgos í Vatnajökli, Arafat eitthvað sloj, kosningar í USA, og borgarstjórinn að prakkarast. Skil ekki þennan heim stundum, þess vegna ætla ég bara að fara að horfa á sjónvarpið og reyna að ignora þetta skilningsleysi mitt örlítið lengur.

Vér fögnum...

...hér á tótlutjattinu þar sem tótlan hefur nú eignast sína fyrstu kjöltutölvu, (eða mun eignast örlítið í henni mánaðarlega í tvö ár eða svo, ehhh). Jamms, stúlkan er komin með eitt stykki powerbook í kjöltuna sem mun ylja henni í fjarveru Gumma:) Mágurinn á þakkir skilið fyrir ráðleggingar sínar og mikla aðstoð en maðurinn hefur endalausa þolinmæði til að sýna mér og kenna mér á gripinn. Ég er sem sagt orðin makkari. Aðrar fréttir eru þær að ég fór á HrekkjaVÖKU í gær og lýsi hér með yfir frati á afsakanir fólks sem mætir ekki í búning á svona samkomur. Til að gera langa sögu styttri þá hafði ég þónokkuð fyrir því að finna búning í gær og það tókst á endanum með aðstoð Óla bróður. Mér finnst ástæðulaust til að vera eitthvað að draga úr sannleikanum og vera með hógværð...ég var óóógeððslega flott (finnst mér). Ég var Týróli, með kúabjöllu um hálsinn og alles en þegar ég mætti í partí til Heiðdísar var ENGINN í galla! Hversu frábært getur það verið? Jú, Boggi snillingur var reyndar með frábæra "Bush" grímu (very scary). Það var mjög gaman á Pravda og ég drakk frían Vökubjór og dansaði fullt. Reyndi að halda mig nálægt Bryndísi sem var líka í búning, var samt spurð einu sinni hvort ég hefði á Októberfesti:)

pæling:

er of snemmt að fara að gera óskalista fyrir jólin núna?

gaman...

ég mæli með blaðsíðu 44 og 45 í mogganum í dag, þar sjáið þið hvað það er gaman að vera í nylon. platan kemur út í dag...og bókin fyrir jólin. gefið mér heldur nylonsokka en þessa bók! þessi hljónst er hálfsárs og það er að koma út bók! Ég myndi nú ekki líkja þeirra vinsældum við Bítlaæðið...en það má alltaf reyna að græða:)

það er svo leiðinlegt að...

setja lokið á hraðsuðuketilinn! fyndið hvað svona ómerkileg atriði geta farið í taugarnar á manni. Svo er líka leiðinlegt að ganga frá eftir matinn, en gaman að elda. Frekar oft sem eitthvað leiðinlegt fylgir einhverju skemmtilegu, til dæmis, gaman að ferðast en leiðinlegt að pakka og sitja í flugvél! æææ, þetta er frekar skrýtnar pælingar. Mér finnst samt allir svo duglegir að ferðast núna, til dæmis hefur mín nánasta fjölskylda bara núna í október náð að fara til USA, Stokkhólms, Spánar, Portúgal, Kýpur og London núna í október (ekki öll á alla staði og fjölskyldan er stór). Því miður er það ekki af því að við unnum öll í lottói, þetta meira hittist bara svona á. Dögg vinkona er víst að fara til Kraká í Póllandi á morgun, það er kúl! Það er nefnilega ekkert kúl lengur við að fara til Kaupmannahafnar eða London. Mitt næsta ferðalag verður til London einmitt, í næstu viku en ég reyndar neyðist til að fara í þetta skiptið því ég er að fara í próf þar. Aldís mín ætlar að hýsa mig þar og er löngukominn tími á þá endurfundi. Spurning um að gera súkkulaðibúning, hlusta á Blur, og gera símaat í Damon Albarn, þá er þetta bara alveg eins og i den, hehehe:)

tack tack

...fyrir ábendingar um betra tótlutjatt. Ég mun fara í þessar breytingar um leið og tími gefst. En var ég ekki eitthvað að tala um tómstundir hérna um daginn? Ég ákvað að gera eitthvað í hlutunum, ekki gera ekki neitt! Í kvöld mun ég ásamt Eddu bróðurdóttur minni byrja á flamenco námskeiði í Kramhúsinu, vííí:)

blogglúkk

ok, nokkrar pælingar í sambandi við lúkkið á blogginu mínu. Ég hef reyndar engann tíma (né kunnáttu) til að standa í svona andlitslyftingu á síðunni minni enda er ég með mann í því djobbi. Sá hefur reyndar í nógu að snúast sjálfur en hann getur kannski lappað örlítið upp á hana þegar honum gefst tóm til þess. Mig langar samt að fá smá álit frá ykkur, til dæmis um litaval og hvort ég eigi að skipta út myndinni (eða hafa mynd yfir höfuð). Ég er meira að segja ekkert mikið fyrir það að troða myndum af sjálfri mér á síðuna mína en kannski allt í lagi að hafa eina mynd. Ég til dæmis skoða oft síður hjá fólki sem ég þekki ekki neitt en myndi kannski átta mig á ef það væri mynd af þeim á forsíðunni, hvað þá nafnið þeirra! jæja, en hvað segja lesendur, ég veit að það kíkja nokkrir á tótlutjattið, látið heyra í ykkur, og skrifið nafnið undir kommentin ef þið eruð ekki sjálf með blogger:)

Prinsinn floginn

Þá er maður laus við kærastann aftur, skutlaði honum á flugvöllinn í dag og er þegar farin að sakna hans. Þetta er reyndar í góðu lagi því ég er að passa Birgi frænda þessa vikuna og hef nóg að gera í skólanum og öllu þessu. Þarf reyndar að setja í fluggírinn í skólanum núna. Ég virðist eiga erfitt með að einbeita mér að honum þessa dagana. Mér finnst bara svo erfitt þegar dagarnir eru svona slitnir, þ.e. að setjast við lesturinn þegar ég þarf að mæta hér og þar klukkan hitt og þetta. Efst á óskalistanum mínum er heil vika með engin plön, nema þá helst fyrst á morgnanna eða seinnipartinn svo ég geti bara gleymt mér inná safni lengi í einu. Nei nú lýg ég, efst á óskalistanum er að vinna í lottó en svo væri hitt fínt....bara ekki jafnfínt og að vinna í lottó.

öppdeit

Úff, það var löngukominn tími til að taka aðeins til í linkalistanum. Það er sem sagt eitthvað aðeins meira að marka þessa linka mína núna, en ég er alls ekki búin. Þarf að lappa eitthvað upp á lúkkið á síðunni líka. Bleikur er engann veginn "ég" og hefur aldrei verið, þannig að litnum verður breitt. Þeir sem höfðu ekki bloggað síðan 2003 (til dæmis) fengu að fjúka... líka einhver sem ég þekkti ekkert. Mig vantar samt fleira fólk undir "MR"... látið vita af ykkur! Sumir eru samt í MR, og líka í Freyjum (bekkjarsystur úr MR) og þá jafnvel líka Clueless (löng saga) og aðrar eru Freyjur og Vaka (og ef þeir eru í Freyjunum eru þær líka úr MR). Heiðdís Halla hávaðabjalla er nú komin með lönguverðskuldaðan link á sig undir "vinir" en hún er að sjálfsögðu Vökusnót einnig. Annars er ég bara að passa núna (svona eins og stundum áður) en annað kvöld langar mig að fá mér sjúss með Gumma, þarf að díla smá við nokkra aðila áður. Auf Wiedersehen.

Tennisromantik

Bonjour, í gær fór ég í bíó með Bibba frænda og viðhenginu á "Wimbledon". Ég hef bara aldrei á ævinni horft jafnmikið á tennis, samanlagt. Þessi mynd er alltílæ. Á sín móment og sæti aðalleikarinn, Paul Bettany er svona mesti plúsinn (enda frekar krúttlegur karakter). Kirsten Dunst hef ég aldrei fílað og ætla ekki að byrja á því núna, ótrúlega tilgerðarleg og leiðinleg leikkona með leiðinlegan talanda. Ég myndi lýsa Juliu Stiles nákvæmlega eins, skil alls ekki hvað þessar tvær leikkonur eru að gera í hópi frægustu leikara, jeminn eini. Kirsten Dunst var jafnleiðinleg og í Spiderman, leikur reyndar voða svipað. Bara fá J Lo í þetta, hehe:) eða bara einhverja óþekkta, hvernig væri það. Já myndin, ég gleymdi mér, hún var sem sagt svona ágætis afþreying, aðeins of langdregnar tennissenur (nei ég meina alltof langar) og þunnur söguþráður. Ekki búast við einhverju Love actually, Notting Hill dæmi. ok, má ekki vera að þessu, ciao.

Dömubindi

Fyrir helgi fékk ég skemmtilegt bréf frá "Always-umboðinu" eða hvað það heitir. Þeir sendu mér eitthvað svona kynningarbréf um frelsi og dömubindi og að ég gæti unnið ferð til útlanda eitthvað bla bla, leikur man ekki og alalvega þá var eitt stykki af nýjasta dömubindinu frá þeim (alway ultra super plus +++freedom, ...?) í umslaginu. Við hliðiná því stóð eitthvað á þessa leið: "ekki til notkunar. Sýniseintak." Þannig að ég skoðaði það og klappaði því aðeins. Mér fannst þetta bara svo fyndið. Annars þakka ég allar þessar hugmyndir um tómstundarfag. Inga stakk upp á boccia, held ég geymi það til elliáranna. Hildur stakk upp á jóga og skák, nenni ekki að tefla en líst betur á jóga. Anna Björk stakk upp á brids. Nei takk, það er nóg að þurfa að spila annað slagið við þig. Heiðdís Halla stakk upp á hamborgaraáti. Mér líst ágætlega á það enda stunduðum við Heiðdís það áhugamál á föstudaginn. Reyndar langaði mig alltaf að læra stepp þegar ég ar lítil en það var hvergi kennt. Og þess má geta að ég hef endurheimt litla prinsinn minn frá Danaveldi og hef þegar dregið hann í eina heimsókn, á flamenco sýningu í Salnum (ÆÐI) og út að borða og erum á leiðinni á Kattasýninguna. KOMA SVO TÓTLA!

Tómstundir

Mig vantar eitthvað svona tómstundarfag (fyrir utan að læra spænsku í háskólanum sem sumir kalla tómstundir...hrmhppp, nei og ég er ekki bitur). Ég hef reyndar meira en nóg að gera en þegar ég var yngri var ég alltaf í allskonar einhverju; skíði, skák, leiklist, píanó... Þannig að ég var að spá hvort maður ætti að byrja aftur. Ég trúi enn að ég búi yfir einhverjum einstökum hæfileikum á einhverju sviði en ég á bara enn eftir að komast að því hvað það er. Ætti ég að skrá mig í ballet?

Haustið

Nú er komið haust og það fer ekkert á milli mála. Veðrið er ömurlegt, allir komnir á skrilljón í skólanum, Alþingi var sett fyrir helgi (með tilheyrandi kvabbi) og svo er veðrið alveg öööömurlegt ef ég hef ekki nefnt það áður. Þetta er samt allt í besta lagi þar sem haustinu fylgja líka svo margir góðir hlutir... til dæmis var Októberfest á föstudaginn sem vakti mikla lukku (ég hélt þó til í húsakynnum Palla verðandi flugþjóns í miðausturlöndum...) og svo er svo mikið um að vera í félagslífinu, og svo fer mútta eða systa vonandi að taka slátur og svo á ég svo óóógeðslega flottar og þægilegar buxur sem ég keypti í Lissabon. Ég er nefnilega mjög háð því að vera í afar þægilegum fötum sem ég finn helst ekki fyrir og kýs þá helst bara bikiní í heitu landi, maður finnur nú ekki mikið fyrir bikiníinu. En það er víst ekki hægt á Íslandi þannig að ég freistast ansi oft til að fara í gömlum joggingfötum í skólann, helst bara málningargallanum. En eftir að ég fékk mér flottu buxurnar er ég bæði frjáls og flott. Dóhhh, þetta er ömurlegt blogg, ég ætla að halda áfram að gera eitthvað gáfulegra.

Heim aftur

Dvölin í Lissabon var eins og best verður á kosið. Ég var reyndar rétt fyrir utan borgina hjá áðurnefndri portúgalskri vinkonu, Marilúciu. Hana hafði ég ekki séð í fjögur ár og hún notar ekki tölvupóst þannig að samskiptin hafa ekki verið mikil. Við unnum saman á Caves do Vinho do Porto í einungis einn mánuð haustið 2000 og sendum hvor annarri nokkur handskrifuð bréf eftir það. Þegar við hittumst svo á lestarstöðinni fyrir viku síðan var eins og við hefðum hist í gær (passar ekki alveg...). Hún býr með systur sinni og systkinabörnum og er mest með systrum sínum og litlu krökkunum og eiginlega allir í fjölskyldunni heita Marilúcía eða Marisol, eða eitthvað annað sem byrjar á Mar og fjölskyldan er stór. Ég heimsótti til dæmis "aldingarð Evrópu", Sintra með Marilúcíu, Fernandinho (kærasta hennar) og Marisol (systurdóttur) en Marisol (systir Marilúcíu) og Marilúcia yngri (dóttir Marisol systur Marilúciu) ákváðu að vera eftir hjá Marieitthvað sem ég man ekki (eldri systur Marilúcíu og Marisol). Mikið stuð, mikið gaman. Síðastliðinn föstudag átti ég svo flug tilbaka til Köben sem ég missti næstum því af því Marilúcía og Fernandinho (sem skutluðu mér á völlinn) voru svo utan við sig og með músíkina í botni og þar fram eftir götunum að þau gleymdu að beygja út af hraðbrautinni á flugvöllinn. Ég hef aldrei áður tjekkað mig inn mínútu áður en það er lokað fyrir tjekk inn og ætla helst ekki að gera það aftur! Að öðru leiti var flugið ánægjulegt og náttúrulega fínt að hitta lilla litla í Kaupmannahöfn. Við Gummi Hlír fórum meira að segja með Björk og Ingimundi til Svíþjóðar á laugardaginn (sorry Elsa og Sigga) að heimsækja Ingu Rut og Einar í Lundi. Þau hafa komið sér vel fyrir þar og það var voða kósí að hittast öll svona þarna. Og (þó það megi aldrei byrja setningar á "og") á sunnudaginn varð ég þeirrar ánægju aðnjótandi að hafa Bryndísi mína sem flugfreyju og þjónaði hún mér ákaflega vel:) og ekki nóg með það heldur hafði ég einnig góðan félagsskap því Sæunn vinkona Bjarkar var í sama flugi og við gátum kjaftað ótrúlega mikið. Steingrímur Dagur hafði breyst ótrúlega á þessum tveimur vikum enda orðinn sköllóttur af því að bíða eftir uppáhaldsfrænskunni. Soss soss soss. Eitthvað slúður annars?

Lisboa, here I come

Aetli stelpan se ekki ad verda buin ad fa nóg af Albufeira i bili. Her hafa snillar eins og Riikka og Pedro (her portuguese hubby) og Lara og Tórdís verid yndislegur félagsskapur sídan á fimmtudag og e´g hef haft tad svooo gott, en á morgun verdur stefnan tekin á Lissabon en ég hef ekki enn nád í Marilúciu sem býr tar, vona ád tad takist i kvold. Stelpan er ordin smá útitekin, vard eldraud á nebbanum sem er farinn ad flagna! Í gaer aetludum vid Riikka og Pedro á eina strond hérna adeins frá. Tókum taxa tangad klukkan eitt um nóttina og hofdum nesti (ólífur, osta og frutas) en planid var ad fara á lítinn bar tar og sofa svo i svefnpoka á strondinni, tannig ad vid klaeddum okkur bara svaka vel. Tegar tangad var komid var barinn lokadur og gedveikt dimmt alls stadar. Vid vofrudum tarna um i sma tima i leit ad aevintyrum en Riikka meiddi sig i tanum tegar vid turftum ad príla í hálfbyggdum húsagrunnum (eda eitthvad svoleidis) og eg var hraedd um ad varúlfar myndu éta okkur tarna in middle of nowhere. Svo vid játudum okkur sigrud um klukkan 2 og tókum taxa heim, hehehe. Tetta vard bara pínu fyndid. ok, skrifa kannski frá Lisboa, xau!

Olà

Já var ég ekki eitthvad ad tala um ferdalog? stutt rapport hérna; vann flugmida í hálfgerdu happdraetti, flaug til Kaupmannahafnar i heimsókn til loverboysins míns, svo fór ég áfram til Sevilla (ºi gegnum Faro reyndar) ºi stutt stopp til Elínar og Ángels og er nú í helgarstoppi í Albufeira ad rannsaka bjór og strandmenningu hér og aetla svo til Lisboa i svona 3 daga til Marilúciu sem er portúgolsk pía. Veit samt ekki hvort eg verdi tar á hosteli. Tadan fer eg svo til Koben og nae ad hitta hitta Gumma Hlíinn minn aftur og svo til Islandia. Muito bem! Nenni ekki ad eyda timanum a netkaffi....xau!

Vagabunda

Hversu lengi tollir maður á landinu í einu? Ef maður SÉ svo heppin að hafa unnið flugmiða til Evrópu í gegnum Kaupmannahöfn þá náttúrulega drífur maður sig í smá ferðalag um leið og kennsla hefst. Eða þannig sko. Sum sé, ég er full tilhlökkunar að byrja í skólanum en verð víst að nota þennan frímiða minn nú í haust og ætla að skella mér næstu helgi til Kaupmannahafnar. Þar verður stefnan tekin á tívolí (víííí) með Gumma Hlí en svo ætla ég að fara eitthvað lengra í smá ferðalag, hef ekki alveg ákveðið hvert enn, er að athuga með flug og slíkt. Suður Spánn og Portúgal freista þó alltaf enda er stelpan með fría gistingu á nokkrum sófum á þeim slóðum. Nú ehhh, þetta verður áreiðanlega hin huggulegasta ferð enda ætla ég að stoppa yfir helgi í Kaupmannahöfn á bakaleiðinni og knúsa kærastann enda verður tívolíið komið í haustfrí (frá og með 19.sept). Tívolípílagríminn hún systir mín verður að bíta í það súra epli að komast ekki oftar í rússíbanann þetta árið, sorry Anna Björk mín, ég skal taka nokkrar bunur fyrir þig, hehehe:) Hvað er annars að frétta? Allir búnir að fá sér lán (svona eins og að fá sér pylsu nú á dögum) og kaupa íbúð...bíl...hest...?

Grasekkjan

Gummi Hlír er floginn til Kaupmannahafnar en þar ætlar drengurinn að sötra bjór og dúlla sér í masterskúrsum í verkfræði fram á áramótum. Flökkukindinni Tótlu líst að sjálfsögðu alltaf vel á svona ævintýraferðir fólks þrátt fyrir að vera örlítið súr yfir að verða grasekkja næstu mánuði. Reyndar finnst mér þetta allt í góðu lagi enda hef ég nú afsökun til að fara til Kaupmannahafnar og svo herðir þetta bara strákinn:) talandi um stráka, hinn ungi systursonur minn sem ég hef farið svo fögrum orðum um hér á síðunni var skírður síðustu helgi og heitir nú Steingrímur Dagur. Hann er jafnfallegur og síðast þegar ég skrifaði um hann hérna:)


Steingrímur Dagur Stefánsson

I love Rvk

Þetta veður er alveg ótrúlegt, en þó ekki jafnótrúlegt og fólkið sem hér býr. Við erum dásamleg! Hef skemmt mér vel í vinnunni síðustu daga við að fylgjast með mannlífinu í bænum sem verður mun líflegra þegar veðrið leikur svona við það. Það held ég að margur hafi hringt sig inn veikan í gær og fyrradag og notið blíðunnar, hehehe. Kæruleysislegt yfirbragð hefur líka einkennt borgarbúa sem hópast saman á öllum grasblettum bæjarins og sötra bjór í blíðunni en skilja svo allt ruslið eftir sig. Aðkoman á Austurvelli var víst til skammar eftir að stærstu hóparnir höfðu fært sig inn á barina í fyrrakvöld en það er þó ekki einungis við grasgestina að sakast því ruslatunnurnar voru allar orðnar troðfullar um miðjan dag. Egils eða einhverjir komu að gefa gosflöskur(sem ekki var svo pláss fyrir í fröken Ruslafötu) og allir hvort eð er orðnir svo slompaðir af bjórdrykkju og dasaðir af sólsting að þeir höfðu ekki rænu á að leita að ruslafötu. Túristarnir og aðrir gestir bæjarins sem vildu skoða ljósmyndasýninguna áttu fullt í fangi með að sviga fram hjá bjórdollum og öðru drasli. Ég skil ekki alveg af hverju Borgin bregst ekki við á svona degi og sendir eins og einn flokk úr Vinnuskólanum með svarta ruslapoka í miðbæinn. Fussumsvei. Ég vildi samt óska að það kæmu fleiri svona dagar á sumrin. Reykjavíkurmeyjar virðast allar hafa náð að finna Benidorm dressin sín (föt sem þær nota í útlöndum, helst á útlenskum ströndum) upp á háalofti og er einkennisbúningur kvenkyns borgarbúa (sem og kvenkyns "dreifara" býst ég við) minipils, toppur og sandalar og er þetta allt saman í pæjulegra mótinu. Ég er í fríi í dag og ætla að reyna að finna eitthvað sæmilega pæjó til að vera í stíl við hinar skvísurnar:) Góða helgi.

Mamma og pabbi...

...áttu 40 ára brúðkaupsafmæli í gær, 1.ágúst.

Mamma og pabbi – 1. ágúst 2004
Þau verða krúttlegra par með hverju árinu og í gær komum við systkinin, makar og barnabörnin "gömlu" hjónunum á óvart þegar við héldum veislu þeim til heiðurs heima hjá Steina bróður. Við vorum að sjálfsögðu öll stödd á Akureyri yfir versló og var bara alveg svakalega gaman. Hápunktur helgarinnar var þó áðurnefnt grillteiti en gaman er að geta þess að þar borðaði ég besta lambakjöt sem ég hef smakkað og drekkti mér loks (tvisvar) í besta desert ever a lá Stebbi mágur og co. Einhvern tíma þegar ég verð rík ætla ég að fylla sundlaug af volgri marssúkkulaðisósu (jafnvel smá appelsínusúkkulaði með) og stökkva nakin út í hana. Á bakkanum verða ótal ístegundir sem ég get svo borðað með sósunni. Grrrrr.....

Beibís...

Freyr og Freyja hafa verið eitthvað á ferðinni því ákaflega mikil frjósemi virðist liggja í loftinu.  Ég nenni þó ekki að telja upp allar þær óléttur og fæðingar sem ég hef frétt af hér á síðunni en vil óska öllu þessu lánsama fólki til hamingju.  Nýjasti fjölskyldumeðlimurinn, Stubbur Stefánsson, sonur Önnu Bjarkar sætu systur er óneitanlega allra vinsælasta ungbarnið hjá mér og fer ég reglulega til hans til að dást að honum.  Hann er fullkominn í alla staði, enda ekki aðeins óvenju fagur heldur líka mjög hæfileikaríkur og duglegur.  Er ég orðin hátíðleg og væmin?  Æ mér er alveg sama því hann er fullkominn, en það finnst mér reyndar líka um hin systkinabörnin mín:)  Erla og Jónas eru líka að gera góða hluti því þau eignuðust litla snúllu 15.júlí sem ég hef ekki séð enn (ætla reyndar að kíkja á hana við fyrsta tækifæri) en orðið á götunni er að hún sé algjör krútta, löng og grönn.  Hún þarf að venjast ágengni, forvitni og áhuga vinkvenna móður sinnar enda er hún fyrsta barnið í hópinn, tíhíhí:)  held ég skutli einum pakka í mömmu hennar á morgun:) ciao....

aftur um Nylon

já, nú rataði ein nælonstúlkan á forsíðu DV í dag af því að "hún féll í öngvit á tónleikum á Akureryi þegar þær höfðu sungið tvö lög"...eða eitthvað svoleiðis.  Nú vil ég alls ekki gera lítið úr veikindum telpunnar og óska henni alls hins besta en ég gat ekki á mér setið og spurði kassastrákinn í 10/11 (þar sem ég fékk að fletta blaðinu) hvor þær kynnu nokkuð meira en tvö lög hvort eð er...  fliss fliss.  Ég veit ekki hvað þær gera á "tónleikum" eftir að hafa raulað við trommuheilaúgáfuna af lög únga fólsins og hitt lagið.  En þær hljóta að redda þessu alveg eins og Atomic Kitten getur líka reddað sér með ótal trommuheilaendurútgáfum á lögum sem voru góð áður, eins og þarna Blondie laginu.  Djííí ég er ennþá sár út í Atmoic Kitten fyrir illa meðferð á tónlist.  En þrátt fyrir allt þetta er ég bara nokkuð hress, Sandran mín er mætt í stutt stopp á Frón og við þurfum að vinna upp margra mánaða gossipleysi....múahahahaha....

Sumarið er komið...

...sungu Stuðmenn og ég held ég taki bara undir.  Mér finnst allir svo fallega freknóttir og rauðnefja eftir þessa dásamlegu helgi, svei mér þá.  Mér tókst að sofa eina nótt í tjaldi (á Klaustri) og svaf bara alveg sæmilega illa.  Það verður seint sagt að ég elski að sofa í tjaldi en mér finnst samet alveg gaman að fara í útilegur og kósí að vera í tjaldi.  Það er bara þetta með svefninn.  Ég og viðhengið mitt keyrðum svo einhverja Fjallabaksleið og hann fékk þar með ágæta útrás fyrir karlmennskuna.  "Réttu mér kortið kona",  "Ertu nokkuð hrædd Tótla mín?"  "Já þetta er er nú bara "soft" vegur", "ja maður hefur nú séð þá enn verri vegina", "ohhh ég hefði átt að láta þig taka mynd af mér keyra niður þessa brekku, hún var sko "hardcore"".  Já já, á meðan fékk ég útrás fyrir dömuna í mér með landakortið á lærunum og nesti á gólfinu;  "Gummi minn viltu súkkulaðikex?"  Nei ég segi svona.  Ég væri alveg til í að vera meira við stýrið næst sem verður vonandi bara eftir hálfan mánuð:)  Annars er bara fátt að frétta.  Í dag var hálfgerður mánudagslunti í mér sem lak þó smá saman af mér.  María samstarfskona gerði heiðarlega tilraun til að létta í mér lundina (og öfugt) með því að færa mér ísraleskt nammi (geri aðrir betur) sem hún hafði reyndar ekki lyst á sjálf.  Vinur hennar sendi henni fullt af svona nammi því henni finnst það svo gott og þegar hún hafði borðað sig sadda ákvað hún að gefa mér tvær tegundir sem hún borðar reyndar hvort eð er ekki sjálf.  Ég hef bitið í hornið á öðru stykkinu og minnti það mig á bragðsterkt frauðplast.  Ég veit ekki hvort það var ég eða nammistykkið sem var að klikka en ég hef lofað Maríu að smakka það aftur með opnum huga.  Hef reyndar ekki ákveðið hvenær það verður, kannski bara næst þegar ég er full.

þankagangur þórhildar

Loksins getur maður sagst hafa farið "Hálsinn". Þetta var gaman, en því miður var skyggni í mesta lagi 20 metrar eða ég veit ekki hvað þannig að ég hefði alveg eins getað verið á göngubretti og stigvél í rúma 7 tíma. Þetta var nú samt voða fínt, sérstaklega svona eftirá:) Held að mér veiti ekkert af að fara að hreyfa mig aðeins. Eftir gönguna tjölduðum við í Þórsmörk og var kvöldið hið huggulegasta en sjálf skreið ég inn í tjald í fyrra fallinu ásamt svona helmingi hópsins (bekkur Gumma). Fór samt ekki með þeim öllum í tjald. Hef svo bara verið að vinna á fullu þessa viku. María samstarfkona mín er mikill viskubrunnur og úr henni renna gullmolarnir. Til dæmis vorum við eitthvað svona að "stelputala" um daginn á rólegri vakt þegar hún sagði eitthvað á þessa leið, "nei Þórhildur mín, karlmenn eru ekkert flóknir, vinur minn sagði líka við mig um daginn að það væri ekkert erfitt að skilja hvernig karlmenn hugsa...þeir bara hugsa ekki!!!" Hef reyndar heyrt þennan áður en var samt alveg "jááááá, nú skil ég svo margt" og þá á þetta alls ekki við áðurnefndan Guðmund minn heldur bara svo marga karlmenn og hann er nú bara einn af þeim. Mér finnst ég heyra vinkonur mínar, mömmu, mágkonur, systur og bara alla nefna svipuð dæmi af svona "aulasögum" af sínum mönnum/bræðrum/sonum og þá á þetta frekar oft við, það er að þeir bara hugsa ekki en meina það samt ekki illa. ohhhh, karlmenn eru krútt:)

5vörðuháls

Þá er stelpan komin í helgarfrí og stefnan tekin á Fimmvörðuháls ásamt bekkjarfélögum Gumma, held reyndar að þetta sé meira svona bara saumakl´´ubburinn, þ.e. stelpurnar í bekknum, hehehe. ok, bis spater....

Hressleiki

Fín helgi búin. Var reyndar að vinna mjög mikið en afrekaði að fara á eitt afskaplega skemmtilegt djamm og horfa á frábæra bíómynd. Djammið hófst á laugardagskvöldið hjá Haffa Vökusnáða og þar spiluðum við á spil, eða þannig sko. Þið skiljið, ekki fatapóker samt. Eftir að Bryndís fluffa mætti í fluffumúnderingunni héldum við á Hressó sem er held ég bara að taka við gamla Sportkaffi, sami fílingur (Jesus Bobby eins og Heiðdís Halla segir) en ég var svo hress að mér var alveg sama. Ég var meira að segja í svo góðu skapi að ég bauð fólki heim til mín í grill á sunnudagskvöldinu, ætlaði bara að grilla eftir vinnu (22:30). Þau voru til í það en guggnuðu svo í einhverri þynnku og afboðu sig. Jahérna, það eru ekki allir jafnduglegir ha? Ég harkaði bara af mér og var sæmileg í vinnunni frá 12 til 22. Þá grilluðum við Gúndi (eða hann réttara sagt) og horfðum á Mystic River. Ef þið hafið ekki séð þá mynd megiði skammast ykkar, eða bara taka hana næst. Engar tæknibrellur, ekki einu sinni brjóst og bossar, bara flott saga og ótrúlegur leikur. takk í bili

Vei

Vér fögnum sigri Portúgala þó ég reyndar vorkenni tjöllunum því þeir voru duglegir strákarnir. Ég mun aldrei leggja fyrir mig heimasíðugerð þar sem ég næ ekki þessu Audrey Hepburn gríni hérna til hliðar ekki út en tókst hins vegar rétt í þessu að henda út myndinni af mér. Þetta var fín mynd. Of pirruð til að skrifa meira.

England vs. Portúgal

Ég ætla bara rétt að vona að lesendur þessarar síðu styðji rétt lið í kvöld. PORTÚGAL!!!

Grill

Týpískt, besta veður í Reykjvík í háa herrans tíð og þá er ég að vinna frá morgni til kvölds...svo er ég í fríi í tvo daga og þá byrjar að rigna! Reyndar finnst mér bara frekar huggulegt veður. Svo huggulegt að ég á von á gestum í grill. Ég held ég geti fullyrt hér með að ég elska grill, það er svo íslenskt að grilla á sumrin. Verði mér að góðu.

Ekki örvænta

Er aðeins svona að fikta í lúkkinu á síðunni þannig að eins og er eru linkarnir horfnir. Þeir fóru þó ekki langt en ég þarf smá aðstoð við að laga þetta og mun það gerast "skömmu seinna". Eru ekki annars bara allir í stuði? Æ nei, commentin eru líka horfin þannig að ég ætla bara að ganga út frá því að þið séuð í feyknarstuði. Var það kannski feiknarstuð? Í gær útskrifaðist litli prinsinn minn með bé ess í verkfræði:) Ég óska honum sem og öðrum kandídötum til hamingju með þetta allt saman. Við héldum upp á daginn þangað til langt var liðið á næsta dag. Eins finnst mér ástæða til að fagna því að Portúgal komst áfram í EM í kvöld en ég er samt pínu svekkt að Spánverjarnir séu dottnir út....joder! Það verður víst ekki á allt kosið. ókei...

Prufa: Nýtt lúkk!

Hæ, hæ. Hér er ég að prófa nýja lúkkið. Kv. S

Kennslu lokið

Jæja, haldiði að stelpan sé ekki bara komin heim á Klakann. Get ekki annað sagt en að ég sé mjög ánægð með dvölina þarna úti og held ég hafi verið helvíti góður kennari. Hvað á ég að gera næst? Hversu lengi hangi ég nú hér á Fróni? heheh, vantar kannski stundakennara í Angóla? Ég get þetta alla vega, hmmm, svona nokkurn veginn. En sem sagt, ég er komin heim og bara mjög ánæð með það. Búin að knúsa mannskapinn, þar fara fremstir í flokki litli nýi frændinn minn sem er sá snúðslegi í bænum og svo hann Gumma minn sem er líka fínn:)

Frú Stella...

Halló. Veit ekki alveg hvar ég á ad byrja núna, tíminn lídur svo hratt og svo margt búid ad gerast. Sídasta midvikudag ákvad ég ad fara enn einu sinni til Albufeira. Í rútunni tangad voru med mér saenskar fótboltabullur. Ég sat rétt fyrir framan tá (aftarlega í rútunni) og hlustadi á vasadiskó til ad forda mér frá kjánahrollnum sem ég fékk vid ad hlusta á tá. Teir toludu mjog hátt og vid alla tarna aftast í rútunni. "Yes I think Sweden has a very good team this year and actually some people say we might do veeery well you know"..."yes it´s very nice to come from Sweden because when you are travelling nobody understands you..." já já tú heldur tad karlinn minn, prófadu ad tala íslensku tá! teir voru ógedslega hallaerislegir med víkingahjálma og sotrudu vodka, og hljómudu eins og Thule auglýsing, "Ísland best í heimi" nema bara um Svítjód. Af hverju turfa Svíar stundum ad vera svona hrikalega montnir og leidinlegir. eftir tveggja tíma keyrslu fengu teir ad "leigja" gettóblaster af spaenskum krokkum í rútunni. Teir fengu smá hjálp frá mér vid ad tjá sig og voru mjog hissa yfir ad ég vaeri ekki spaensk. Mér rétt svo tókst ad stoppa tá af tega r teir voru farnir ad spyrja Spánverjana "so how do you say in spanish "I want to fuck you"". Teir spiludu fótboltalog, Football is coming home og Vi er rode, og tá haetti ég nú bara ad láta mig sokkva í saetid og hló eins og adrir fartegar ad tessum fuglum. Sá olvadasti turfti náttúrulega ad fara á trúnó vid mig (og vid toludum saensku/norsku, geri adrir betur eftir 3 ´mánudi talandi ensku og spaensku). Madurinn var nákvaemlega eins og Salómon í Stellu í orlofi, herre gud!. Hann romsadi einhverju óskiljandi út úr sér í byrjun vid mig og sagdi svo; "that was "I want to fuck you" in arabic, german, finish, croatian...." WOW, charming. Honum fannst hann vera gasalega kúltiveradur og altjódlegur. Grey drengurinn, leggur mikid á sig vid ad laera tetta. Jaeja, nóg í bili, update um Portúgal kemur fljótlega ef tad kemur. Eda aejjj...segjum bara tad var gaman, fór í afmaeli, bordadi heimalagadan portúgalskan mat í fyrsta sinn og hafdi tad voda notarlegt tó baerinn hafi reyndar verid `frekar skrýtinn svona fullur af enskum húllígans sem brjóta allt og bramla...andsk... XAU (ciao á portúgolsku)

Ó nei

Mér hafa borist taer fregnir frá Fróni ad tad sé búid ad stofna stúlknasveit á Skerinu og tad sé verid ad gera eitthvad fjolmidlabrjálaedi úr tví, sjónvarpstaettir og laeti. Úff...mér finnst ég vera nýfarin frá Íslandi. Og tegar ég paeli í tví ad á Íslandi búa jafnmargir og í litlu borginni minni og naersveitum er tetta fáránlegt. Ekki hef ég heyrt í stúlkunum sem kalla sig víst Nylon. Ég rakst tó á skemmtilega frétt á mbl um taer. Tetta fannst mér skemmtilegast:

"Þetta er skemmtilegur vinkill á þessu starfi okkar," segir hún. "Það er skrýtið að hafa myndavél stöðugt á bakinu, þar sem maður er með hárið í teygju og í joggingbuxum að æfa einhver dansspor en það venst."

HA? Med hárid Í TEYGJU og í JOGGINGBUXUM!!! Taktu tér tak stelpa, ekki láta íslensku tjódina sjá tig med teygju í hárinu og hvad tá í joggingbuxum! Tá ertu ljót eda eitthvad, ég veit ekki. Well, ég hef ekki heyrt í teim tannig ad ég er ekki ad gagnrýna tónlistina og ekki heldur taer sjálfar...mér finnst bara vera svona tilgerdalegur blaer yfir tessu ollu saman tar sem ég fylgist med tessu úr fjarska. Common taer eru svo mikid máladar á myndinni ad taer líta út eins og pandabirnir. Mér sýnist taer reyndar vera mjog saetar undir..skemmtileg samsetning líka, tvaer dokkhaerdar, tvaer ljóshaerdar. Hefdi samt turft ad vera ein af odrum kynthaetti, svort kannski til ad hafa tetta sanngjarnt og hofda til staerri hóps (selja meira). jamms, annars er bara 36 stiga hiti´og sól tridja daginn í rod, sem tydir ad enn tarf ég ad dúsa inni allan daginn med blaevaeng, tad er eiginlega of heitt til ad vera úti, enda enginn á gotunum, hér sofa allir eda taka siestu milli 14 og 18 amk. Over and out.

Afsakið hlé

Elskulegur unnusti (sjá undir linkar "boyfriends") benti mér á ad ég hefdi ekki bloggad lengi. Tad gladdi Tótluna tví hún hélt ad bojfrendid kíkti aldrei á blessad bloggid. Jaeja, tad er alla vega nóg búid ad gerast sídan ég tjádi mig hér sídast. Sigrún litla Eyjólfs er komin hingad í alla vega 2 mánada sóarlandaferd. Hún er í skóla í Malaga en kom upp til Dos Hermanas tann 20.maí í húsmaedraorlof. Vid drukkum bjór (lifi Cruzcampo, húrra húrra húrra) og toludum um allt milli himins og jardar fram á nótt. Tad verdur ekki farid nánar út í umraeduefnid hér. Svo brugdum vid okkur í helgarferd til Granada (tar sem ég sá EKKI Alhambra, tíminn leid adeins of hratt). Í Granada hittum vid Heidi og tad var svakalega fínt. Heidur var stodd í Granada til ad rifja upp salsasporin og vid Sigrún solsudumst tarna med henni alla helgina tangad til ég óverdósadi á salsa um klukkan 6 á sunnudagsmorgni og vid pilludum okkur á hótelid. Tvi senjóríturnar turftum ad vinna upp margra mánada slúdurleysi og tad tók einn laugardaag og hefdum alveg getad slúdrad lengur. Seinnipart laugardags fórum vid nefnilega í smá útsýnistúr med vin Heidar sem er salsakennari eda eitthvad svoleidis og hann var í hvítum buxum og g-streng. Tad veit ég af tví ad hann sýndi mér tad...út á midri gotu...tvisvar. Saetur rass samt. Tennan sama laugardagseftirmiddag eignadist systan mín fallegasta ungbarnid á Íslandi og ég get eiginelga ekki skrifad svo mikid um tad tví tá fae ég heimtrá. Mig langar nefnilega svo mikid heim ad knúsa hann. Úff tad e fullt meira búid ad gerast en ég nenni ekki ad skrifa meira um tad í bili, segi frá Malagaferd minni í naestu faerslu. Tarf ad taka siestu. Sól, 35 stiga hiti, hofudverkur...

Heimsókn

Gummi Hlír kom í heimsókn í sídustu viku. Tíminn leid gasalega hratt (eins og alltaf tegar atad er gaman) en vid nádum ad fara í siglingu, skemmtigard, og á nautaat (sem var mikid skemmtilegra en ég átti von á). Einnig kíktum vid á La Feria í Dos Hermanas og ad sjálfsogdu horfdum vid á Júróvisjón. Vid gáfum stig tilad byrja med en komumst svo ad tví ad stigagjofin okkar var mjog einsleit og gáfumst upp. ("shit tetta er hrikalegt lag, falleinkunn! Greyid...gefum honum samt svona 4 stig...fínn jakki til daemis") Svo fór Gummi aftur heim til Íslands á mánudag, ég skellti mér til Cádiz, tad var alltílae. Svo vard ég frekar súr tegar ég áttadi mig á tví ad hann vaeri kominn og farinn. Mér tókst samt ad bjarga skapinu í gaer, settist bara med bjór á svalirnar og setti Smashing Pumpkins á fóninn (var búin ad gleyma tví hvad Adore er frábaer diskur tannig ad tad var svona extra skemmtilegt) og las bók. Sólin skein glatt og tegar ég sit alveg í gaettinni sjá nágrannarnir mig ekki tannig ad ég gat setid á naerbrókinni sem er náttúrulega alveg frábaert. Held ég hafi samt ekki tekid neinn lit á teim stodum sem ég er venjulega í fotum til daemis brjóstahaldara. Kannski kann sá stadur bara vel vid ad vera hvítur. ok, vil í lokin nota taekifaerid og óska Tóreyju minni til hamingju med daginn! Góda skemmtun í kvold og góda skemmtun líka Vokulid í grillpartí!

Nú skil ég...

Einu sinni átti ég Nivea krem í spreyformi. Fattadi ekki alveg tilganginn en kremid var gott. Nú fatta ég samt tetta med spreyid. Tad er fyrir fólk sem er thurrt á bakinu (jafnvel ad flagna) en hittir aldrei neinn tegar tad kemur úr sturtu og er ad fara ad sofa! Assgotans vesen!

Malaga

Halló, ég er í Malaga, rigning og leidindi á sjálfan 1.maí hér. Ég fór ekki í 1.maí gongu en ég hef samt gengid frekar mikid í dag. Fór á Picasso safn hérna ádan. Mér finnst Picasso alveg ágaetur en samt hofdar hann einhvern vegin ekki alveg til mín en hann er svo fraegur ad ég veit ekki hvort madur megi segja svona. Ég fíla Dalí betur, en hann er ekki hér tannig ad ég er nú ekkert ad kvarta yfir félagsskap Picassos. Anyways, einhverjir spyrja nú kannski hvad ég sé ad gera í Malaga... og svarid myndi vera á tá leid ad vinkona módur minnar, hún Begga Gústafs býr í Torremolinos og ég er í heimsókn hjá henni (rétt hjá Malaga). Ég er náttúrulega eins og prinsessan á bauninni hérna, alltaf gaman ad fara´í svona heimsóknir. Sídustu helgi fór ég til Cádiz (tar skeit fuglinn á mig) og kynntist tveimur amerískum stelpum á hostelinu mínu. Var svo bara med teim. Taer voru eins amerískar og haegt er, og tegar taer toludu spaensku (med sterkum hreim) bakkadi ég yfirleitt adeins svo fólk héldi mig ekki vera eina af teim. Hehehe, ég átti sjálf erfitt med ad skilja spaenskuna teirra. Annars er bara stud í Andalúsíu, Ferían í fullum gangi, segi kannski bara betur frá tví seinna. Mig dreymir stóru systur mína naestum tví á hverri nóttu tví hún (Anna Bjork) er ólétt og ég hugsa svo mikid til hennar og sakna hennar náttúrulega mikid. Tad eina sem flaekist fyrir mér ad mig dreymir hana ýmist med litla stelpu eda lítinn strák, sem er skrýtid tar sem vid vitum kynid. Hmmm, ég aetla ad bída med ad kaupa barnafot. ok, gott í bili, best ad fá sér churros:)

Óheppni, framhald

Var ég ekki ad tala um ad tad bodadi óheppni ad labba undir stiga og stillansa? Ég vil baeta einu vid, ekki ganga undir tré. Ég gerdi tad um daginn og fugl skeit á mig! ohhhhh

Óheppni

Var ad spá, thetta med hjátrúna ad labba undir stiga bodi einhverja ógaefu..... teljast stillansar med?

Sevilla

OK, ég er komin aftur til Sevilla, stud stud. Fjárfesti í vasaútvarpi í vikunni í Kaupfélaginu. Úrvalid var ekkert svo ég fékk eitt aedislegt á 5 evrur. Tad býdur upp á tvaer volume stillingar (tó tad eigi ad vera svona venjulegt) tannig ad tad er ýmist mjog hátt eda ekkert heyrist. Svo er mesta kúnstin ad hitta á adeins eina útvarpsstod! Mér leidist ad hlusta á tvaer svona hálft í hvoru, lýsingu á fótboltaleik (frekar trylltar lýsingar) og flamenco tónlist (enn trylltara). Jeminn eini. Mér tókst tó um midjan dag í gaer ad hitta á Kiss fm (mjog ólík nofnu sinni á Íslandi) og ég mun aldrei hreyfa takkann aftur af ótta vid ad finna hana ekki aftur. Annars var vikan bara fín í skólanum. Fór í einn 1.bekk (12 ára). Kennarinn las upp nofnin, og ég tók eftir ad hann Pedro hafi f (falta=fjarverandi) alla daga í kladdanum! Mamen, kennarinn útskýrdi tad fyrir mér. "já, mamma hans er í fangelsi vegna fíkniefnamáls og tá kemur hann ekki, honum er hvort ed er alveg sama og hann er einhvers stadar hjá aettingjum" Úff, tvílíkt vonleysi stundum. ok tíminn lidinn á internet kaffi, hvad á ad gera um helgina? Ég veit ekki med ykkur, en ég aetla á strondina:) Reyndar spád rigningu tannig ad ég er bara ad fara ad spóka mig svo ég fái ekki óged á herberginu mínu:)

Skemmtilegheit

Til ad byrja med sma komment a kommentin i tarsidustu faerslu... Gulli, tu ert alltaf velkominn, hvenaer kemurdu? Og Gudjon, mer fannst titt "ad lokum" komment i vokulida vikunnar svo frabaert ad mer fannst snidugt ad endurnyta tad. Ja madur hefur vida komid i felagsmalum...Herdis minnti mig a Tonabae...en mer fannst spurningin leidinleg og tess vegna svaradi eg a einfaldann hatt. Krakkarnir i skolanum tala hraedilega enslu en eg verd hardur kennari. Elstu strakarnir spurdu kennarann hvort eg vaeri a lausu, gott ad vita af tvi ef Gummi stendur sig ekki (djok) ad madur a svona unga addaendur. Ad odru. Eins og gloggir lesendur Totlutjattsins sau sagdist eg i gaer aetla til Spnar i dag. En nei...eg er enn i Portugal! Tegar eg aetladi ad kaupa midann i rutuna i dag var hun ordin full. Eg vard natturulega aleg crazy og reyndi allt sem eg gat tvi naesta ruta er a manudag en ta a eg ad vera ad kenna:( Tetta er voda leidinlegt en eg get ekkert gert i tessu, hef reynt allt. Kvidi tvi ad hringja i yfirkennarann til ad segja henni fra tessu, tetta gefur kannski ekki goda mynd af mer. C'est la vie.

Portugal

Ordid "nostalgia" er tad besta til ad lysa tilfinningum minum tessa dagana. Er i Albufeira, minum gamla "heimabae" (hehehe...var herna reynda bara i 4 manudi fyrir 4 arum en tessir manudir voru alveg spes). Buin ad hitta fullt af gomlum og godum vinum og hafa tad gott og hef lika skemmt mer otrulega vel med Heiddisi Vokustelpu og hennar fjolskyldu. Fer aftur til Spanar a morgun....voda gaman.

Spánn

Halló, ég er komin til Spánar, er hérna rétt fyrir utan Sevilla, hálfgert skítapleis reyndar en samt bara fínt. Ég bý ein í húsi tannig ad ef einhvern langar til Spánar, tá er ódýrt ad fljúga med Ryanair hingad, allir velkomnir. Ég er ad kenna krokkum og unglingum ad tala ensku og tau kunna ekki rass í bala! Tau vita hins vegar oll núna hvad kisan mín heitir (og bera "Gríma" óadfinnanlega fram) og hvad fjolskyldan mín heitir. Mjog dugleg ad punkta nidur nofn á íslensku, bara svo lengi sem tau turfa ekki ad tala ensku! hahaha. Jaeja, tarf ad fara ad vinna...látid heyra í ykkur.

Mótmæli

Rétt eins og við stúdentar mótmæltum upptöku skólagjalda við HÍ í gær ætla ég að mótmæla núna. Eða nei ekki beint mótmæla, kannski ég byrji bara aftur. Ég ætla að skora á Bryndísi sem gengur undir nafninu Krullubossi hér til vinstri á síðunni, að hefja að blogga aftur. Ég vil alls ekki pína hana til bloggsins en þar sem hún hefur hvorki tilkynnt endalok Bryddarans né kvatt kóng né prest finnst mér að hún ætti að sinna lesendum örlítið betur. Bryndís er reyndar frekar upptekin kona þessa dagana, ó sei sei það vitum við öll en ég krefst þess að fá skýringu á þessu háttalagi. Ég hvet alla sem eru sammála mér í þessu að commenta um það hér á síðunni og svo látum við Bryddarann heyra það:)

Spánn
Í þarsíðustu færslu minntist ég á nýtt plan sem felur í sér flugferð. Ég gleymdi svo að greina betur frá plani þessu en tja, hvernig get ég líst þessu...hmmmm.... ég er sem sagt á leiðinni til Dos Hermanas sem er borg í útjaðri Sevilla næstu helgi. Þar mun ég vera aðstoðarkennari í ensku í unglingadeild. Hehehe, spennó ha? Stefnan er að vera þar í 3 mánuði og er stelpan bara full tilhlökkunar. Það eina sem skyggir á gleðina eru tilvonandi fæðingar og útskriftir hjá nánustu fjölskyldumeðlimum en ég verð bara í stöðugu símasambandi á slíkum stundum:)

Voff
Ef einhvern langar í lítinn 9 mánaða hvolp sem fannst í Kópavogi og vantar heimili þá er bara um að gera að hringja í Leirur (held það heiti það) og spyrja um hvutta:) Honum verður lógað um helgina býst ég við ef það finnst ekkert heimili:(

Allt að gerast
Það er bara allt að gerast í lífi mínu þessa dagana þó ég geri reyndar allt bara á mínum hraða (hægt). Ég þori ekki að tala of mikið um það ef það skildi klikka (sem sagt nýjasta planið) en svona til að segja eitthvað þá er það alveg frábært!!! NB ég er hvorki ólétt né að fara að gifta mig. Ég segi meira um leið og ég veit meira eða einfaldlega get ekki þagað lengur. Ok ég get alla vega sagt að planið felur í sér flugferð. Svo er líka allt að gerast í bílnum hjá Gumma núna en þið getið lesið meira um það hér :)

Mér
...dettur ekkert sniðugt í hug að skrifa hér. Mun skrifa aftur næst þegar mér dettur ekkert sniðugt í hug.

Kvörtun
Undirrituð vill hér með leggja inn formlega kvörtun til veðurguðanna (með von um að þeir lesi þetta blogg) og óskar eindregið eftir því að úr þessu verði bætt hið snarasta.

Þórhildur Birgisdóttir

24
Ég á afmæli í dag:) Kaffiboð gærkvöldsins heppnaðist vel í alla staði og átum við á okkur gat af amerískum pönnukökum með súkkulaði, bönunum, sultu, jógúrt, jarðaberjum og sírópi og ég veit ekki hvað og hvað. Dagurinn í dag hefur líka verið betri en ég átti von á. Byrjaði á að fara í klippingu og er bara frekar flott þó ég segi sjálf frá (hehe) ..kíkti til stóru systur í hádeginu sem bauð upp á kakó og kringlu og fór því næst á fund með Alþjóðanefnd sem er alltaf hressandi og já, ég ætla að hætta þessari upptalningu. Takk í dag.

Afmæli
Í dag er fagur dagur þrátt fyrir ööööömurlegt veður. Í dag á nefnilega Herdís Lundúnamær afmæli og líka Arndís verkfræðimær en ég var einmitt full í afmæli hjá henni um helgina. Ég verð full við að rifja það upp en það var mjög hressandi og skemmtilegt allt saman. Arndís er líka svo mikill gestgjafi í sér ef það má orða það þannig. Alveg ótrúleg stúlka. Ég vil senda þeim báðum árnaðaróskir í tilefni dagsins. Í gær áttu aðrar vinkonur mínar afmæli, þær Inga Steinunn og Ingibjörg Ýr og svona mætti lengi telja. Í kvöld ætla ég að halda upp á afmæli Herdísar með því að bjóða Clueless genginu (en hún er náttúrulega í því þó hún sé reyndar fjarri góðu gamni) í kvöldkaffi. Stuð!

Bíó
Ég er með smá svona bíóæði núna, fór á Something´s gotta give í gær og hún er bara mjög góð þó hún verði reyndar pínu langdregin og væmin á köflum, en þannig er lífið... hmmm. Svo kíkti ég aðeins á Óskar í nótt, hefði kannski átt að sleppa því, ætlaði aldrei að vakna en ég horfði reyndar bara í smá stund. Nú þarf maður að fara að skoða kjólana á netinu, mér sýndist Naomi Watts vera í flottum kjól. Hmmm, ok later..

Draumar
Mig dreymir yfirleitt mjöööög furðulega drauma. Í nótt dreymdi mig meðal annars að Jónsi í svötrum fötum, Birgitta Haukdal og einn ónefndur fyrrum skólafélagi Gumma úr MK (sem var í útskriftarferðinni) réðust á einhvern barþjón. Ég hef aldrei séð Birgittu svona reiða (mjög ólíkt henni). Þau voru eitthvað fúl við hann, gott ef hann hafði ekki eitthvað svikið þau (um gigg kannski) og þau bara kýldu hann og lömdu og allt ljótt. Í draumnum var ég í einhverju svona department store (hvað sem það heitir nú á íslensku) fór upp rúllustiga og var að skoða ýmislegt fallegt og sá þettq ljóta atriði á skjám um alla búðina. Ég man að ég var mjög hissa, sérstaklega að sjá Birgittu í slíkum ham. Foreldrar héldu fyrir augun á börnunum. Hef ég sagt frá því þegar mig dreymdi að ég fór í skíðaútskriftarferð til Laos? Það var rosalegt, ég man hann ekki nógu vel, bara að við keyrðum til baka, vegirnir voru slæmir (brattar og hlykkjóttar brekkur) og við vorum lengi á leiðinni. Man ekki hvernig skíðalandið sjálft var. Úff....

heimsku próf
Af hverju tekur maður svona próf? Ég er Konstantínópel!

You're Turkey!
You have a good deal of history behind you, both good and bad, but through it all, you've become a leader among your friends.  You have an uncanny ability to make friends with people who hate each other, though sometimes you just hate them instead.  Surprisingly fickle, you keep a good balance in your life between religion and humanism, but most people think you're fanatical anyway.  You're Istanbul, you're Constantinople.
Take the Country Quiz at the Blue Pyramid

Saumaklúbbar
Ég bauð stelpunum sem eru með mér í verkfræði (hmmm) í saumaklúbb í gær og það var bara voða fínt. Ég gerði kjúklingasalat handa stúlkunum sem var mjög spes, svona "oriental" á bragðið en svona skrýtið bragð getur verið svo gott. Æ ég ætla ekkert að reyna að lýsa þessu. Þeim fannst ég ekki sitja nóg hjá þeim í betri stofunni, en ég er bara svo lengi að saxa papriku og lauk og hræra og hnoða og bara lengi að öllu yfir höfuð að það var ekki um annað að ræða. Ég skil stundum ekki hvernig ég kemst í gegnum sumt á þessum hraða snigilsins. Altsa, það sem ég vildi sagt hafa var að ég skemmti mér mjög vel eins og alltaf þegar ég hitti þessar snótir sem sjá um að halda manni inni í slúðrinu. Það vantaði samt aðalslúðrarann...Betu. híhíhí, hún þorði örugglega ekki að koma þar sem ég hafði hótað henni flengingu með bolluvendi. Raggeit.

Nostalgía
Ég mæli með þessari nostalgíu. Klikkið á "uk" og þá getið þið gleymt ykkur við að skoða grannana endalaust og farið í leiki og allt. Ohhh...svo gaman. Annars er ég ennþá að velta mér upp úr öllum þessum möguleikum sem ég var að tala um í fyrradag. Fleira var það ekki.

Mentos
Er að vinna í Tungumálamiðstöð og tók með mér smá nammi eins og svo oft áður. Í þetta skiptið varð Mentos fyrir valinu. Ég ætlaði að kreista síðasta mentosið á mjög kúl hátt úr bréfinu og láta það svífa upp í munninn á mér en tókst ekki betur til en svo að það sveif beinustu leið á gólfið. Pirr pirr! Sérstaklega þar sem þetta var síðasta mentosið sem gerir þetta extra leiðinlegt.

Möguleikar
Það erfiðasta við að vera ung kona (hehe) í dag eru möguleikarnir! Það er alltof mikið í boði. Ég er reyndar ekki að drukkna í atvinnutilboðum frekar en aðrir en ég get ekki fundið út hvað ég vil verða þegar ég verð stór. Ég tel að ég eigi enn eftir að uppgötva hæfileika á ýmsum sviðum. Ég er kannski ekki vitavonlaus og á mér alveg von en sérstakir hæfileikar hafa eitthvað látið á sér standa. "Hey...hæfileikar, ekki vera feimnir"...

Ég reyndi nokkrar íþróttagreinar og fannst þær flestar mjög skemmtilegar en var samt frekar léleg í öllu. Ég náði í mesta lagi bronsi á innanfélagsmóti í ÍR á skíðum, kannski gulli ef það var aðeins einn annar keppandi. Mér var sem sagt ekki ætlað að verða íþróttastjarna þó ég hefði gaman af spriklinu. Mér finnst líka mjög gaman að syngja og syng yfirleitt mikið með útvarpinu en þegar einhver lækkar í því heyri ég hversu hræðilegur söngvari ég er. Raddsviðið nær yfir eina áttund svo ég get líka gleymt poppstjörnudraumum.

Það sem ég hef mestar áhyggjur af er að í mér búi duldir hæfileikar sem ég hef ekki enn uppgötvað og mun jafnvel aldrei gera. Kannski hefði ég orðið frábær banjóleikari eða nautabani. Möguleikarnir eru svo margir og það er erfitt að velja. Allar hugmyndir og ábendingar vel þegnar:)

Vaka
Kosningar eru búnar en ég er ekki vön að blogga um þau mál og ætla ekki að byrja á því núna. Langaði bara að segja að Vaka náði 5 manns í Stúdentaráð þannig að ég er inni. Nú tekur við lærdómur við og ég þarf að vinna upp heilan helling, sérstaklega í ítölsku held ég. Best að fara að vingast við Þóreyju:)

Hrós
Hrós dagsins fær Þórey Sif fyrir að vera stolt af vinkonum sínum og fallegar hugsanir. Fólk segir svona lagað alltof sjaldan.

Brjóst
Bandaríkjamenn eru teprur, og eins og fleiri hef ég aðeins velt fyrir mér tepruskapnum í þeim í þessu Janet-máli. Mér fannst brjóstið hennar bara fínt þó atriðið væri frekar tilgangslaust, nema jú það náði mikilli athygli (sem var sennilega tilgangurinn) En af hverju fær þetta meiri athygli en þegar poppsmápíur eru dillandi sér á eggjandi hátt hálfberrasaðar í myndböndum og á tónleikum. Gamla brýnið var bara mjög dannað þarna á sviðinu með annað brjóstið útistandandi miðað við margar aðrar. Mér fannst Justin vera samt pínu álkulegur. En nóg um það, ég hvet alla til að lesa grein um málið eftir Obbu Deiglukonu.

Kríli
Það er víst orðið opinbert á netinu og þá verð ég að fá að segja það hér að hún Erla er ófrísk:) víííí, sú fyrsta í Clueless:) Ég segi bara eins og Gummi pabbi Erlu, "það var lagið Jónas". Ég er ekkert smá spennt. Í ágúst eigum við í Clueless sem sagt von á einni mini Erlu eða mini Jónas. Veit ekki hvort, alla vega einu ljóshærðu, bláeygðu og brosmildu kríli:)

kosningar schomisningar
Þessa dagana geri ég lítið annað en að vera í kosninastússi, sem er reyndar bara mjööög gaman. Mamma segist hlakka til þegar þær eru búnar. Þá verða endurfundir... sé gamla settið lítið núna. Sé hins vegar Vökufólk út um allt og það er alltaf hressandi. Ég held samt að hressleiki vikunnar (síðustu) hafi verið matarboðið hjá Clueless. Það var Vala sam var svo vinaleg að bjóða okkur heim í fínu íbúðina sína á "the main shopping street". Við fengum ostatertu sem Erla gerði með smá laiðsögn frá Jónasi kæró. Svo fórum við í leik við Vala vorum með smá glens. Það var hins vegar Þórey sem tók þessar myndir. Takk fyrir mig dömur. Fyrst ég er að linka á svona myndir verð ég að setja hérna skvísumyndina af Bryndísi og mér. Frekar kúl. ok fleira var það ekki:)

löndin...
hef verið eitthvað að væflast á netinu og sé að allir eru með svona kort og segja gjarna hver löndin eru. Ég hef sem sagt komið til 19 landa (með Íslandi...hehehe). Þau eru; Norðurlönd fyrir utan Finnland, USA (þetta eina skipti), Þýskaland, Holland (flugvöllurinn einungis), Sviss, Austurríki, (allt saman fyrir löngu síðan, þ.e. mið-Evrópan), Frakkland, Spánn, Portúgal, Gíbraltar, Ítalía, Lúx, Marokkó, England, Thailand og Laos. Og hananú, hmmm væri gaman að skoða mið-Evrópu betur:)

landafræði
Held að ég hafi alltaf haft áhuga á landafræði almennt og að ferðast og sjá sem flest. Fann þetta próf og tók það, og samkvæmt því hef ég séð 8 % af heiminum. Maður merkir við þau lönd saem maður hefur heimsótt og ég merkti þar af leiðandi við Bandaríkin (eins og þið sjáið á kortinu) en ég hef bara farið til New York og Philadelphia. Sniðugt:)
create your own visited country map or write about it on the open travel guide

Skvísukvöld
annað hvort er ég svona leiðinleg (sem er kannski ekki svo fjarri lægi) eða bara enginn að lesa bloggið mitt því það commentar enginn hjá mér. Clueless meðlimir höfðu greinilega ekkert um málið að segja. En ykkur hinum að segja (það er ef einhver er að lesa þetta) þá er Clueless sem sagt að halda upp á 7 ára afmælið sitt um helgina og plönin að skýrast. Við ætlum að borða mexikóskt! ...og ekki mexikanskt því það er enska=mexican. Ég veit ekki ennþá hvort við ætlum að horfa á myndina Clueless (1995) með táningsstjörnunni Aliciu Silverstone:)

American Style
Ég er orðin svo mikill fastakúnni á Stælnum að ég vann um daginn máltíð hjá þeim í einhverjum svona sms-leik! Það er ekki slæmt. Svo er bara almennt mikil stemning fyrir laugardagskveldinu en þá mun ég gera mér glaðan dag með Clueless. Clueless ætlar í húsmæðraorlof sumarið 2005 og erum við að safna fyrir því (peningagjafir vel þegnar sem og baðhandklæði og sólarolíubrúsar). Ég hef varið ófáum mínútunum fyrir framan tölvur að leita að ákjósanlegum áfangastöðum á netinu þó það sé svona langt í þetta og fer að kunna flugleiðir Ryan Air og Easy Jet utan að! Reyndar hef ég miklar áhyggjur af því að ég verði flutt lengst út í lönd þegar á að fara í þessa miklu ferð og langar því helst að flýta henni um eitt ár eða svo... hvernig líst ykkur á? Hvað finnst Clueless meðlimum? Hvað finnst lesendum?

mjááá
Af því að ég elska allar kisur verð ég að linka á þessar sem ég fann á tilverunni.

Janúar
Trúi ekki það sé kominn 20.janúar! Allt komið á fullt skrið í sambandi við kosningar og ætla ég að nota tækifærið og minna á hádegisfund Vöku nk fimmtudag í Lögbergi 101 um fjölmiðla. Þar ætla Ögmundur Jónasson, Gunnar Smári Egilsson og Ólafur Stephensen að tjá sig um málið... allir að mæta! Ætla ekki að tala meira um kosningar hér því þrátt fyrir að þetta sé allt saman mjög skemmtilegt og áhugavert þá nenni ég ekki að tjá mig um þetta núna. Ég vil miklu frekar tjá mig um hvað ég gleðst yfir yfirvofandi Clueless boði hjá Erlu í lok mánaðarins. Clueless eru reyndar undir linknum "strumpar" hér til hliðar. Þar mun kvennlegur klæðnaður, skart, bollur og glamúr ráða ríkjum....bravó! Reyndar eru tvær kvennfélagskvennanna búsettar erlendis og verður þeirra sárt saknað. En nú þarf ég að koma mér í vinnuna í Tungumálamiðstöð.

mr-ingar
Það lítur út fyrir að ég þurfi að fara að taka út emmerringalinkinn hérna til vinstri. Flestir þeirra eru hérna undir öðru eins og "strumpar", "saumó" etc.... Er að fara að passa Birgi Stein og borða pizzu.

Afmæli
Á laugardaginn fór ég í 25 ára afmæli Betu en hún er sem sagt í verkfræði með Gumma og þess vegna erum við saman í saumaklúbb því þær eru svo góðar að leyfa litla spænskunemanum að vera með sér í saumó (enda hef ég mikið hangið með verkfræðinemum). Stundum gleymi ég að ég sé ekki í verkfræði og stend mig að því að nota alls konar hugtök sem ég skil ekki (nöfn á kúrsum og kennurum líka) en hefur bara síast inn. Hressandi. Þessi saumaklúbbur er svona í hressari kantinum og hér má sjá myndir úr afmælinu sjálfu. Ég var hins vegar í stuði kvöldið áður og því svona frekar róleg (miðað við hinar) þetta kvöldið eins og sést kannski á myndunum. Lengi hafði ég heyrt af hæfileikum Betu í eldhúsinu en mamma mía... þetta var ótrúlegt. Ég taldi ekki hve oft hinar fóru að hlaðborðinu en mig grunar að ég hafi farið oftast. Ég kláraði súkkulaðihúðuðu jarðaberin. mmmmmm...

letiblogg
Þar sem ég nenni engan vegin að blogga þessa dagana langar mig að benda þeim lesendum sem enn álpast annað slagið inn á síðuna mína á mun skemmtilegri og áhugaverðari blogg en mitt. Vil ég þar fyrst nefna Siggu Víðis vinkonu mína úr Rammagerðinni. Hún er reyndar mikil Röskvukona en fín stelpa samt sem áður (hehe, smá kosningafílingur að koma í mann). Sigga mín er nefnilega stödd í Asíu, nánar tiltekið á Indlandi að kynna sér aðstæður. Hún er alveg mögnuð stúlka og ævintýragjörn með meiru (hver annar myndi skella sér til Kabúl í viku í desember?) og þið bara verðið að kíkja á síðuna hennar og lesa frásagnir og reynslusögur úr þessu ferðalagi. Annað skemmtilegt blogg er bloggið hennar Evu Láru spænskunemaskutlu sem býr í Valencia núna en var einu sinni í Kólumbíu um tíma. "Me llaman el desaparecido..." Eva Lára er þeim hæfileikum gædd að geta kynnst hverjum sem er hvar sem er og hefur það greinilega ekkert breyst þarna úti á Spáni. Mér sýnist stúlkan hafa það ákaflega notalegt og mér finnst hún alltaf vera að gera eitthvað skemmtilegt með nýju fólki:) Ég læt þetta nægja í bili, bendi á fleiri skemmtileg blogg næst þegar ég nenni ekki að blogga...hahaha

Skóli
Ástandið fer að verða eðlilegt, skólinn að byrja aftur, ég er í Tungumálamiðstöð að vinna, Afmæli hjá Betu verkfræðigellu á laugardaginn og ég veit ekki hvað og hvað. Gaman að þessu. Svo vorum við Gummi svo heppin að fá kommóðu frá foreldrum hans í fyrradag (sem við völdum sjálf). Við skötuhjúin áttum skemmtileg IKEA móment saman við að setja mubluna saman. Ég fjárfesti í rúmteppi (1290 kr.-) á sama stað en Gumma tókst reyndar að bía það eitthvað út innan sólarhrings. Henti einhverjum bílavarahlut á rúmið ...ok smá ýkjur, en þetta var eitthvað sem tengdist bílnum...for kræing át lád! Áfram IKEA;)

2004!
Gleðilegt ár allir! Síðasta vikan af árinu 2003 var gasalega notaleg og skemmtileg. ég er í löngu jólafríi, vann þess vegna frekar mikið, en var reyndar í fríi á þorláksmessukvöld. Sandra, Maggi, Gumi og ég fórum á smá tónleika þá um kvöldið, mjög huggó nema þegar við Gummi vorum að labba í bílinn, þá kastaði einhver Selfoss-tjokkóinn flösku óvart næstum því í hausinn á mér. Vitleysingur. Ef ég hefði verið skrefinu framar þá hefði ég rotast. Held ég. Svo fékk ég að sjálfsögðu ýmislegt fallegt á jólunum (og borðaði rjúpu;)) og hitti Clueless vinkonur mínar í Spa-inu hjá pabba hennar Erlu. Við (eða Kvennfélagið Stirða eins og við erum að pæla í að kalla okkur) fórum þangað að kósa okkur, æfa sundfimleika og hanga í gufu, og fórum svo þaðan á Stælinn og því næst til Elsu bókmenntaskutlu frá Stokkhólmi með meiru. Það var orðið alltof langt síðan ég hafði hitt svona mörg eintök af Clueless-vinkonum samankomnar á einum stað að ég skemmti mér alveg extra vel. Ekki amalegur félagsskapur! Ekki má gleyma Vökujólaboðinu sem var líka huggulegt og kósí. Við drukkum heitt SÚKKULAÐI (ekki kakó!!!) og borðuðum snarl með:) Yngsti Vökuliðinn í boðinu var hann Ásmundur sonur Jarþrúðar en hann fæddist í september og er því mjög ungur og efnilegur. Svo kom snjókoma á mánudegi, bravó fyrir því, svo kom einhver þriðjudagur sem ég man lítið eftir, nema jú að ég fór í Smáralind með Söndru. Svo kom gamlársdagur sem var bara fínn og nýja árið byrjaði ég svo á að passa Birgi Stein systurson minn í tvo daga. Við skemmtum okkur ótrúlega vel saman, fórum t.d. með Diljá frænku (sem er 5 ára bróðurdóttir mín) á skauta, skoðuðum litlu kisu Þórhildar og Eddu (dætur hins bróður míns fyrir þá sem eki þekkja mig og mína familíu) og horfðum á IDOL. Í kvöld borðuðum við Gvendur svo hjá Söndru og Magga en í fyrramálið halda þau til Englands. Elsa er líka að fara aftur út, og Herdís. Mér finnst þetta alltof stutt stopp hjá ykkur...huhuhu. over and out!