Málvísindi rómanskra mála...
hljómar það spennandi? mér finnst það reyndar spennandi, en samt ekki akkúrat núna, þar sem ég er ekki alveg sátt við námskeiðið og er að fara í próf í því á miðvikudaginn næsta. Fraulein Tótlchen.is er mætt á bókasafnið í þægilegu fötunum og á táslunum (tók samt með sokka). Nú er ekki um annað að ræða en að taka þetta próf bara í nösina, voilá. Ég er í banastuði sko, alveg klár í lesturinn, en kisi krafðist óvenju mikillar umhyggju og klapps í morgun, svo ég bara varð að kúra smá með henni. Um daginn veiddi hún vettling. jamm, Gríma kom með vettling í soðið fyrir fjölskylduna, dásamleg þessi veiðidýr. Ég er ansi hrædd um að einhver fuglinn muni verða fyrir mjög nánum kynnum við kisu í sumar. Hún er orðin mjög fær í að veiða flugur og borðar þær að sjálfsögðu, sem er mjög gott því að flugur eru fullar af próteini og ekki veitir Grímu af smá vítamínum, hún er að detta í sundur af hor. Í gærkvöldi snæddum við maestro camaro man pizzu á Horninu ásamt Lundúnarbúunum Söndru og Magga. grrrr, alltaf jafngott. Svo skelltum við okkur í kvikmyndahús (sem by the way eru ömurleg af því að það eru alltaf ömurlega langar auglýsingar og hlé sem er alltof langt og byrjar í miðri setningu, en svo hoppa þeir yfir smá tíma... eða sko. úff nú er ég komin í uppnám. 'Eg gruna bíókallinn um að slökkva bara á skjánum í hléinu en að myndin sé enn að rúlla undir, sko það vantar alltaf smá.. Eins og maður sé ekki að borga nóg fyrir þetta). En við sem sagt fórum á The Recruit, og hún var rosalega góð. Ég mæli með henni, alla vega fannst mér hún rosagóð í gær. ok, lærdómur, over and out!

Tapað-fundið
Hefur einhver séð rauða anorakinn minn? Vissuð þið að orðið anorak (+ur að sjálfsögðu í íslensku) er grænlenska en er notað í flestum tungumálum... eða mörgum, svona eins og frönsku og spænsku. Eða mig minnir það alla vega. Um helgina fór ég í túristaleik með Gumma Hlí. Það var mjög gaman, en ég mun skella einhverjum myndum á tjattið við betra tækifæri. Núna er ég upptekin. Mike, amerískur vinur minn kom í heimsókn og við Gvendur hýstum hann og reyndum að sýna honum sem flestar dásemdir landsins á sem skemmstum tíma. Mér fannst við vera farin að hljóma alveg eins og Thule auglýsing. "you know that here in Iceland we have the best..." etc....bla bla bla. Gaman að þessu, jæja, bókasafnið bíður eftir mér...

Hey...
Er þetta bara mín tölva, eða er líka hægri hluti síðunnar minnar dottinn út hjá ykkur? Linkarnir og það... mér er spurn.

Gleðilega páska
Gleðilega páska, alle sammen, ég hef eina játningu fyrir ykkur, ég bara verð, þori samt varla. Ég er byrjuð á páskaegginu mínu:/ Málið er sko að bestu vinnuveitendur í heimi gáfu mér (og hinum) páskaegg svo ég var voðalega glöð í vinnunni í gær og ætlaði heldur betur að standast freistinguna fram á páskadag. Kom svo heim og þá kom í ljós að við Gummi fáum sitthvort risapáskaeggið frá elsku foreldrum hans (svona er að vera með einkabarni... mæli með því) Úff púff. Þannig af heilsufarsástæðum tók ég þá skynsamlegu ákvörðun að byrja hið snarasta á Rammagerðaregginu til að verða ekki veik á páskadag. Ég neyddist til þess, en nú er ég að fá samviskubit, bara oggupons samt, ekki nógu mikið til að hætta að borða eggið... múahahahaha:)

Ingibjörg Ýr er orðin mamma:)))
...en byrjum á byrjuninni, smá rapport:
Dagurinn byrjaði á að ég vaknaði of seint, náði bara að lesa í klst fyrir munnlega frönskuprófið (las náttúrulega líka í gær) sem ég brilleraði ekki í. Eydís MR frönskukennari var prófdómari, gott að sjá vinaleg og kunnugleg andlit, en ég skammaðist mín að vera svona léleg fyrir framan hana. Mér fannst mér sem sagt ganga illa en c'est la vie (sem þýðir einmitt "svona er lífið" á frönsku). Eftir prófið gerði ég einhverja ómerkilega hluti sem tekur ekki að telja upp. Jú, reyndar eitt, Gríma (kisan okkar) sækir bolta...sem sagt eltir og kemur með til manns, en það er eitthvað annað en Myrra (hundurinn okkar) sem hefur aldrei lært að sækja. Ég er hrædd um að Gríma eigi eftir að "sækja" fugla í sumar. Jæja, eftir að hafa leikið við vannærða köttinn minn (hundurinn kemst alltaf í kattarmatinn) fór ég á fyrirlestur í latínu (sem fór fram á ensku) og hver var þar annar en Kolbeinn latínukennari úr MR, ég sem sagt hitti tvo MR kennara. Kolbeinn fær rokkaraprik fyrir að hafa þekkt mig um leið. Í kaffinu sagðist hann vera feginn að hafa ekki fælt alla frá latínunni :/ jæks...ég varð hálf kleinuleg. Mér gekk vægast sagt hræðilega í latínu og lofaði að koma ALDREI nálægt henni aftur ...og hvar er ég í dag? það er eitthvað að mér. well, ég bara brosti mínu blíðasta og fékk samviskubit yfir að hafa kjaftað við Söndru í tímum, og reyndar alla, og skrifast á. Ég var nú samt alls ekki svo slæm, ég samdi þó ekki dónavísur (hömm hömm) og ég hvíslaði held ég bara ef ég hafði eitthvað að segja á annað borð... ég var bara svo helv... léleg í latínu, það var það eina. Jæja, svo fór ég nú bara heim. Ákvað að hringja í Ingibjörgu sem átti að vera löngubúin að eiga og ég ætalði að vera löngubúin að tala við. nei nei, haldiði að hún hafi ekki bara eignast hana Ísabel í nótt!!! Í fyrsta sinn fékk ég svona búbblíbúbbl fiðring í þið vitið stokkana þarna (var samt fljót að jafna mig á því) Gekk sem sagt vel og ég óska henni til hamingju, og ég get ekki beðið eftir að sjá gripinn. Ingibjörg sagði að það væri bara eins og þær hefðu þekkst lengi, ekki bara 9 mánuði þið skiljið. Ég varð alla vega rosalega glöð yfir þessu og langaði að fagna, vissi ekki hvernig samt... svona alein. Ég ákvað að fagna bara með því að leggja mig í hálftíma (sem varð reyndar klukkutími). Í kvöld fór ég svo á Kaffibarinn með stelpunum úr spænskunni og henni Juliu sem er meira að segja spænsk. Muy bien. Hvað næst, ...jú fór til systur að sækja eitthvað dót. Kötturinn þar á bæ er lagður í einelti af ógeðslegum svörtum ketti (ég er ekki rasisti, hún bara er svört). Frosti greyið var úti á palli að spóka sig og viðra í kvöldgolunni þegar Tjara tu**a kom þar að. Hún minnir mann helst á pardus, sem eru reyndar geðveikt flott dýr. Hún er svona vondur pardus og hún réðst á Frosta með tilheyrandi óhljóðum. Við systurnar og Stebbi stukkum út til að bjarga kisa en þau þutu bara út í buskann. Við kláruðum reyndar að horfa á Piparjónkuna á S1 en fórum svo út að leita. Frosti fannst skjálfandi undir garðpalli nágrannans og hafði gert á skottið af hræðslu. Það var ógeðslegt, sérstaklega lyktin. Dagurinn var bara fínn hjá mér fyrir utan munnlega frönskuprófið og Tjöru.
Q.ed -Sönnun lokið

sniff sniff
Þetta fær mig næstum því til að bruna upp á Holtavörðuheiði að leita. Hann er meira að segja fatlaður greyið:( Gleymdi ég ekki að segja hvernig McDonalds og kjötbollurnar voru? sko, McDonalds var bara svona McDonalds með fullt af nýbúum og ég fékk ekki kjötbollur, það var ýmist mexikanskt, ítalskt eða kínverskt þema. merci.

Svíþjóð og próf
Hola chicos y chicas... Þá er stelpan bara lent. Kom í gær heim frá Stokkhólmi en þar var ég á NOM-fundi sem þið vitið ekkert hvað er. Gunna, Pétur og ég skemmtum okkur mjög vel og lærðum að sjálfsögðu margt. Þarna voru samankomnir svona stúdentapólitíknörd eins og við þrjú frá hinum Norðurlöndunum og Eistlandi en sem betur fór er þetta allt á ensku. Reyndar var einn fyrirlestur á sænsku, og þá brostum við bara fallega og reyndum að vera gáfuleg sem var svolítið erfitt þegar maður skilur varla neitt. Þó maður kunni kannski eitthvað í þessum málum þá er það ekki nóg ...mann vantaði sænska orðaforðann yfir ...æj ég man ekki einu sinni hvað því þetta var svo flókið. En fólkið þarna var svaka fínt, en spauglaust þá held ég að við Íslendingarnir höfum verið langskemmtilegust. Alla vega fannst okkur það. Við gáfum þessu liði brennivín því þau eru víst ólm í svoleiðis, ég tók hálft staup bara til að vera rokkari, ég held að danirnir eða einhverjir aðrir útlendingar hljóti að hafa afgreitt bokkuna því ekki komum við nálægt því. Á sunnudeginum fóru allir heim en við Pétur fórum í túristaleik. Þar kom í ljós að við erum ömurlegir túristar, ætluðum aldrei að finna lestina, áttum ekki kort af borginni, og tókum ekki myndir. Dagurinn var samt brill á sinn hátt. Við bara vöfruðum um þessa fallegu borg, gerðum grín að væmnum ljósastaurum og fuglastyttum, kíktum í búðir, skoðuðum leikhúsið og kósuðum okkur á kaffihúsi. Seinasta kvöldið lágum við svo í leti með sitthvorn risanammipokann og fullt af gosi og sáum skandinavíska temptation island í sjónkanum. ÞAÐ VAR ÓGEÐ!!!! hehehe...ókei, nóg um það ég hef svo mikið að gera í skólanum og er búin að vera eitthvað smá "sloj" svo það gengur hægt. Best að fara að læra. ciao

klón spón
Bryndís talar um að hún þyrfti að láta klóna sig, já ég er sammála akkúrat núna. Gaman ef fleiri gætu notið þess að kynnast manni, ahaha, nei grín sprín. Nei sko, ég er að fara til Sverige í fyrramálið á NOM ráðstefnu (norræn stúdentaráð, eða svoleiðis) með honum Pétri mikla eins og hann kallar sig víst sjálfur:) hann er hress og kátur Röskvusnáði og ég held að það verði bara gaman hjá okkur og henni Gunnu sem fer líka (fyrir BÍSN). Við verðum í Stokkhólmi en þangað hefur mig lengi langað. Áður en ég kemst út verð ég þó að gera heljarinnar ósköp sem ég hef frestað of lengi að gera... úff púff, nenni ekki að telja það upp hér. Samt kannski ekkert svo agalega mikið, bara smá mikið. Ég vona að ég komist í tölvur í Svíalandi svo ég geti sagt ykkur hvernig McDonalds er þarna og friggadellurnar. olrætí, hejdaa!

Eitthvað skrýtið...
...í gangi, því þó fólk skrifi eitthvað í shout-outið hjá mér þá kemur það alveg en stendur aldrei hversu mörg, skiljiði, kíkið bara þá fattið þið. Allavega, ég fór til Þóreyjar á laugardaginn að hitta fullt af skvísum, borðuðum gómsætar heimabakaðar flatbökur, supum á hinum ýmsu veigum, áfengum sem óáfengum (held reyndar að flestar hafa einmitt verið í kókinu), átum nammi, horfðum á söngvakeppni framhaldsskólanna og hljógum mikið að kynnunum. úff og púff. Mér finnst að það ætti frekar texti að renna yfir skjáinn með upplýsingum um næsta flytjanda (og aðstandendur þess mega muna að það eru tvö s í framhaldSSkóli!!!) en að hafa tvær gelgjur þarna á einhverju egótrippi. Og nemendur í No Name skólanum á Akureyri hefðu líka mátt slaka aðeins á dökka augnskugganum á dömurnar. Jeremías, sumar voru svona eins og koalabirnir... En mér fannst margir vera alveg ótrúlega góðir og atriðin mjög vönduð. Greinilegt að krakkarnir leggja mikið á sig og eru hæfilekaríkir. Besta atriðið vann að mínu mati, ég var hissa að Kvennóstelpan næði ekki sæti (fyrsta atriðið) og MK-gellan hefði sko alveg mátt fá einhver svona hugrekkisverðlaun. Það besta var þó að hitta eðalskutlur og hlæja og spjalla. Takk fyrir mig Tóti Sif:)

sábaai-dii
Um daginn dreymdi mig að ég flaug til Bergen í Noregi, og ákvað að fara þaðan á hlaupahjóli til Lillehammer og svo Oslo (smá krókur sko). Ég var meira að segja með farangur (held ég hafi samt komið honum á rútu en gleymt að merkja hann) lenti á einum mjög erfiðum mislægum gatnamótum man ég og mér var rosalega heitt enda var komið sumar. Ferðin á hlaupahjólinu var samt mjög ánægjuleg, ég var aðallega á ferð um fallega dali og skóga Noregs, en fannst ferðin ganga hægt. Þegar ég loksins var komin til Lillehammer (þá er svona tæplega 3 tíma akstur eftir til Oslo minnir mig) var mér orðið svo heitt og komin með strengi í lærin en hitti þá Sveinbjörgu (vinnuveitanda minn í Rammagerðinni). Hún vann á svona tourist information og ég fékk kaffi og með því á skrifstofunni hjá henni og hvíldi mig smá. já já, svona er ég rugluð. phop kan mai (laos-íska yfir "sjáumst"... ég elska lonely planet)

Góða helgi
ágætu vinir, ég vona að þið munið öll eiga hina bestu helgi og allt það. Sjálf er ég á leiðinni í vísindaferð með verkfræðinni, jibbí jei, og svo ætla ég í leikhúsið á Sól og Mána:) laugardag mun ég vinna í gerð kennda við Ramma, og kíkja til stelpnanna um kvöldið. Á sunnudag verður franskan mössuð, oui, ég ætla á bókasafnið snemma morguns daginn þann og lesa og lesa þangað til ég æli næstum því. Voilá.

Gríma, fröken Vatnsendi
Hér má sjá sætustu kisu í öllu Vatnsendahverfi. Hún er snoppufríð, fíngerð og hefur fallegan feld. Frosti bróðir hennar er líka myndarlegasti högninn í Suðurhlíðum Kópavogs. Hún er reyndar alltaf að veiða, t.d. er hún að veiða tærnar mínar á myndinni þarna...eða alla vega að íhuga árás á þær:) Finnst ykkur hún ekki sæt?

Gestabókarvolæði
hefur helst yfir mig þar sem fáir aðrir en Áslaug og ég sjálf skrifa í gestabókina mína:( hversu ömurlegt er það? sjæse....

Bloggauli
ég ætlaði að vera eitthvað sniðug og setja nýja mynd af mér hérna til hægri en tókst að klúðra því og nú er engin mynd. well, þeir sem lesa þetta þekkja mig, nema kannski að vinkonur mínar sem ég hitti of sjaldan séu búnar að gleyma hvernig ég lít út.... rautt hár, brún augu, og 180 á hæð, ok stelpur:)

Hjálpaðu mér upp, ...ég get það ekki sjálfur
Síðustu helgi fór ég í ógeðslega skemmtilega ferð í sumó með snilldarbekknum hans snilldarGumma, og við fórum í pottinn eins og Íslendingar eiga til þegar þeir gera sér glaðan dag. Gestgjafar voru þau Eiríkur og Helga og hann Eiríkur sagði okkur að metið væru 13 manns í þessum litla potti. Við lögðum mikinn metnað í að slá það met, og var lítið vatn eftir í pottinum þegar ítalski skiptineminn hann Luca "ðe rekkordbreiker" náði að stinga nokkrum táslum og loks meirihluta líkamans oní drullupottinn. Þá var ég örugglega búin að vera ca. 2 klst þarna og var líðanin ekki góð undir lokin eins og sjá má á þessari frábæru mynd af fólkinu. Mér finnst við vera lítið annað en útlimir þarna. Við fórum í marga leiki eins og "búmm" en ég var ekki að drekka áfengi svo ég bara þagði. Svo fórum við nokkrum sinnum í "hver á fótinn" en þá var klipið í útlimi á svamli og reynt að finna eigandann. Á fyrri myndinni erum við aðeins 12 en á þeirri seinni er Inga Rut komin og Luca er að troða sér oní, hefðum átt að smyrja hann fyrst með vaselíni, það hefði gengið betur. Bravó!

jólin í mars?
nei ég er ekki orðin gaga, alla vega ekki meira, en mér datt bara jólin í hug allt í einu núna þar sem ég hef snúið sólarhringnum við, eins og í jólafríinu. Æ...dóh! asnalegt, en alla vega þá sit ég hér við tölvuna...borða kjúkling og Gríma er að narta í humar (hefðarkisa) og er bara að dúllast í tölvunni, þegar klukkan er að verða hálftvö um nótt. Ef einhver veit um geisladiskana mína þá má sá hinn sami skila þeim, ég sakna þeirra. Mig vantar tónlistina mína, núna.... bidi bidi bom bom

það er algjört möst...
...að kíkja á þessa flottu og fróðlegu síðu og kvitta þar í gestabókina:)

ble ble, helgin búin, ble ble
ok, ég verð að sætta mig við það að helgin er því sem næst búin og ég hef ekkert lært. Neibbs, í gær var ég að vinna og eftir vinnu fór ég í ánægjulega sumarbústaðarferð með bekknum hans Gumma, vonandi get ég sett myndir af því hér síðar. Stelpan var á bíl svo ég svaf vel. Í dag hef ég átt kósídag með frænkum mínum, fór í sund, á hoho, og svoleiðis, sem er MJÖG gott, en nú er samviskan að naga mig, og ég VERÐ að fara að læra, svo over and out. Ætla að leyfa mynd að fylgja, af sætum spænskunemum sem eru þarna að bíða eftir því að komast á klósettið í vísindaferð. ...Sigrún, Klara, Svanlaug og Helga Gvuðrún (hún skrifar það með v-inu)....

huhuhu
nei nú er mér allri lokið, var að lesa betur síðuna hennar krullubossa og komst að því að Þóreyju var boðið í átið hjá Ingu Steinu. Detta mér allar dauðar, ég stofna þá bara hér með alein kökuklúbbinn "Englabossar" fyrir þá sem voru ekki gelgjur á gelgjunni og fá ekki að vera í öðrum kökuklúbbum.

Kökuklúbbur
Komst að því nú í vikunni að ég er EKKI í kökuklúbb sem "vinkonur" mínar stofnuðu á gelgjunni. Ég og Þórey vorum sem sagt ekki nógu miklir villingar til að fá að vera með! Mér finnst að við Þórey ættum að stofna kökuklúbb fyrir bara þá sem voru englar á gelgjunni. Allir velkomnir sem hafa áhuga, eða, sko best að leggja inn umsókn hér á síðunni og hún fer fyrir nefnd sem er skipuð okkur englunum og munum við vega og meta hvort viðkomandi hafi verið nógu mikill englabossi. Já, það eru ekki allir sem höfðu áhuga á landa, sígarettum og strákum svona í kringum fermingaaldurinn.

frægð og frami
Ég vil benda áhugasömum á að kíkja á Pungana en þar má finna viðtal við mig undir "Íslendingi vikunnar:) ekki dónalegt ha! Pungarnir eru sniðugir strákar, gaman að þessu. Ljóðelskum bendi ég á Áslaugu Ósk. Þar er fallegur ljóðabálkur um líf hennar og störf, þó ekki eftir hana sjálfa en á sínum yngri árum samdi stelpan reyndar ljóð um Mikjál nokkurn. Ég held ég sé haldin svefnsýki...ég bara sef og sef og sef meira. Mér finnst svefn mjög dýrmætur, en maintenant ætla ég að gera frönskuverkefni, oui oui mon chéri.

á skíðum skemmti ég mér tralalalalalalalalalalalalala
ég er að fara á skíði, ligga ligga lái, því það er rjómablíða en samt skítakuldi...tja tja. Gvendur minn og Gaui bekkjarbróðir hans og hún Tobba hans ætla með mér. ok ok, ætli ég þurfi sólarvörn? nei kannski frekar kuldakrem.

Pása? ekki pása?
ég er svo ódugleg við að blogga að ég er að pæla í að taka mér svona bloggpásu eins og Doddi. Veit samt ekki. Hvað um það, sl. föstudag var haldið upp á gleði kennda við árið í spænsku og fleiri deildum. Þvílíkt og annað eins fjör. Dagurinn sjálfur einkenndist af stressi og peningarugli... borga dj-unum, borga matinn, rukka hér og þar bla bla bla, kaupa sæng og kodda og svoleiðis fyrir hina spænsku Juliu sem er nýkomin til landsins. Lagðist í bleyti um miðjan dag og var komin til Sigrúnar Lóu um fimm. Það var brill því Sigrún Eyjólfs málaði mig, Klöru og Sigrúnu Lóu. Ég hef held ég aldrei látið mála mig, en stúlkan er snillingur svo ég var mjög ánægð. Hey, ég er að plata, ein kvensa málaði mig í Victorias Secret í New York um daginn. Mér leið nú eins og asna þá, "horfðu upp! niður! ekki loka! hálfopinn munn! fín kinnbein! nei ekki svona bogin!" bla bla, hvað á maður að segja? Sigrún var miklu betri. Gellan í leyndarmáli Viktoríu málaði mig vel en frekar mikið, mér fannst ég vera svona "bold and the beautiful". Árshátíðin sjálf var líka grand, góður matur, sniðug skemmtiatriði, flamencodansari, kúbanskur dansari, gítarspil og söngur o.s.frv. og að lokum komu Gullfoss og Geysir og ég dansaði eins og ég ætti lífið að leysa. Mér fannst ég mjög fín, í svarta strandakjólnum hennar ömmu í Fells (sniðugur yfir bikiníið, nú eða bara nærfötin) og dansiballsskónum hennar múttu, með appelsínugula rós um mittið og klút í sama lit um hárið. Gaman að vera í kjól, dansi dansi dúkkan mín... dæmalaust er stúlkan fín:)

árshátíð... og fleira gaman
Á morgun verður gaman. Þá er árshátíðin okkar, og verður hún að sjálfsögðu suðræn flétta af sangríu, spænskum réttum, salsasporum í bland við venjulegt íslenskt djammkvöld þar sem maður þarf sennilega að koma í stígvélum og þykkri kápu yfir fína dressið, fólk syngur "final countdown" og fer á trúnó. Það er nefnilega þannig að þó að við spænskunemar séum kannski flest frekar innstillt á spænska/s-ameríska menningu þá erum við íslensk. Ætli við séum ekki ljósu strípurnar í svörtu suðrænu fléttunni sem ég var að tala um. Kærinn minn var að lýsa því fyrir mér um daginn hvernig stíl ég hefði á dansgólfinu, hann sagði að ég væri eins og "önd sem er að reyna að hrista vatnið af stélinu" (orðrétt) og er þá að vísa til mjaðma/rassa-hreyfinga/hristinga minna. Halelúja, ég var frekar móðguð (ekki segja honum). Þetta var á sunnudagskvöldið, í dag er fimmtudagur og ég er farin að sjá fyndnu hliðarnar á þessu... aðeins.
ammlið...
ég átti ósköp venjulegan afmælisdag en hann var eiginlega alveg ágætur. Sandra sæta setti ábyggilega met, því fyrst hringdi hún frá London til að gratulera stelpuna, svo um kvöldið kíkti ég í tölvuna, og þá var e-mail frá henni OG hún skrifaði í gestabókina. Takk Sandrímus:) mér þótti vænt um símtalið, fer að hringja bráðurm. Og svo fékk ég að sjálfsögðu margar fleiri afmæliskveðjur, takk fyrir þær. Fleiri áttu afmæli, þann 1.mars: Inga Steinunn HR-dama, Ingibjörg Ýr hin verðandi móðir. 2.mars: Herdís bráðum hagfræðingur og Arndís heimsreisuverkfræðiskutla með meiru. Allar urðu 23 nema hin síðastnefnda sem er ögn þroskaðri og árinu eldri, ég náði henni aldrei, huhu, en ég er keisarabarn og það átti að sækja mig á degi kenndan við ár og hlaup. Telst það með? Þá ætti ég að vera eldri en hinar (að Arndísi undanskilinni). Ok, en ég nennti ekki að linka á þessar dömur enda eru linkarnir hérna til hliðar:) swing...........

Takk fyrir afmæliskveðjur, takk fyrir stuðning í kosningum, og takk fyrir allar hamingjuóskirnar:) Ég hef ekki tíma til að bulla núna þar sem frönskupróf er framundan, svo ætla ég að halda upp á öskudaginn með frænskum mínum, og leita að herbergi fyrir heimilislausa spænska stúlku. Olé!

Vitleysan hefst
Munið að kjósa þið sem eruð í háskólanum, ég trúi ekki að það sé loksins komið að þessu, úff púff. Hlakka til á morgun, vil bara fá þetta á hreint. Og sæti kærastinn minn er búinn að bjóða mér á árshátíðina sína á föstudaginn:) Hún verður haldin á Selfossi. Mamma og pabbi, stundum kölluð Elva og Birgir eru á Ítalíu að skíða um fallegar brekkur og tralala, og Anna Björk og Birgir Steinn líka. Huhuhu, maður getur ekki gert allt. Þau koma heim á laugardaginn, og ég ætla að sækja þau, kaffibrún og fín. Dóhhhh!

"Líf mitt með Vöku" ...ævisaga ungrar konu í framboði
...einnig fáanleg á hljóðbókarformi innan skamms. Nei ég segi svona, veit ekki af hverju mér datt þetta í hug, kannski af því að mér finnst alltaf svo asnalegt þegar ungt fólk gefur út ævisögu sína. Kannski líka af því að mér finnst líf mitt snúast mikið um hagsmunabaráttu stúdenta þessa dagana, sem er mjög gott mál. Margir spyrja mig hvernig í ósköpunum ég nenni þessu, en ég skil ekki hvernig er ekki hægt að ekki nenna þessu, eða ekki, eða öfugt, þið skiljið. Hvernig er hægt að kvarta yfir hinu og þessu en gera ekkert í því? Nú það er alltaf hægt að kjósa rétt, og treysta rétta fólkinu til að taka málin í sínar hendur. Þetta fer að verða manni svo mikið hjartansmál að það að hrópa stefnuskrána oní leiðinlega indverska lagið á Astró á föstudagskvöldi fyrir áhugasama er bara alveg sjálfsagt. Ég er kannski ekkert mikið að þylja hana svo sem, en jú, stúdentar láta sig málin varða svona þegar líður að kosningum og stoppa mann á förnum vegi með skemmtilegar spurningar í pokahorninu, og það er í raun svakalega gaman og dýrmætt. Við sem ætlum að ná meiri árangri í hagsmunabaráttu stúdenta verðum náttúrulega að heyra frá nemendum sjálfum hvað þeim finnst um hitt og þetta. Mig er farið að dreyma lykilkortakerfi, próf.is og hljóðbókarsjóð. Svo rekst maður á tjáningar fólks sem hefur séð okkur í stofugangi á bloggferðalögum sínum:) Ungur maður að nafni Gunni Palli er einn þeirra, hehehe, gaman að lesa þetta. Athyglisvert að stundum nefnir fólk sama hlutinn ýmist sem kost eða löst, hlutlaust dæmi myndi hljóða svo:
Nonni; frábært hvað þessi peysa er gul, ég elska svona líflega og fallega liti!
Manni; alveg hrikalegt hvað þessi peysa er gul, maður fær bara ofbirtu í augun.
Nei, ég mun seint fá Pulitzer verðlaun fyrir þennan pistil, hvað þá þetta litla dæmi, datt ekkert annað í hug:/ Önnur manneskja sem tjáði sig um stofuganginn er hún Katrín litla badmintonstelpa, hún æfði einmitt með Slaugu slím í den. Ég tók nú ekki eftir Katrínu fyrr en undir lokin, sá hana ekki því það var strákur fyrir henni. Ég var nú hissa að sjá að hún heyrði orð eins og námslán og lesblindir því hún var að gera eitthvað allt annað en að hlusta allan tímann:) Hún hefur samt hlustað smá, stundum er ég alveg að sofna í tímum en samt virðist eitthvað fara inn. Eitthvað smá... pínku pons.

Sei sei já, svei mér þá...
&lksd !&%.... argggg, ég er svo með þetta "sei sei já svei mér þá" lag á heilanum að ég segi ekki annað né skrifa, nema ég sé þá að tala um stúdentapólitík eða spila kana við frambjóðendur. gaman, ég skemmtilega! Í morgun var ég alveg "jeeee" þegar ég sá snjókomuna en svo fór að rigna og núna er veðrið ömurlegt í einu orði sagt, og ég er full af kvefi, sem er ekki gott. Gríma, kisan mín (sem nú hefur fengið viðurnefnið "kúkakisa") er nú ekki alltaf jafn sniðug. Í gær varð smá slys, ég mæli allavega með Visskas, enn ekki Pússí, því allt bendir til að Gríma eigi í vandræðum með hægðirnar borði hún of mikið af Pússí-kattarmat. Ef einhverjum finnst þetta ógeðslegt þá er honum frjálst að hætta lestrinum núna, en allavega, þá var þetta frekar mikið í fljótandi formi og svo mokaði hún sandinum svo vel yfir að hún spólaði honum (með öllu tilheyrandi) upp á vegginn fyrir aftan. Úbbosí, slysin gera ekki boð á undan sér. Svo hafði hún trítlað upp í rúm til að kósa sig, og til að gera langa sögu stutta, þá þurfti ég að þrífa vegginn á meðan Gummi skipti um á rúminu. Þetta var klukkan 1 í nótt, mikill hressleiki þá með Grímu. Annars er hún alltaf góð og hrein. Helgi, Vökupartí á astró í kvöld með fríum veigum í fljótandi formi, æi nei. Ég ætla ekki að minnast meira á "fljótandi form" í dag:)

Útvarp Latibær
þessi útvarpsstöð ...kennd við bæ kenndan við leti er snilldin ein. Manni líður svo vel og verður svo saklaus (sem ég var nú fyrir) við að hlusta á stöðina, ég mæli með henni í dag. Annars hef ég ekkert bloggað um skeið, það er ekki af því að ég sé bissí krissí í kosningastússi og stofugangsstússi, nei nei nei, ég er bara kúl og ákvað að dissa Tótlutjattið í nokkra daga. jæja, x-a:)

Gleðilegan föstudag
Ég hef það á tilfinningunni að þetta verði góður dagur í meira lagi. Vaknaði í morgun, viss um að þessi dagur yrði eitthvað sérlega góður dagur, hmmm. Eins og svo margir dagar byrjaði þessi með biomjólk (með perum) og tölvurápi, sem er ekkert nýtt, en svo er ég á leiðinni í stofugang:) Hvað svo? ég er að hugsa um að leita einhverjar vinkonur uppi um miðjan daginn og seinnipartinn kíkir maður svo til múttu og kósar sig smá, kannski ég gerist grúppía í vísindaferð, hvernig ætli vísindaferðir hjá t.d. mannfræðinemum séu? Nei annars, ég hef eiginlega ekki hugmynd hvað ég geri, hver veit nema ég kíki upp í Vökuheimili og fari svo bara heim að leggja mig:) Mig vantar samt tónlist, strax! helst Sting...

híhíhí
Katrín.is segir að Vaka vinni þetta á fyrstu fimm sætunum:) hehehe. Mér finnst nú heildin alveg mjög góð hjá okkur sko. Annars þá er það að frétta að það er mikið að gera þessa dagana í öllu, en ég held að febrúar sé einmitt þannig hjá öllum, ekki satt? Árshátíðir, þorrablót, verkefnavinna og próf, og nú kosningar fyrir þá sem taka þátt í því. En smá könnun, er fólk almennt að halda eitthvað upp á Valentínusardaginn eða eru bara blómabændur einir að flippa? tell me tell me tell me once, tell me twice....

Af bílum,kisum og öðru skemmtilegu
Helgin er senn á enda, tralala, voðalega líður þetta allt saman hratt. Frétti af íbúðarkaupum Ásdísar og Guðna, til hamingju með það elskurnar. Guðni þarf þá eftir allt saman ekki að búa nálægt KR vellinum né bera Ásdísi yfir þröskuldin heima hjá tengdó eins og þau voru orðin hrædd um. Stelpur, eru ekki einhverjar hugmyndir kviknaðar um hvernig á að gæsa dömuna svo?

Á föstudaginn fór ég aðeins með Gumma í Bílanaust sem var skemmtileg upplifun, hann var svona eins og ég að skoða glingurbúð eða fallegri gjafavöruverslun, þuklaði á einhverjum, töppum sem ég man ekki hvað heita og skil þaðan af síður til hvers þeir eru, en ég man að þeir voru 1 1/2 tomma, eða var það ekki annars, og hann horfði með svona radaraugum yfir búðina, mér fannst eins hann næði að skanna mikið. Ég blés tyggjókúlur og lagaði taglið á meðan. Því næst var haldið í Zöru, þar hljóp ég um og "skannaði" góssið á sama hátt á meðan Gummi vafraði um með hendur í vösum, sorgarsvip á andlitinu og leitaði að sæti til að setjast í.

Í gær passaði ég Birgi Stein og við fórum í bíó á "I spy" sem var bara ágæt. Fyndnast var samt að við fórum með Frosta, kisann hans Birgis í heimsókn heim og höfðu þau Gríma þá ekki hist í langan tíma. Þau slógust mikið en Gríma var óumdeilanlega mikið sterkari:) Eitthvað virðist hún þó hafa ruglast í ríminu því áðan kom Gummi úr bílskúrnum með kassa í hendinni og sagði "Þórhildur, ég hef köttinn þinn grunaðan um að hafa skitið í sandblásturssandinn minn!" úbbs, hann er nefnilega að gera upp bílinn sinn eins og þið getið lesið um á síðunni hans og þessi sandur er geðveikt fínn og örugglega gott að kúka í hann. Ég reyndi að taka á mig sökina, en ég held að hann hafi ekki trúað mér:(

Sei sei...og fleira til
Í gær fór ég á alþjóðakvöld í Stúdentakjallaranum og það var svo gaman, nei meira svona svooooo gaman. Þau eru alltaf í stuði útlendingarnir, því ég held svei mér þá að það sé helst einmitt þarna, á alþjóðakvöldunum fyrsta fimmtudag í hverjum mánuði sem það myndast almennileg háskólastemning hér á landi. Jú, nýnemavikan, stúdentadagurinn og og menningardagarnir voru náttúrulega frábærir og þá var góð stemning, en það vantar svo hérna þessa afslöppuðu háskólastemningu sem ég fékk aðeins að kynnast í Salamanca forðum daga. Það að fara út (og ekki hafa sig eitthvað sérstaklega til fyrir það) á fimmtudagskvöldum, fá sér bjór eða kaffi á kaffihúsum og tralla saman. Ég sem sagt kom heim í miklu nostalgíukasti í gær.
Eins og sennilega allir hafa tekið eftir þá hef ég ekki farið í klippingu svo mánuðum skiptir en nú verður breyting þar á, ég hef ákveðið að láta undan miklum þrýstingi og láta skerða hár mitt í fyrramálið, spennandi að sjá hvað hann Svavar minn vill gera við mig. Að öllum líkindum verð ég gjörsamlega óþekkjanleg um hádegi á morgun, jú ég er vön að gera eitthvað róttækt þegar ég fer í klippingu. Kannski ég þurfi bara að skipta um mynd af mér hér á síðunni. góða helgi!

grtzzzz
hvar væri maður á degi sem þessum án Belle and Sebastian, eða annarra fagurra tóna?

Stella
Þið sem eruð í HÍ hafið kannski jafnvel frétt af því að ég er í framboði, eins og hún Stella. Tótla í framboði:) Svo ætla ég í orlof, en allavega þá breytir það ekki vþí að úti er ömurlegt veður, ég vil bara venjulegan snjó, sem er svo sem til staðar akkúrat þegar ég skrifa þessi orð en ekki svona snjó sem kemur og svíkur mann svo, fer bara um leið. Mig langar á skíði og það strax! hmmm, frönskupróf á morgun, je ne sais rien og tími til kominn að fara á bókasafnið til að sökkva sér í hressandi málfræði.

Hallærisleg
æææ tók svona próf á netinu og mér finnst útkoman frekar asnaleg í ljósi þess að ég er spænskunemi. Það skal tekið fram að ég reyndi ekki að haga svörum svo að þetta kæmi út, ég var eiginlega að vona að ég væri Skoti, eða kannski Pólverji eða eitthvað frumlegt, ég ætla að reyna aftur og svara aðeins öðruvísi:)


You are a Spaniard.

What's your Inner European?
brought to you by Quizilla
ok, tók svona test aftur og þá var ég Parísarbúi, læt myndina samt eiga sig:)

allir dansa salsa....
ok ok, allir að mæta á salsakvöld Vöku í kvöld á Astró til að dilla rössum og mjöðmum... swiiiing. Og svo er listakynning Vöku á Sportkaffi annað kvöld og þar mun ég troða upp, þið sem hafið ekki séð mig taka Mary Poppins atriðið mitt verðið að mæta, sjón er sögu ríkari.

Þriðjudagar...
...eru ekki í miklu uppáhaldi hjá mér. Sérstaklega ekki þessi þriðjudagur í dag. Hann byrjaði með hressandi "spænskri málfræði fyrir lengra komna" um 10 í morgun. Stofan er eins og fangelsisklefi og ég skil ekki neitt í neinu, finnst eins og ég hafi aldrei lært spænsku en mér til huggunar þá líður hinum eins. Það var ógisla kalt í stofunni sem og öðrum herbergjum skólans ef kvennasalernið niðri í Aðalbyggingu er undanskilið en þar var kúkafýla! Í hádeginu las ég um kaffihúsamenningu Fransmanna í frönsku fyrir byrjendur II og til þrjú las ég svo Virgil með latínubekknum mínum. Ég held ég hafi jafnvel verið betur með á nótunum þar en í málfræðinni í morgun. Það gera þrjú tungumál í dag, og það kom ekki skapinu í lag. Ég er samt í fínu skapi, er að fara að trítla mér á Þjóðarbókhlöðuna að stúdera sérhljóðana fimm fræknu í spænsku. Að þeim stúderuðum langar mig heim að knúsa konuketttlinginn minn, hana Grímu:) en það verður sennilega ekki fyrr en seint og um síðir.

Kosningar
Það styttist í kosningarnar, já bæði kosningarnar í vor en mikilvægara... Kosningarnar í háskólanum. Það styttist í það minnsta meira í þær svo ég mun ekki röfla um hitt dótaríið sem er ekki fyrr en í maí. Í tilefni þeirra er stemmari smá saman að síast í mannskapinn, tilhlökkunin trítlar um kroppinn, en það verður sko nóg að gera. Þeir sem hafa áhuga á að vita eitthvað um Vöku eða eru forvitnir um Vökustarf vinsamlegast hafi bara samband við mig. Annars er það að frétta að í dag á ég að halda fyrirlestur sem gildir 50% í málvísindum rómanskra mála, en úbbosí, bókin sem átti að vera aðalheimildin fannst barasta ekki á Hlöðunni, svo ég neita að halda fyrirlestur. Og ef kennarinn segir eiithvað við því segí ég bara "VETO" sem ætti að virka vel í þessum kúrs (þeir sem vita eitthvað smá um sögu Rómaveldis skilja, þetta þýðir "ég neita" á latínu, hentugt fyrir þá sem hafa neitunarvald). Ég er eiginlega alveg viss um að Grímur sé "kona" eins og ágætur Guðjón vinur minn kallar læður, því að í gær var "hann" að kúra hjá mér og slysaðist til að liggja á bakinu. Mér sýndist ég sjá annað gat.

Leitin að pungnum
Í gær þegar ég hljóp á milli bygginga á háskólasvæðinu til að forðast það að missa nefið í þessum gaddi hitti ég yngismey Ásdísi en þess má geta að hún er fróð um ketti. Hún á köttinn Láka og því tek ég smá mark á ráðleggingum hennar um ketti en um leið og konan óskaði mér til lukku með Grím spurði hún hvort hann væri ekki bara læða þar sem hann er þrílitur. Þá er það víst eitthvað málið hafði hún heyrt, en hafði þó ekki fyrir því öruggar heimildir. Þegar heim kom reyndi ég að fá Gumma til að leita að pungnum (æji, mér finnst eitthvað ljótt að tala um pung á litla sæta kisanum mínum, nú jæja) á Grímsa, en hann sagði að ég gæti bara sjálf fundið hann. Svo fór ég að gá, og vissi nú ekki alveg HVAR ég ætti að leita. Liggur í augum uppi að hann er einhvers staðar þarna undir, ekki hjá eyrunum eða svoleiðis. Ég er samt ekki viss, ég rétt náði að gá þarna rétt hjá rassinum og fannst grilla í einhvern hnoðra sem gæti vel verið pungur. Þetta var svona eins og lítill loðinn hóll, en kannski var þeta bara þykkildi eða hárflóki. Getur einhver hjálpað mér? Þangað til annað kemur í ljós er Grímur strákur.
Getnaðarvörn
Grímur er ekki bara sætur, skemmtilegur og fjörugur, nei hann er líka lifandi getnaðarvörn og honum fylgir ekki depurð, skapsveiflur né bólur. Honum finnst nefnilega best að kúra á milli:) Ekki mikið dodo á Vatnsendanum þessa dagana, hehehe. Reyndar kúrir hann lítið svona þegar okkur hentar. Hann leggur sig seinnipartinn en þegar við ætlum að fara að sofa vill hann slást og heldur Gummi Hlír því fram að ég setji amfetamín í matinn hans. Jæja, nóg um köttinn minn í bili, mjá.

Frosti og Grímur í gúddí fíling

Steingrímur Tótluson
Jæja þá hefur litli kisinn minn fengið nafn, hann heitir Grímur en þegar ég skamma hann er hentugt að nota Steingrímur sem er í höfuðið á brósa mínum og pabbi heitir Birgir Steingrímur. Þeir geta þá alla vega ekki kvartað ef ég eignast síðar son og skíri hann Hafliða eða eitthvað. Í kvöld fórum við Grímur í smá bíltúr til systur minnar og Frosta (bróður Gríms). Reyndar ætluðum við Grímur á Vökufund en ég komst ekki því bílinn varð rafmagnslaus. Í staðinn fengu þeir bræður, Frosti og Grímur að slást og leika í allt kvöld. Nú eru þeir úrvinda og sofa vært eins og sést á þessari mynd. Frosti er þessi grái og hvíti sem liggur svo makindalega ofan á Grímsa mínum sem er svartur, hvítur og gulur. Minnir meira á bróderaðan púða undir Frosta þarna:)

Mjá mjá mjá....
God dag, Áslaug Ósk, hér eftir kölluð Áslaug Tönn gerði athugasemd í gestabókinni minni um að ég hefði mátt sleppa sögunni með tönnina, sko nei nei, Áslaug, þetta var svo fyndið að ég sleppi ekki svona sögu, langar mikið að finna myndina sem ég á frá þessu:) hvernig líst þér á það heillin?

Í fyrradag eignaðist Anna Björk stóra sys og samt aðallega Birgir Steinn sonur hennar lítinn kettling sem ber nú hið virðulega nafn Frosti. Hann er algjör krúsídúlla og þegar ég sá hann langði mig líka í einn Frosta. Hringdi í "hina mömmu og pabba" í Vatnsendanum. Þeim leist vel á að bæta kött á heimilið en fyrir eiga þau marga hesta, einn hund og einn Gumma. Anna Sigga sagði meira að segja að ég mætti binda kálf í garðinum því þeir eru svo sætir. En Tótlu langaði ekki í belju! Ég hélt að kisi væri minn en þá kom smá babb í bátinn (hvað er þetta "babb"?). Gummi Hlír vildi ekki kött! Ég fór næstum því að skæla því að í huganum var ég búin að gefa honum nafn, ákveða hvað sandurinn hans yrði, hvar hann ætti að sofa o.s.frv. Svo voru málin rædd og í ljós kom að stráksi var einn á móti þremur (ef frá er talin Myrra, voffinn). Til að gera langa sögu bara pínu styttri þá sótti ég kisa í gær og hann var rosalega glaður að sjá mig. Hann er krúttlegasti og sætasti kisi í heimi og geimi (hmm, geimkisar, eru þeir til?) og áður en ég verð mikið væmnari þá vil ég bara lofa að setja mynd af honum og Frosta sem er líka sætastur í heimi hér á tjattið svo ég þurfi ekki að dást meira að þeim hér. Kisinn minn er líka klár og kassavanur, hann hélt bara í sér í nótt því hann mundi greinilega ekki hvar sandurinn var, þegar hann loksins var leiddur þangað inn af fóstru sinni kom í ljós að hann var með niðurgang. Samt hélt hann í sér (Frosti stígur alltaf oní skítinn sinn, kúkalabbi) og var góður. Áður en við fórum að sofa lögðum við hann á sinn stað en 2 mínútum síðar klifraði hann upp gaflinn og hlammaði sér, ef maður getur sagt "hlamma" um svona pínulítið kríli, á koddana milli mín og Gumma. En ekki lengi því hann fór hinum megin við Gumma, (þar sem ég ligg ekki:(...) og kúrði þar í hálsakotinu hjá honum. Ég var pínu abbó fyrst en ég veit samt hvað það er gott að kúra í hálsakotinu á Gumma, svo ég sagði ekkert. Svo þorði hvorugt okkar að hreyfa sig af hræðslu um að kremja krílið. Ég svaf vel í nótt en Gummi vaknaði nokkrum sinnum við að kisi var að klóra hann eða bara skipta um stellingu. En ég held að litli sé búinn að ná tökum á Gumma sem vildi ekki kött. Hver myndi svo sem ekki bráðna í návist svona lítils kisa? og hann sem mjálmar og allt!...

Rækjur til sölu, kosta eina tölu
Vestfirsk úthafsrækja (ein, rosalega stór) til sölu, 2.5 kg poki á 2400 krónur. Tilvalið á ristað brauð, í kokteilinn, oní tartalettur, í hlaup, og þar fram eftir götunum.
En enn bætast vinir mínir í heimasíðubrjálæðið. Áslaug Ósk, og Óskar tilvonandi eiginmaður hennar eignuðust hana Þuríði Örnu í maí (en hún hét ekkert akkúrat þá). Þuríður Arna er næg ástæða til að kíkja á þessa síðu þó maður viti ekkert hver þessi Áslaug er, nú og hvað þá Óskar. Nei djók. Við Slauga kynntumst i den þegar hún bjó á móti Önnu Björk stóru systur, mamma hennar passaði meira að segja Birgi Stein, OG við unnum saman á Ávaxtalagernum í Hagkaup, those were the days my friend. Þá var ég 15 en hún 18, og við urðum strax svo góðar vinkonur. Það kom að því að Tótla varð 17 og fékk bílpróf, og ekki enn byrjuð að drekka alkóhól. Áslaug var reynd í bransanum, orðin 20 ára og gat notið góðs af bindindi mínu lengi. Mörg ár í röð keyrði ég skíthrædd á annan í jólum á Selfoss til að fara á jólaball með Sálinni... Áslaug var þá venjulega syngjandi "og heltu í glasið aftur..." í farþegasætinu. Einu sinni notaði hún bjórflöskuna sem míkrafón og var að syngja þetta þegar ég keyrði í holu á brúni á Selfossi. Bjórflaskan skall á framtennur Áslaugar og brotnaði ein þeirra. Agalegt, sérstaklega þar sem við vorum á leið Á ballið... hefði verið skárra ef við hefðum bara verið á heimleið. Að lokum mæli ég með smá rugli. Hvað er málið? Ég vildi samt óska að ég væri jafnkynþokkafull og gæti sungið sexy eins og Leoncie...sexy loverboy...

Bloggurum fjölgar
Til að byrja með vil ég óska yfirvarðhundinum til hamingju með nýja fína bloggið sitt. Kristín, velkomin í bloggaramannatölu. Nú er mikil pressa á að Sigga Sól fylgi í kjölfarið, því þá væru allir strumparnir, Clueless dömur komnar með svona blogg. Þetta er óneitanlega móðins í dag. Ég stend sjálfa mig að því að hugsa; "tja, langt síðan ég hef heyrt í Bryndísi, hvað ætli hún sé að bralla?? Best að kíkja á bloggið hennar" og í stað þess að hringja í Biddu Blue og veiða upp úr henni sögur um nýja kærastann og svoleiðis þá bara njósna ég netleiðis. Og ég veit bara ekkert hvað er að gerast í lífi þeirra sem ekki sjá sér fært að blogga. Ég er ömurleg. ÖMURLEG. Þetta verður að breytast. Þangað til bið ég alla um að heimsækja Hilly Billy netleiðis, en hún er í Madrid og heldur að öllum sé sama um sig. Hildur Edda, við elskum þig (alla vega ég)!

Uppskrift
Var alveg búin að gleyma því að hún Inga Steinunn bað mig um uppskriftina að brauðréttinum. Sko bara þekja botn á eldföstumóti (eða svoleiðis dóti) með franskbrauði (þó ekki með sultu), skera niðir eitt skinkubréf, papriku og ferska sveppi og strá yfir brauðið, bræða svo tvo camenbert osta með einum pela af rjóma í pottinum, hella því svo yfir allt heila klabbið. Að lokum er gott að strá rifnum ost yfir herlegheitin. Skella þessu svo í ofnin, man ekki hve heitan eða hve lengi, segjum bara 20 mínútur í hmmm....heitum ofni. Þú finnur útúr því. bon apétit!

Sjúbbídúbbídú
dabbadibbídú, ég er í svo góðu skapi, tamm tamm tralalala... átti rokna stuðhelgi með Clueless skutlum í sumarbústað. Trúnó í pottinum, vídjógláp, át, gönguferðir, spil, át, stripp... og allt tilheyrandi. Púff, svona á þetta að vera. En nú er ég mætt á malbikið á ný og veruleikinn er tekinn við. Fór í bíó í gær á The transporter. Hasarmynd þið skiljið, fín afþreying með hrikalega myndarlegum leikara í aðalhlutverki, hann átti geðveikt hús á frönsku Ríverunni, geðveikan bíl, og alles. Hann er ekki lengur á lausu, alla vega ekki í myndinni. Á móti honum lék kona, asísk, sæt, en rosalega léleg og með svakalegan hreim, hún var það léleg í ensku til dæmis að hún gat engan veginn hljómað sannfærandi, en ég geri mér ekki grein fyrir hvort hún hafi verið betri á þeim köflum sem hún talaði kínversku eða hvað það var.Í hóp bloggara hefur bæst ein að mínum uppáhaldsmanneskjum, þó þið séuð öll sérstök í mínum huga. Hin sæta, brosmilda og nýtrúlofaða Erla er farin að blogga. Erla hefur sennilega ekkert betra að gera á kvöldin á Laugavatni en að blogga, en þar spriklar hún ásamt öðrum orkuboltum í Íþróttakennaraháskólanum. Jæja, nú styttist í fyrstu kennslustundina mína á þessari önn, voilá franska!

Guantanamera, Guajira Guantanamera...
Yo soy un hombre sincero, de donde crecen las palmas ...af hverju fæ ég þetta asnalega lag alltaf á heilann?, svona einu sinni í mánuði, jafnvel oftar og stendur það þá yfir í nokkra daga. Ég er samt þakklát á að vera hætt að fá "gracias a la vida" á heilann, sem við í 6.A sungum svo "Gracias a la Iðunn, que me ha dado tanto..." í gervi þýskrar lúðrasveitar á dimmisjón, þeir skilja þetta sem skilja þetta, eða þannig sko.

Gleðilegt ár, ég átti ánægjuleg áramót í faðmi fjölskyldunnar, og svo í faðmi Gumma. Árleg issjú er náttúrulega "já og hvernig fannst þér skaupið?" ég myndi ekki vilja vera sá sem gerir skaupið. Einu sinni á ári sameinast þjóðin fyrir framan sjónvörpin, tilbúin að rífa í sig Skaupverja ef illa tekst til, eða lofa þá í hástert ef það lukkast sæmilega. Mér fannst flest vel gert, kannski óþarfi að taka Árna Johnsen aftur fyrir þó hann hafi sloppið betur í ár en í fyrra. Skólinn byrjar ekki fyrr en eftir rúma viku hjá mér, þangað til ætla ég að njóta frísins. Búin að bjóða nokkurm skutlum í kaffiboð á morgun, sumar eru bloggverjar, t.d Bryndís, Þórey, Inga og Herdís. Vona ég sé ekki að gleyma neinum. Á sunnudag ætla ég svo í kaffiboð til Stínu Voff Voff í Mosó. Hún kemur sjaldan til byggða svo við borgardætur þurfum víst að sækja hana heim. Það var allt og sumt. Ble me...................

"Ég fæ jólagjöf..." tralalala, jæja gleðilega hátíð allir. Ég vona að allir hafi fengið eitthvað í gogginn, haft það notalegt og jafnvel fengið pakka. Ég fékk þetta allt. Þurfti ekki einu sinni að skipta neinni gjöf, hehehe. Neibbs, fékk ýmislegt nytsamlegt og fallegt og annað ópraktískt og rosalega fallegt. Undir hvorn hópinn fellur súkkulaði? þann fyrri ekki satt? Ég vakna um miðjan dag þessa dagana og fer að sofa aftur við sólarupprás, eða þannig sko. Og þegar ég er vakandi þá er ég of löt til að gera nokkuð svo ég bara kósa mig á nýju náttfötunum, þangað til ég fer að sofa. Fór á Stellu í framboði í bíó, fín mynd, örlítil vonbrigði samt, erfitt að toppa Stellu í orlofi. Það fúlasta var samt að þegar myndin var að byrja aftur eftir hléið þá klikkaði starfsmaður Sambíóa á að setja hljóðið á, svo að fyrstu 3 mínúturnar eða svo eftir hlé voru með bara einhverri músík. Arg, og maður búinn að borga 1000 kr. (eða alla vega kærastinn sko, nógu slæmt samt, fyrir hann) og svo missir maður af einum brandara! Á þeirri stundu var ég harðákveðin að hringja í Dagblaðið, "Örg húsfreyja úr austurbænum hringdi: Á annan í jólum gerðum við hjónaleysin okkur glaðan dag og skelltum okkur á íslenska bíómynd í kvikmyndahúsinu í Álfabakka, myndin átti sín ágætu móment og brandara en þó get ég ekki á mér setið og vil því koma á framfæri óánægju minni. Starfsmenn voru augljóslega ekki á verði þegar myndin átti að byrja aftur eftir hlé, og gleymdu að skrúfa upp í voljúminu! þess má einnig geta að sýnd voru brot úr öllum kvikmyndum sem væntanlegar eru í sýningarsalina næstu misseri. Mér finnst það dónaskapur að láta trygga gesti íslensku kvikmyndahúsanna borga offjár fyrir miðann, og þar að auki láta þá sitja undir leiðinlegum auglýsingum í 20 mínútur eftir að myndin á að byrja. Til að toppa allt saman er myndin "slitin í tvennt" svo fólk geti keypt meira nammi til að gúffa í sig. Óþolandi! Ekki furða að við séum of feit." Kannski ég bara hringi í alvöru og kvarti, gaman að fá sitt álit á þessari dellu í lítinn hliðardálk á sömu blaðsíðu og spurning dagsins! ok ok ok, ég er róleg. Ætli þetta sé ekki síðasta bloggið mitt á þessu ári, því herrans ári 2002 þegar Bloggið tröllreið öllum, nei...öllu meina ég. úbbs...

Skólajól
brbrbrbr, hvar er Tótla??? hvar er hún? nú auðvitað í skólanum! af hverju ekki að eyða bara jafnvel jólunum í skólanum? En ég ætla ekki að kvarta því þá verða allir brjál... ég fór jú til New York í viku eins og einhver prinsessa en ég vil takaþað fram að fyrsta morgninum þar í borg varði ég með skólabókum og svo var ég alltaf annað slagið að lesa. Ritgerðin sem ég er hérna að dúlla mér við í makindum hefur líka tekið miklu lengri tíma en ég átti von á. En mér hefur svo sannarlega ekki leiðst hér uppi í VRII. Ónei, það er nefnilega margur góður drengurinn hér (og stúlkan, í þessu tilfelli aðallega stúlkur). Þær Dagný, Cilla, Solla og Helga hafa staðið í skemmtilegheitunum með mér. Við vorum fleiri í byrjun síðustu viku, en það eru þessar stúlkur sem teljast þjáningarsystur mínar því allar nema Solla eru í prófi í dag! já, á meðan þið hin eruð að éta deig og pakka inn gjöfum. Ég stefni þó á að toppa ykkur öll og læra í kvöld, sleppa partíinu sem mér var boðið í sama hvað stjörnuspá Moggans segir. Dagný kíkir reglulega á hana, ég er fiskur og segir spáin "Samkvæmislífið færist í aukana og vinsældir þínar um leið. Þú skalt þiggja öll boð." Ég stefni hins vegar á að skila fyrir kvöldmat á morgun! Annars verð ég bara að benda á snilldina eina fyrir þá sem hafa barnalegan húmor. Fann þetta á tilverunni sem ég skoða annars aldrei, algjört rugl en stundum leynist þar svona húmor fyrir dömur eins og mig!

ÁT
Liggaliggalá lá, ég er að fara á Salatbar Eika með gömlu hjónunum, Birgi og Elvu og Steina bróður, Svönu mágkonu og dætrum þeirra, Eddu og Þórhildi:) Allir að fylgjast með? Þeir sem lásu um ferð mína til Noregs í fyrravor vita hver þau eru, nú og nottla kellur eins og Álftódrottningar sem skrifa ekki slaufuáttu heldur tvo hringi sem mynda 8... og þær sem þekkja mig vel, því ég tala víst svolítið oft um fjölskylduna mína...eða so they say you know....

Staður: VRII háskólasvæðinu
Stund: Seint um kvöld, að nálgast miðnætti
Púsli púsl, ég er að reyna að gera ritgerðina. Með fullt af hugmyndum en gengur illa að setja þær á blað, þess vegna er ég að tjatta við Söru betur þekkt sem "Hinir", á msn. Var að muna að ég á líka eftir að skila einhverju latínuverkefni, ekki segja þeim sem eru með mér í latínu, því þá verða þau fúl. Kennarinn skilar ekki einkunnum fyrr en allir hafa skilað verkefni. Og honum er alveg sama hvenær við skilum, svo lengi sem það gerist fyrir 6.jan held ég. Ég stefni á að fá mér rauðvínssopa og setjast niður í kósí fíling með fröken Latínu við fyrsta tækifæri. Hún er góð stúlka.
Góðar stundir.

Þá er eg komin heil á húfi til Íslands frá Ameríku (þar sem McDonalds ostborgari, miðstærð af frönskum og miðstærð af kók kostar 315 krónur), og jákvæðari en í síðasta bloggi. Ég einbeitti mér að því að hugsa eins og Pollýanna, og í raun var þetta ágætur dagur. Erfiðast var að ég réð varla við farangurinn alein, er enn með strengi eftir hlaupin með töskurnar, og að missa af einni lest, og gleyma tösku í annarri lest. Annars var þetta bara alveg æðislegt allt saman. Ferðalagið var alveg frábært og ég mæli með New York fyrir þá sem ekki hafa komið þangað og hafa tækifæri til að heimsækja hana. Ég ætla að bíða með að skoða á heimabankanum hvað fjörið kostaði mig þangað til ég er búin með ritgerðina sem ég er að skrifa núna. Já, ég er komin aftur á bókasafnið og hamast við að púsla saman 10 blaðsíðna ritgerð á spænsku þar sem ég hugleiði það hvernig spænska þjóðin og þeir sem tóku þátt í spænsku borgarastyrjöldinni breyttust þegar á hana leið, eða hvernig hugsjónir þeirra breyttust, og byggi ég ritgerðina á tveimur bókumsem ég hef lesið... eruð þið enn að lesa þetta? gafst einhver upp? Þetta er reyndar áhugaverðara en það kann að hljóma, ég bara kvíði þessu smá, veit ekki hvernig ég á að koma þessu frá mér. Mig langar að baka! Einhver búin (eða búiNN, hohoho, yeah right!) að baka?

arg
jaeja ta er min maett a flugvollinn i Boston, eftir omurlegasta dag ever. Atladi ekki ad geta pakkad draslinu, lestarstodin i N.Y. var rett hja en audvitad fekk eg ekki taxa, og tegar mer tokst tad loksins for hann einhverja faranlega leid. Umferdin tarna er natturulega algjor gedveiki og vid vorum stopp tarna. Tegar Bamba Bambadjam (leigubilstjorinn) var farinn ad blota a wooluf sagdist eg ganga restina, hljop sem sagt yfir halfa manhattan (ad tvi er mer fannst a tvi momenti) med farangur sem eg gat varla borid sjalf... og vitidi hvad... eg missti af lestinni! stod tarna med tarin i augunum og saug upp i nefid svo eg faeri ekki ad grenja a midri lestarstod. Buin ad hlaupa alla tessa leid. Turfti ad bida i 2 tima i vidbot. Tok naestu lest til Boston, 4 eda 5 klst, gleymdi svo tosku i lestinni og fattadi tad tegar eg var komin ad leigubilnum i Boston, hljop alla leid til baka, Mohammed passadi farangurinn minn a medan (bilstjorinn) og eg fann toskun. jibbi, komin a vollinn, best ad fa ser sma sushi og slappa af loksins...ciao

Nueva York 3
Hola todos, sko af shout outinu sidast ma lesa tad ad allir halda ad eg hafi tjadst af orlitilli "resaca" (timburmenn) a laugardagskvoldid... o nei. Eg svaf i 12 tima ta nottina, ef ekki 14, algjorlega buin a tvi. Tad ma vera ad eg se aumingi, tessar amerisku stulkur drekka mig alla vega algjorlega undir bordid og eg atla mer ekki einu sinni ad reyna ad afsanna tad, en eg held ad a tessum timapunkti um daginn hafi eg verid buin ad sofa 10 tima sidan a midvikudeginum. Stelpurnar ultu inn um midja nott og rumskadi eg vid setningar a bord vid "oh my got, I'm so freakin' wasted, I can't believe she like, you know made out with that black guy, she was so totally hammered". Ja, uff, ameriskan er ekki mitt fag. Amerikanar eru lika yfirtyrmandi nice. Fyrsta daginn var eg ein a tritli upp 5th Ave. tegar eg akvad ad hressa mig vid a "Starbucks". Tar sem eg stend, togul med kaffibollann minn tarna inni, kemur madur um 60 og byrjar ad spjalla vid mig. Tarna stodum vid og toludum um Island og Ameriku, og um faranlega hluti (hann var mjog frodur, hafdi buid vida) eins og hlutleysi Sviss og afstodu Marokkomanna i seinni heimstyrjoldinni, hvernig tad var tvi teir voru nu fronsk nylenda, um tyska aradursradherran Gobbels og raedur hans, um trotskyisma (hvernig sem tad er aftur skrifad) og stalin og eg veit ekki hvad og hvad og eg kom sjalfri mer svo a ovart, vissi ekki ad eg vissi tetta allt saman. Tarna stod eg a Starbucks med tessari mannvitsbrekku og tuldi upp mannkynssoguna ur MR, sem eg helt eg hefdi longu gleymt (eda aldrei kunnad). Hann var mjog indaell en eins og flestir teir amerikanar sem eg hef hitt gjorsamlega ostodvandi tegar hann byrjadi ad tala. Undir lokin var mig farid ad svima, hann taladi svo mikid. Skemmtilegt samt. Sunnudeginum og gaerdeginum vardi eg i Philadelphiu, segi betur fra tvi seinna tvi tad var aevintyri ut af fyrir sig, og fyrir Erlu og Volu ad vita, ta hitti eg Toni, Miguel og Aaron!!!

Nueva York 2
puff, eg held ad madur hafi bara ordid fyrir kultursjokki herna uti. Tvilikt areiti og hljodmengun og skitur og laeti. Borgin er frabaer og eg hlakka til ad skoda mig betur um herna, en mikid er eg fegin "rolegheitunum" i Reykjavik tegar eg hef sed tetta. Sirenurnar stoppa varla og mer finnst svo mikil mengun og svoleidis. Og mer finnst lika maturinn (ta serstaklega gummiosturinn) ekki spennandi. Aetlunin var nu alls ekki ad vera neikvaed, tvi eg skemmti mer svo vel her. tad er bara tad ad nuna er eg ein heima tvi eg gat ekki farid ut med stelpunum sokum lasleika.... mer er svo oglatt og kenni eg uppsafnadri treytu, ogedslegum mat og smavegis af smirnoff ice (fra i gaer) tar um. aetla ad reyna ad hvila mig og na tessu ur mer...
Stubbar segja bless bless

Nueva York
Ta er min maett i storborgina, afsakid stafaleysi, en svona er tetta i utlondum.... nenni ekki ad fiffa inn islensku stafina. Ferdalagid hingad ut gekk vel en var hraedilega langt og treytandi. Lagdi af staf med rutu a Keflavikurflugvoll klukkan 14 i gaer og var komin i rumid i New York klukkan 8 i morgun ad islenskum tima, um hanott her uti. Hef samt upplifad lengri ferdalog, uff puff. Flaug til Boston, kom mer a lestastodina tar, turfti ad bida i frosti og snjo i tvo tima eftir lestinni sem var svo annad 5 tima ferdalag, svo eg var ordin frekar luin og raefilsleg med ferdatoskuna i eftirdragi. Mer list svakalega vel a borgina svona eftir ad hafa litid ut um gluggann. Er a 28.haed, Empire State er beint fyrir framan mig, rosalegt utsyni, snjor og jolalegt. Ally tok a moti mer, buin ad baka sukkuladikoku og skreyta hana med stofunum "N.Y.C. loves (hjarta) Totla" haha, hun hlo mikid sjalf, var ad hugsa um ad skrifa "welcome to America" en fannst tad langt, vildi hafa tad saemilega ameriskt og vaemid. Hun er algjor snulla, taer bua trjar saman. Annars held eg ad amerikanar seu pinu furdulegir. Drekka frekar Vanilla coke, eda skrytna gosdrykki sem eg hef aldrei sed adur, rotarbjor og svoleidis i stad bara sprite eda coke eda fanta. og svo keypti Ally morgunkorn fyrir mig, sem er allt i lagi, eitthvad hollt oged, samt frekar subbulegt tegar mjolkin var komin ut a. Eg held ad teir bordi frekar eitthvad svona en bara serios. Eg faerdi teim kulusukk, vona ad eg klari tad ekki sjalf...

FLIPP
"Flipp; athöfn eða framkvæmd án skýrra markmiða eða skipulags. Sbr; þessi Englandsferð var bara eintómt flipp
Svo er orðið "flipp" skilgreint í nýju orðabókinni, og á það vel við nú þegar ég er á leið til New York. Jú jú, stúlkan ákvað bara að skella sér til Nueva York að heimsækja Ally, ameríska vinkonu sem býr á Manhattan. Hún var með mér í bekk í háskólanum á Spáni og heimsótti mig til Íslands í fyrravor. Ég lofaði náttúrulega að koma líka að heimsækja hana, svona hlutur sem maður segir en veit svo ekkert hvenær hann verður framkvæmdur. Svo ákvað ég barasta að standa við stóru orðin, og fer seinnipartinn á morgun. Nú er ég hins vegar að læra á fullu og að sjálfsögðu ekkert byrjuð að undirbúa ferðina, hvað þá pakka, hohoho, hver þarf að pakka? Ciao

Varið ykkur á apanum
mér finnst þessi frétt með því athyglisverðasta í dag, frekar mikið ógeð... nú er ég fegin að búa á Íslandi því hér eru engir apar til að bíta mann. Þessi töffari virðist þó vera fyrir eldri dömur svo ég er örugg:)

Moviemilk
Hvort er það "biomjólk" eða "bíómjólk"? sko ef "biomjólk" þá finnst mér að það ætti ekki að vera komma yfir mjÓlk því ég tengi bio við bíó, en mig minnir að ég hafi einhvern tímann lesið að bio væru einhverjir sérstakir gerlar. Hjálp! Bryndís er líkleg til að vita allt um þetta. mmmm ég er að drekka bio-gerla með perubragði, mmm

Las Tótlas
Góðan dag og gleðilega hátíð. Í dag er jú 1.desember og fögnum því að sjálfsögðu að 84 ár eru liðin frá því að Ísland varð fullveldi, 1.des 1918 (Frostaveturinn mikla, smá fróðleikur). Ég var í sérstakri nefnd til að skipuleggja daginn en þið getið lesið meira um það hér. Við fórum í messu guðfræðinema í morgun, lögðum því næst blómsveig á leiði Jóns Sigurðssonar og þá tóku við hátíðarhöld þar sem forsetinn var heiðursgestur. Ég er reyndar á hraðferð því ég er einmitt á leiðinni á Bessastaði í smá kaffiboð, ekki dónalegt, ha? En ég vil benda ykkur á merkilegan hlut, man reyndar ekki hvort ég hafi sagt ykkur það áður en þessi stúlka heitir Þórunn og er kölluð Tótla eins og ég, hún bloggar og mæli ég með því að þið kíkið á þetta. Segið mér svo hvort ykkur finnist síðan eithvað kunnugleg:) Best samt að drífa sig í kaffiboðið, ég er að vonast til að Dorrit hafi bakað enska jólaköku:)

Hassan og fullkomnun
Yfirleitt er ég þeirrar skoðunar að ég komist skuggalega nálægt því að vera fullkomin, en stundum fer ég að efast þó ég jafni mig nokkuð fljótt aftur. T.d. í fyrradag í munnlega frönskuprófinu "pantaði" ég skíðaferð til Ítalíu fyrir mig, foreldra mína og kærustuna mína, hann Gumma (!!!) Já já, svo bara fattaði ég þetta í gær, þessi mistök mín og varð alveg steinhissa á sjálfri mér, því ég kann alveg að segja "kærasti" á frönsku. Fyrir ykkur sem skiljið þá sem sagt sagði ég ma petit-ami (í stað mon). ok ekkert merkilegt en sjálfsagt skondið fyrir frönskukennarann og monsieur Þór Stefánsson. Það er ágætt að ég geri fyndin mistök í þau fáu skipti sem mér verður á:)
Ég var eitthvað gramsa í skúffum áðan og fann þá eitthvað nafnspjald síðan ég var í Marokkó fyrir tveimur árum. Ef einhver er á leiðinni til Fés í Marokkó þá getiði haft samband við hann Hassan í síma 068102611 (innanlands) Hann getur skutlað ykkur og "gædað" og allt, talar frönsku, spænsku, þýsku, ensku og hefur komið til Íslands. Hann er einnig að finna í Derb Sidi Bennani-götu númer 18. Shalom.

La lengua de las mariposas
Þessi ungi maður heitir Guðjón og hann sagði mér í dag að ég ætti að "öppdeita" síðuna mína oftar. Rétt er það Guðjón, rétt er það.Gaman að heyra að manns er bara saknað:) Þið sem voruð orðin viðþolslaus (væntanlega mjög mörg) getið því þakkað honum fyrir með því t.d. að senda honum póst á gudjonar@hi.is og ég læt mynd af honum fylgja með. Þess má geta að hann er Vökusnúður:)

En annars er bara heilmargt að frétta. Þessa dagana held ég til í VRII og þar les ég spænsku og frönsku og latínu milli þess sem ég slæpist. Í morgun fór ég í munnlegt frönskupróf... Mér leið ekki vel fyrir það, skulum bara segja að mér hafi verið orðið illt í mallanum. Prófdómari var monsieur Þór Stefánsson, frönskukennari úr Gamla Skóla. Ég held ég hafi plummað mig ágætlega, ruglaði spænskunni bara einu sinni við en gleymdi hins vegar að taka svona kúl hikorð þegar ég var að hugsa. Vissi að það myndi hljóma frekar "pro" ef ég myndi strjúka ímyndaðan hökutopp og mumla "d'accord" annað slagið, en ég gleymdi því víst. Hef örugglega sagt "ha?" og "óóó..." En þegar mademoiselle var búin í munnlegu prófi og fara á einn fund og snattast smávegis fannst henni hún eiga videospólu skilið. Til að friða samviskuna leigði ég "La lengua de las mariposas" eða "Tunga fiðrildanna" í Ríkinu á Snorrabraut, en sú mynd er einmitt í námsefninu hjá mér í haust svo í rauninni var ég bara dugleg að læra. Í haust las ég smásögu eftir Manuel Rivas en hann kom einmitt hingað í haust þegar spænska kvikmyndahátíðin var og heimsótti bekkinn minn í tíma. Merkilegur maður get ég sagt ykkur, og þessi bíómynd er sem sagt byggð á einni af smásögunum hans. Ég mæli með myndinni, hún er eins og vindurinn. Ég ætla ekki að segja of mikið en þessi mynd er svo yndisleg og ég vona að þið horfið sem flest á hana, ég grét reyndar eins og barn (og ég ætla ekki að segja of mikið). Hló líka mikið, en tárin runnu samt í lítratali, skil ekki hvaðan þau koma. Ekki láta það samt stöðva ykkur, þó ég gráti þá þýðir það ekki endilega að þið gerið það líka... sei sei, gott að gráta. Svo var mamma að eignast draumahrærivélina, Kitchen-Aid:) Ég hef dáðst að þeim lengi, æ maður á ekki að segja frá svona löguðu á netinu. Ætla að hætta áður en ég fer að segja ykkur frá draumastellinu. Það er samt rosa flott..... nei ok grín:)

HRÆÐILEGT HRÆÐILEGT
Augu mín þjást yfir hræðilegu útliti tótlutjattsins, og það sem verra er ég hef engann tíma til að laga þetta akkúrat núna, en ég lofa að þetta verður ekki alltaf svona. ÉG LOFA

ok skipti bara aftur í feitu kisurnar, held að þær séu happa:)

arggggg....... ætlaði að breyta til, allt datt út, huhuhuhu, ekki orð um það meir.

Þið sem mættuð ekki á Stúdentakjallarann í gær misstuð af skemmtilegu kvöldi. Heppnaðist mjög vel, en í kvöld heldur stuðið áfram því þá ætla ég á tónleika Sinfóníunnar og Sálarinnar:) Ætla að læra latínu núna en á morgun er föstudagur, hver veit nema ég plati einhverjar hressar klessur í ísbíltúr... hver er geim?

Stúdentakjallarinn
...miðvikudagskvöld, klukkan 21 (eða rétt rúmlega). Hrönn Sveinsdóttir (Í skóm drekans), Hálfdán (Djúpa laugin), Bríeturnar, Haukur (í horni), þið og ég!

híhíhíhí
Jemin eini, gaman að sjá svona hverjir eru að lesa bloggið manns, því ég held alltaf að aðeins nánustu vinkonur mínar lesi það, var að velta því fyrir mér hvort mér væri óhætt að segja "prump" og slík orð hérna, því ólíkt sumum bloggurum (nefnum engin nöfn) þá vil ég ekki vera litla ljúfa Tótla dags daglega en fokkin' sjitt kúl Tótla töffína (sem köttar krappið...eða hvað það heitir annars) þegar ég blogga. Hmmm, nei ég kýs að vera einlæg. En fyrst ég er byrjuð að röfla þá vil ég segja frá því að næst komandi miðvikudagskvöld, ekki á morgun heldur hinn, þá ætlum við öll í Stúdentakjallarann að drekka kaffi, eða bjór og kósa okkur. Og það sem meira er, við ætlum að ræða dálítið sem ég hef áður rætt hér á röflsíðunni minni...raunveruleikasjónvarp!!!. jibbí jibbí. Ég og hún Soffía Vökustalla mín stöndum fyrir málstofu um þetta sívinsæla efni, og verður þetta svona á léttu nótunum, tökum bara kaffihúsastemninguna á þetta. Ég er næstum því viss um að Hálfdan úr "Djúpu lauginni" á Skjá einum ætli að koma og svo koma hressar stelpur úr Bríeti, og fleiri...þetta er allt saman að skýrast. Svo endilega mætið upp úr 21 á miðvikudagskvöldið á Stúdentakjallarann og látið skoðanir ykkar á Survivor, Temptation Island og hinum þáttunum í ljós, eða bara til að hlusta á skemmtilegar pælingar annarra um siðferði og skemmtanaiðnaðinn. Elsa súpergella var að benda mér á að íslensku minni fer hrakandi (er rétt að segja það?) og stafsetningu líka. Elsa hefur rétt fyrir sér og mér þykir þetta leiðinlegt. Ég bið ykkur því að líta framhjá því (ekki yppsilon þar!) og hafa í huga að ég er að læra þrjú erlend tungumál. Ég reyni að vanda mig, en hef samt ekkert svo miklar áhyggjur því þó stafsetninginn sé ekki sú besta þá kann ég ýmislegt annað. Mér settur ekkert sniðugt í hug akkúrat núna, en ég læt ykkur samt vita. Inga Steinunn spurði hvort hún fengi verðlaun fyrir að vera gestur númer 2010... tja... ég veit ekki hver þau ættu að vera, Inga ertu með eitthvað sérstakt í huga eða??? ég skal syngja fyrir þig næst þegar ég hitti þig. Og hvernig væri að fara að rífa heimasíðuna upp úr þessu skammdegisþunglyndi Inga Steinunn! sussu svei. Takk í dag.

ÚBBS
Ef þið lesið bloggið hér fyrir neðan getið þið séð að ég bað þann sem yrði gestur númer 2000 á tjattið mitt að láta mig vita...svona í gamni, og hver varð gestur númer 2000??? Ég sjálf!!!! þetta er svo glatað að ég er næstum því pirruð yfir þessu. Nú ætla ég að gera aðra tilraun, varla þó með gest númer 2000 því það er víst búið:( en í staðinn bið ég þá sem verða númer, 2005, 2008, 2010 og 2013 að láta mig vita, vel þessar þrjár tölur af handahófi því ég get varla gert sömu "mistökin" fimm sinnum. Langar bara að fá smá hugmynd líka hverjir eru að sniglast hingað:) vá hvað þetta er óspennandi hjá mér...blaaaaa

bloggstíflan losnar
Lítið hef ég bloggað undanfarið sökum anna, hugmyndaleysis og almennrar leti. Nú vil ég hins vegar nota tækifærið og benda á að vinkona mín hún (Arna) Vala hefur bæst í bloggarahópinn. Velkomin til Bloggheima Vala mín. Eins og þið sjáið ef þið kíkið á þessa síðu hugsar hnátan mikið um form og lögun og svoleiðis dót, enda stefnir hún á arkitektúrinn. Vala á heima í Eskihlíð með Dögg. Annars hefur helgin bara verið bærileg, fór í heimsókn í gær með mömmu og var bara svona að slæpast allan daginn. Fór með Stebba máF á kosningarskrifstofuna hans Sigga Kára og hef þar með farið á tvær slíkar samkomur því ég leit um daginn til Soffíu. Ungt og efnilegt fólk í Sjálfstæðisflokknum þar á ferð. Þegar ég var svo á leiðinni í háttinn ákvað ég að kíkja í haustfagnað Svavars og Simba á Astró. Við Gummi Hlír bara rétt litum inn í klukkutíma, hitti þar hana Bryndísi sem er ávalt í stuði. ok búin í dag. Ég skora á þann sem verður gestur númer 2000 á tótlutjattið að láta mig vita via shout-out. bara gaman að vita svoleiðis:)

Hverjir horfðu á Edduna í gær? Segiði mér nú...flottasta múnderingin? flottasti kjóllinn?? mest blásna hárið?? æ já, Dorrit. Ég sá bara fyrri hlutann á þessu, svo ég veit fátt. Datt enginn á sviðinu, missti eitthvað út úr sér? skandalar? jæja, er að fara í frönsku, þið sjáið um að informera mig.

Hey frábært bara allir að strumpa á síðununum sínum, ég virðist þó vera sú eina sem er "Smurfette":) Strympa er óneitanlega kvenlegust af strumpunum svo ég er mjög ánægð með að vera hún. Annars var ég bara að koma af hádegisfundi sem bar yfirskriftina "Eru konur hræddar við stærðfræði?" þar sem Rósa Erlendsdóttir jafnréttisfulltrúi vart að svara fyrir sig en auk hennar voru þarna Sigurður Brynjólfsson forseti Verkfræðideildar og Guðrún Sævarsdóttir sem er einhver eðlisfræðigella. Ég er eiginlega að ná mér niður ennþá svo ég vil helst ekki segja of mikið. Mér finnst reyndar mjög líklegt að félagi minn, hann Mundi hafi eitthvað um málið að segja enda er hann afar öflugur að blogga um málefni líðandi stundar. Ef þið eruð forvitin að vita meira um þennan fund þá er ágætt að lesa hans frásögn en ef ég verð svo eitthvað svakalega ósammála því þá bara tek ég þennan link út aftur:) hehehe. ok...annars er bara helgin framundan, gott mál. Ég var reyndar í endajaxlatöku í gær og er orðin MJÖG svöng.... en á morgun fer ég í átveislu til Herdísar ásamt hinum klessunum og ég á meira að segja að koma með eftirrétt:) ég er hætt að tala um mat....farin í 10-11 NÚNA að kaupa mér eitthvað gott í gogginn. Góða helgi börnin góð.

frönskupróf á morgun! ekki sniðugt. Byrjaði að læra í gær og ætla að læra MIKIÐ í dag. Allt annað fær bara að bíða. Líka bloggið:)

Find your inner Smurf!
ég er sátt við þetta, hefði orðið svekkt ef minn innri strumpur væri fýlustrumpur eða jafnvel að ég væri Kjartan, en hann er náttúrulega ekki strumpur. En vissuð þið að kærastinn minn getur talað alveg eins og Strympa??? nú verður hann brjálaður, mér finnst það bara svo sniðugt. Hann getur alltaf komið mér í gott skap þannig. Þá vitið þið það!

Góðan dag kæra veröld. Runninn er upp fagur dagur, þó er á honum einn galli, snjórinn er að fara sökum rigningar. Spurt er; fyrst Þórhildur er svo hrifin af snjó, hví finnst henni þessi rigingardagur þá svo fagur (RÍM)??? nú, einfaldlega af því að í dag er vísindaferð KÓLUMBUSAR HEPPNA ...skemmtilegasta nemendafélags í HÍ. Jamm,, við erum að fara í vísindaferð í SÍF og þið sem lesið þetta og megið ekki koma með getið komið í Odda klukkan 16:30 og séð stolta og glaða Tótlu trítla upp í strætó. Ég hlakka mikið til, er með smá hnút í maganum en við eigum eftir að læra svo margt vona ég í þessari ferð. Ýmislegt um fiskinn sem fer til Spánar, eða var það öfugt??? nei grín. Ég ætla ekki að skrifa hér meira í dag en hins vegar vil ég að þið athugið linkana hér til vinstri, hún Dögg er amatör í Bloggheimum, var að byrja bara í gær svo það er smá byrjendabragur yfir þessu hjá henni, ég vona að hún skrifi meira fljótlega. Einu sinni hét Dögg einnig Heiða í 13 ár og þá kallaði ég hana stundum Heidi Klum (eins og fyrirsætan því þær eru báðar svo sætar þó Dögg eigi vinninginn að sjálfsögðu hjá mér)..fyrst ruglaðist ég samt og kallaði hana Heidi Klein, en me´r finnst hún ekkert lík Calvin Klein...bara ekki baun. En ég leyfi henni að halda Klum nafninu þó Heidi fái að fjúka. Voilá Dögg! Óvenjulegt blogg hjá Dodda í dag þar sem hann lýsir hægðum sínum í smáatriðum en hann fékk í magann, meira að segja matareitrun á þriðjudagskvöld og hefur haft smá óþægindi í mallanum síðan þá. Ég vona að þér líði betur Doddi! Bryndís er að borða vatn og kálblað, athugið það (og segir okkur hinum að troða okkur út af nammi?!?!) Ásdís skoðar brúðarkjóla á netinu en tekst svo aldrei að setja myndirnar á netið...hahahaha...auli:) Þórey er vitlaus og henni er kalt...en á morgun syngur hún á tónleikum og ég hlakka svo til að fara, en ég er með smá sviðsskrekk fyrir hennar hönd. Hún er svo þaulvön að sennilega líður henni bara þrælvel. Og Elsa á góða færslu um temptation island...hehehe, góð komment þar, þetta með að manni líði bara betur við að sjá þessa kjána...hehehe. Alligevel, nenni ekki að linka á þetta fólk því linkarnir eru bara hér á bleiku ræmunni. Góða helgi.

Veislan eftirminnilega ok ok ok...sko nú hef ég nokkrar mínútur áður en ég fer í tíma til að segja hvað kom fyrir mig í gær. Ég sem sagt fór á "veisluna" í Þjóðleikhúsinu. Settist í eina sætið sem var laust við borðið og getiði bara hver átti sætið við hliðina á mér... HILMIR SNÆR! ekki slæmt, ha? hann á voða voða bágt í þessu leikriti en það vitið þið sem hafið séð það. Og ég var mikið að velta því fyrir mér hvort ég ætti ekki bara að taka utan um hann og hugga drenginn, þurrka tárin hans (sem flæddu NB). Kom svona umhyggju móðurtilfinning upp í mér, en ég lét bara nægja að segja "gott kvöld" við hann þegar hann hafði boðið mér gott kvöld. Það var nú allt og sumt. En sem sagt svo ég fari að koma mér að pönslæninu, þá fer leikritið mikið fram upp á borðinu og þegar ein leikkona var að stökkva niður á gólf á háu háu háu hælunum sínum lenti hún svona meira á andlitinu mínu en á gólfinu og ég fór næstum því að skæla, en ákvað að flissa frekar. Hún lenti kannski ekki beinlínis á andlitinu mínu, það eru reyndar ýkjur en hún sparkaði mjög fast í það og ég hélt ég myndi fá glóðarauga en ég var bara með rautt strik og pínu bólgin og rauð á vinstri hlið andlitsins, eiginlega allt farið núna. Þetta var samt ógeðslega vont og ég var alveg dofin og rauð og heit í framan LENGI. Hún stoppaði nú ekkert þrátt fyrir heiðarlega tilraun til að drepa mig, eða svona meiða mig. Held samt hún hafi tekið eftir þessu. Þetta var það merkilegasta sem kom fyrir mig í gær. Flott leikrit, sætir strákar.

Systa og mágur komin heim. Sem betur fer fékk ég ekki nammi, en ekki hafa áhyggjur, pabbi fékk sitt:) en hins vegar fékk ég forláta gallajakka úr Zöru sem ég mun bráðlega vígja, ef ekki bara strax næstu helgi. Mér finnst ég fín í honum:) ...hvað fleira, jú, í dag er mér boðið að vera upp á sviði í Þjóðleikhúsinu ásamt nokkrum öðrum Vökurokkurum því það er verið að æfa nýja leikkonu fyrir Veisluna sem mig hefur einmitt langað svo lengi að sjá. En...það þýðir að ég þyrfti að skrópa í latínu og mér finnst gaman í latínu og vil helst ekki gera honum Sigurði (kennara) það. Honum er samt sennilega sama hvort ég mæti eða ekki, en mér er ekki sama. Óneitanlega erfiðasta ákvörðun dagsins í dag; mæta í latínu vs. borða súpu upp á sviði í Veislu! hvað finnst ykkur? ég er að bugast hérna. jæja ég held að hungrið fari að draga mig niður í bakarí...garnagaul!

Þið sem skoðið le chat du Doddi sjáið að þar er einstaklega hugljúfur piltur á ferð sem talar mikið um sína heittelskuðu hustru. Með einlægum orðum sínum vinnur þessi geðþekki piltur sér inn mörg rokkaraprik meðal kvenna. Hún Ásdís spúsa hans var einmitt í heimsókn hjá honum í Draumalandinu og þar hafa þau áreiðanlega kelað og knúsast og kósað sig í sólinni. Mig langar mikið að vita hvort Doddinn noti ammmmerísku ökklasokkana sína, hann getur kannski svarað því hér. Einnig vil ég óska honum til hamingju með að hafa fundið íbúð en ég er sko alveg búin að fá nóg af honum Sam Paranojupúka! Að láta svona við Dodda, gera veður út af því að ljósið í símanum blikki, lofthljóð í kókdósum o.s.frv.!!! úff, ég vona að hún Ásdís hafi togað í eyrun á honum og hrist duglega! Hmmm, annars er bara nóg að gera. Vísindaferð á föstudaginn hjá spænskunni:) jibbíííí, get varla sofið. Og systa og mágur að koma frá Andalúsíu á morgun, þau fóru til Sevilla og allt! kannski kaupa þau nammi í fríhöfninni handa mér, en ég er í nammibindindi svo ég gef bara pabba nammið (ef ég fæ eitthvað) þegar mamma sér ekki til, því pabbi er í megrun:)

Velkomin til Bloggheima
Þessi Bloggveröld er furðulegt fyrirbæri, maður verður bara frekar húkt á þessu sem er missniðugt. Hef staðið sjálfa mig að því að hugsa t.d. "jæja, langt síðan ég hef heyrt í Elsu, bezt að kíkja á bloggið hennar" í stað þess að hringja í stúlkuna. Er þetta rétt? ég bara spyr. Annars er Tótla litla í mömmó núna þessa vikuna, Anna Björk stóra systir og spúsinn hennar eru að spila golf í Andalúsíu (arg) og ég passa Bibba, húsið og bílinn:) á meðan. Fór á fjölsylduskemmtun í Digranesskóla í morgun þar sem börnin sungu "meistari Jakob" á ótal tungumálum. Höfðaði sérsaklega til mín, varð fyrir vonbrigðum þó með að spænskan var ekki tekin með. Í gærkvöldi kíkti ég örlítið á Temptation Island en ég hef hálfgerða óbeit á slíkum "reality" þáttum þó ég hafi alveg gaman af að sjá einn og einn. Hef núna séð einn Survivor og einn Temptation Island í allan vetur, en ég horfi hvort eð er ekkert á sjónkann. Sko, ég verð svo miður mín yfir hvað fólk er ógeðslegt bara haldandi framhjá maka sínum fyrir framan alþjóð... og allan heiminn. Nógu slæmt þó það væri ofan í skúffo og enginn vissi, en HALLÓ?!?!?! mömmurnar þeirra, pabbar, vinnuveitendur, vinir, ömmur...ALLIR sjá þetta. Jeminn eini hvað fólk selur sig ódýrt...sumir eru reyndar greinilega traustsins verðir en aðrir stökkva í fangið á einhverjum sem þeir hafa þekkt í 6 daga á einhverri óraunveruleika eyju þar sem það leikur sér með sólarolíu í annari og kokteilglas í hinni... Nógu asnalegt að taka þátt í þessu, en ætla að fórna kannski góðu sambandi fyrir einhvern hönk eða megabeib sem hefur það hlutverk að reyna sem mest að freista hinna!...það er rugl! Setningar á borð við "já ég finn það hvernig spennan magnast á milli okkar frá degi til dags...við getum talað um svo margt" "hann er svo sætur, og mikill herramaður og svo er hann svona hugsuður alveg eins og ég..." "við eigum svo margt sameiginlegt og það er gífurleg kynferðisleg spenna á milli okkar". Jæja, vitlaust fólk en alveg hægt að hlæja að því (ekki með). Ég samt verð aldrei húkt á svona, yrði það kannski ef ég hefði oftar tíma til að horfa á sjónvarpið, en mér líður betur eftir að hafa tjáð mig svona um mína skoðum á þessum þætti hér. Afbragðs sjónvarpsefni... hmmm, þýðingar bíða mín...læra læra læra!

Freyjur athugið... ég er að kanna það hér netleiðis hvanær þið hafið áhuga á að hitta samfreyjur (nennti ekki að meila) og var mér að detta í hug að hittast 2.nóvember um kvöldið, því þá verður stórtenórinn Þórey Sif einmitt búin að syngja sig inn í hjörtu okkar sem fara á tónleikana í Hallgrímskirkju. Hmmm, kannski hentar það Þóreyju illa... segið bara til. Ég hlakka svo mikið til að fara á þessa tónleika og fyndist frábært að gera enn meira úr deginum með að hitta freyjurnar:) tjáið ykkur skutlur!

Hei, hafið þið tekið eftir því að neðri kisan hérna til hægri á skjánum er bara með höfuð en ekki búk! eða er þetta bara mín tÖlva?

Í gær var spænskupartí á Astro og þetta fólk getur aldrei mætt en er samt alltaf að röfla um að við gerum ekki neitt. Klara, Svanlaug og Bessi eru samt alltaf traust og ég átti ágætt kvöld með þeim og Maríu Mjöll megaspænskustjórnmálabeib að ógleymdum los italianos sem klikka seint. Þeir mæta alltaf í öll spænsku teitin, eitthvað annað en spanjólarnir. En í gær voru nottla Erveivs tónleikar og ég veit að margir ætluðu á þá...ok ok ég skil það vel. En ég gef þeim annan sjéns næsta miðvikudag og þá ætlum við að hittast aftur á Kaffihúsinu hjá Astro. Ef færri en 8 mæta fer ég í tveggja daga verkfall! Og hananú (sagði hænan og lagðist á bakið). Svona er gaman að vera til, ég er ekkert að kvarta, bara benda á þetta.

Áfram Ísland!
Leikurinn í kvöld! Ísland vs. Litháen. Ég held að við ættum að taka Skotana okkur til fyrirmyndar, en þeir styðja sitt lið...sama hvað. Við á hinn bóginn höfum lítinn áhuga á "strákunum okkar" nema þeir séu bestir. Reyndar held ég að landsliðið eiga marga dygga stuðningsmenn en neikvæð umfjöllun fjölmiðla vill smita út frá sér. Þess vegna ætla ég á völlinn í kvöld. Spurning hvort við Íslendingar ættum að vera jafn þjóðleg og Skotarnir... Í ullarhosum, gúmmítúttum og lopapeysu með slátur í nesti og heimabrugg á pela??? eða bara svona "nýmóðins þjóðleg", þ.e. í appelsínugulum regngúmmígalla frá 66 gráðum norður??? ég held mig við flís, kók og draum!

Fegurð.......er afstætt hugtak, en engu að síður finnst mér að þið stúlkukindur sem inn á þetta blogg mitt ratið ættuð að athuga þennan mann. Já, Jude Law hefur heppnina með sér hvað lúkkið varðar. Hann hlýtur að hanga í speglinum allan daginn.

halló. Bryndís benti á að þetta væri EKKI góð lýsing á mér í shout outinu (takk Bryndís) sko, í fyrsta lagi þá sit ég ekki allan daginn fyrir framan tölvuna því ég fer fyrst í skólann og svo vinnuna og á kvöldin er ég bara annað hvort þreytt eða að sinna einhverjum félagsstörfum. Í öðru lagi þá er ég algjör lúði og kann ekkert á tölvur, er samt búin að læra þetta með copy og paste og nota það óspart. Þriðja; ég drekk ekki bjór. Ég hef reynt nokkrum sinnum en það er sama hvernig ég reyni, ég kem honum bara ekki niður. Frekar kaupi ég mér trópí á 500 kall á bar en að drekka frían bjór. "Bjór fyrir framan tölvuna er bestur" ehhh, NEI! en nammi fyrir framan tölvuna er voða gott, og líka kex (en mamma og Gummi hafa bannað mér það út af lyklaborðinu) og margt fleira. ok ég er kannski með 30 contacta á msn, fæ svona 5-10 e-mail á dag... og jú mér finnst gaman í skólanum því þar eru flestir vinir mínir og ég get komist í tölvu hvenær sem er. Ég er að hugsa um að taka prófið aftur og reyna að verða önnur týpa. Er það svindl? Eða er ég kannski hér með orðin tölvunörd, byrja daginn á að deila þessum hugsunum mínum með blogginu mínu og ykkur sem lesið það, og tek svo eitthvað asnalegt nettest aftur til að fá útkomu sem ég get sætt mig við. Hmmm, nú hef ég eitthvað til að hugsa um í dag, og ég ætla að komast að því hver ég raunverulega er... og svo sættast við þá niðurstöðu sem ég kemst að, ef það gerist þá nokkurn tíma. Jeminn eini, ég held ég þurfi bara að fara á doktor.is og láta greina mig núna.

Ég fann þetta rugl á Vökuvefnum. Hvernig háskólatýpa er ég??? Ég er ekki alveg sátt við niðurstöðuna:



Sjáðu hvaða týpa þú ert Hvað finnst ykkur?

Nú verða sagðar fréttir "Af neðangreindum ástæðum... mun Ásberghill Inc. nú opna Hillbergás International sem er dótturfélag þess fyrrnefnda og munu höfuðstöðvarnar vera í Madrid. Mun sá armur m.a. sjá um fjármögnun og uppbyggingu tungumálamiðstöðvarinnar Hillhablomuybien Lmt. Einnig er áætlað að félagið kaupi hið fræga Tio Pepe skilti á Sol og láti breyta stöfunum í Tia Hilly"
Skilur einhver eitthvað í þessum pælingum hennar Ásdísar??? Þær eru svo ruglaðar, sko eftir því er ég best veit þá stofnuðu hún, Hildur Edda og BergLIND ÝR ferðafélag og fóru til dæmis í Hvalfjörðinn. Ég held að Hillbergás International sé einmitt það félag en ég er samt ekki viss, þið megið hjálpa mér ef þið vitið meira en ég. Og ekki veit ég hvað þær ætla að gera við Tia Hilly skiltið? Stinga því niður á toppinn á Öskjuhlíð þegar þær sigra þann tind? Ég vil benda á að þetta er í annað sinn sem ég blogga í dag, ekki gleyma að lesa hitt dótið fyrir neðan.

Agalegt þegar svona lúðar eins og ég komast í tölvur og búa sér til blogg en eru svo ekki einu sinni nógu miklir lúðar til að gera það almennilega. Ég er pirruð á því að geta ekki haft íslenska stafi hérna til hliðar, þið vitið. "Bjork" og "Torey" fá að kenna á því. Ég held ég verði að blikka einhvern tölvulúða sem getur hjálpað mér. hmmm Herdís ertu laus í dag? nei djók, ekki einu sinni hún er með íslenska stafi á blogginu.
Hvað fleira... jú, sko mamma er alveg rosaleg. Ég þori varla að skrifa þetta en í gærkvöldi smurði hún handa mér nesti í skólann og ég veit ekki um neina mömmu sem gerir það fyrir 22 ára dóttur sína. Ég fékk sem sagt jarðaberjajógúrt (fitusnauða), banana og rúgbrauð með kæfu. Æjiiii hún er svo mikið krútt en mér finnst bara að mömmur eigi ekki að vera að útbúa nesti þegar börnin eru orðin nógu stór til að elda sjálf (eða eiga að vera það, en um færni mína í eldamennsku má vissulega deila). Hún á frekar að pússa neglurnar og horfa á Taggart eða lesa Jane Austin eða eitthvað svoleiðis. ok...ég þarf að fara að borða nestið mitt. Hmmm, þetta er nú frekar næs, hehehe.

Flott blogg og ljót blogg ónafngreindur bloggari sem staddur er á Miami er greinilega sár yfir að ónafngreindur bloggari úr Reykjavíkinni setti út á lúkkið á blogginu hans...thíhíhí, núna vita alla vega báðir ónafngreindu bloggararnir að þeir skoða bloggin hvor hjá öðrum, þrátt fyrir misfalleg blogg... vona að þetta hafi komið rétt út úr mér. Jú jú,því þegar allt kemur til alls,þá er það innihaldið, ekki úthaldið sem skiptir máli. Ég meina útlitið, en þetta var svo sniðugt mismæli hjá mér að ég leyfi því að standa. Ætlunin var kannski ekki að rakka niður Miami-bloggarann, heldur frekar að vekja athygli á eigin síðu sem þangað til nýlega var gestabókalaus. Miami-bloggarinn setur bara inn linka og gestabók og fleira fínerí þegar andinn kemur yfir hann. Bless og takk, ekkert snakk.

BRAVO
ég hef tekið þá ákvörðun að þegar mér dettur ekkert sniðugt í hug til að skrifa á þetta tjatt mitt ætla ég að fá lánuð nokkur gullkorn frá vinum mínum (þið skiljið, copy-paste) því stundum...bara stundum eru þeir mun sniðugari en ég. Sumir myndu kalla þetta ritstuld, en ég blæs á slíka fyrru (er ypsilon í því?). Ég bara tek smá sýnishorn frá einhverju sniðugu sem þetta ágæta fólk sem er mér hér á vinstri hönd hefur að segja og þá getið þið athugað þessa linka betur... ég vil byrja á elskulegri Elsu, en hún á algjöran snilldarkærasta sem heitir Jói. Ég veit að Jói fær sennilega rokkprik frá mínum rómantíska kærasta fyrir þetta gullkorn sem þið eruð í þann mund að fara að lesa: "Jói fór í Þórsmörk, vona bara að hann skemmti sér kallinn. Hann gleymdi samt að segja mér það þangað til í gær svo hann fær smá skammprik. Skamm skamm. Hann er ótrúlega gleyminn. Hélt samt ég yrði ekki eldri eitt árið þegar ég fann minnismiða, held það hafi staðið: Amma, tryggingar, skólagjöld og fleira merkilegt en síðast á listanum stóð: Elsa. Hann þurfti sem sagt miða til að muna eftir mér karlanginn. Karlmenn eru óskiljanlegir. Sérstaklega Jói, stundum!" ok, þið sem þekkið Elsu og Jóa vitið alla vega um hvað málið snýst... ég er enn að jafna mig eftir hláturskastið.

Alltaf eru nýir bloggerar að bætast í hópinn, og sá ferskasti á markaðnum er gamall bekkjarbróðir úr MR. Doddi er kominn til Draumalandsins til að tromma. Hljóðfæraleikur hans í bílskúrnum heima var tekinn fyrir á seinasta hverfafundi á Valhúsahæð og þar var sú ákvörðun tekin að Þorvaldur skyldi leyfa Miamiverjum að njóta. Hann ku vera orðinn besti vinur Don Johnson, en þið verðið bara að skoða herlegheitin sjálf. Doddi karlinn fær ekki hæstu einkunn fyrir útlit á blogginu sínu, en ég man nú þá daga þegar ég var að byrja sjálf í bloggbransanum. Það er nú liðin tíð, enda er ég búin að setja upp gestabók (meira en sagt verður um Dodda, hömm hömm) sem ég vil endilega benda ykkur öllum á.... Hvað fleira, hmmm...jú, ég er á Akureyri núna og hér fæst besti ís í heimi Brynjuís. En á morgun kem ég heim og, ömmmm...á miðvikudaginn er skóli. Já! Þá er það bara komið.

hmmm...Framtíðin, þ.e. Málfundafélagið Framtíðin í MR er komin með nýja og flotta síðu, ohhh, akkuru var þetta ekki allt orðið svona tæknilegt þegar ég var þarna í den? það var nú samt alveg nógu gaman...

Þriðji mánudagurinn á þessu skólaári... yndislegt! Helgin var mjög fín hjá mér, hvernig var ykkar? Föstudagurinn náttúrulega tærasta snilld enda héldum við háskólanördar Stúdentadaginn hátíðlegan þá. Mikil gleði þar á bæ en Jagúar skemmtu okkur á Stúdentakjallaranum og var ein ónefnd klessa, köllum hana bara Herdísi, fyrst til að stíga á dansgólfið, gott framtak. Laugardagurinn var svo önnur snilld, en þá fór ég í pizzuveislu hjá Sigríði Sjúkköpp og át yfir mig tvisvar, var eiginlega orðið flögurt. Ég kann mér bara ekki hóf þessa dagana. Annars er bara dottið á dúnalogn núna og ég get farið að einbeita mér að því að vera í skólanum... húrra.

GLEÐILEGA NÝNEMAVIKU

já já, nýnemavikan bara skollin á og gott betur, henni fer að ljúka með miklu húllumhæi á morgun á sjálfum stúdentadeginum. Ég bendi þeim sem vita ekkert um hvað ég er að tala á að kynna sér bæklinginn fríða og þá sérstaklega myndina aftast í honum. Þessu var öllu saman startað á mánudaginn með heljarinnar kökuveislu og svo hefur verið keppt alla dagana í æsispennandi spurningakeppni sem heitir Kollgátan. Ég verð að segja að toppurinn á þessu öllu saman hafi verið spænskt kvöld á þriðjudagskvöldið. Það var haldið með pomp og prakt í Stúdentakjallaranum og var mikil suðræn stemning í hópnum. En þrátt fyrir þétta dagskrá hitti ég skutlurnar úr 6.-A í MR á Alþjóðahúsinu í gær, enda hef ég alltaf tíma fyrir þær. Sandra fær reyndar s (seint) í kladdann, Þórey fékk að fara fyrr og Ásdís, Berglind Ýr, Begga Jó og Vala fá f (fjarverandi) uss uss uss. Var ég að gleyma einhverjum? Katrín Erla kom á óvart með að tala enn íslensku en eftir langa dvöl á Spáni ratar hún varla í Reykjarvíkurborg... alligevel, þá segi ég bara góða skemmtun á morgun allir!!!

Ego sum Euclio, senex est, nei bíddu, hvernig var þetta??? Jæja, þá er maður bara búin að dusta rykið af latínuskruddunum og sestur enn á ný á latínubekk. Hmmm, mér finnst ekki eins og ég hafi nokkurn tíma lært latínu, en samt held ég að það sé nú aðeins að hjálpa mér. Senex þýðir öldungur og senatus er öldungaráð. Ég er nú bara búin að fara í einn tíma og mér leist mjög vel á kennarann, köllum hann bara Cornelius Euclio. Það skiptir miklu máli í svona fagi að hafa góðan kennara. Ég sá hann standa á tali við einhvern nemenda á ganginum í skólanum, og mér heyrðist hann vera að tala latínu, sem mér fannst samt frekar smellið þar sem hún er ekki töluð í dag, bara skrifuð. Hugsaði með mér að þarna væri Cornelius Euclio heppinn að hafa fundið einhvern ofuráhugasaman tungumálagúru, sennilega skiptistúdent frá Rúmeníu eða eitthvað svoleiðis, en þegar ég heyrði betur í þeim þá heyrðist mér þetta vera bara ítalska, sem er mun líklegra. Cornelius talar þá sennilega ítölsku með latneskum hreim. COOL!!! Já, og ekki má gleyma frönskunni, ég er komin í frönsku fyrir byrjendur, sem er nú kannski fullauðvelt svona til að byrja með fyrir mig, en það mun sennilega breytast um leið og við komumst lengra í námsefninu. Je m'appelle Þórhildur, et toi? En ástæðan fyrir latínunni og frönskunni er sú að ég er að láta mig dreyma um BA í rómönskum málum. Danke schön.

Góðan daginn kæru vinir og velkomin í skólann þið sem voruð að mæta aftur í HÍ. Uppsafnaða tilhlökkunin fyrir að byrja aftur í skólanum skolaðist niður í vaskinn þegar ég burstaði tennurnar snemma í morgun. En svo hitti ég hinar stúlkurnar og þær fóru að rifja upp fylleríssögur frá Spáni svo þetta er bara stórfínt allt saman. Hún Elsa er byrjuð að blogga og skora ég á hinar tjullurnar að vera ekki minni menn, eða konur, og skvera einu svona bloggi á netið svo maður fái að fylgjast með ykkar tryllta þankagangi. Ég verð samt að viðurkenna að ég hef orðið fyrir miklum vonbrigðum með sjálfa mig (er það til) af því að ég var eiginlega svona með þeim fyrstu í hópnum til að gera svona blogg núna í vor og fannst þetta allt saman agalega nýmóðins. Svo er mitt blogg bara lúðalegast af öllum. Ég hef ekki einu sinni sett inn gestabók eða neitt sniðugt og er bara algjör lumma, fyrir utan hvað þessar kisur eru barnalegar. Mér finnst mitt blogg ekki nærri nógu fullorðinslegt fyrir annars svo akademísklega (úff nú vantar mig orð á íslensku) þenkjandi stúlku eins og mig. Því mæli ég fastlega með að þið skoðið bara einhvern af þessum linkum, þetta eru allt mjög kúl og skemmtileg blogg! Njótið

Ljóst er eftir tilkynninguna um lundabréfsefnin hversu gífurlega mikill máttur Tótlutjattsins er því þau gjörsamlega ruku út eins og heitar lummur, eða kleinur og heitt kakó. En nóg um það, skólinn er að hefjast og ég veit ekki hvort ég sé alveg tilbúin. Ég hlakka til á hverju hausti og legg leið mína í bókaverslanir borgarinnar til að kaupa nýtt strokleður, límmiða, túss, plastmöppur og sa videre. Málið er að ég á erfitt með að ákveða hvaða kúrsa skal taka og hef lofað mér kannski í fullmikil félagsstörf og vinnu. Fyrir þá sem ekki fylgjast með þá er ég háttvirtur formaður Kólumbusar heppna (félag spænskunema, fyrir þá sem ekkert vita) og meðstjórnandi í Vöku. Veturinn sem sagt stefnir í að vera hörkuskemmtilegur með suðrænni stemmningu og skemmtilegu Vökustarfi og líka muy erfiður. Ég þarf sennilega bara að skipuleggja mig vel svo námið fari ekki fjandans til. Annars sé ég fram á að einn daginn um miðjan október, þegar ég á eftir að lesa kannski eina skáldsögu, skipuleggja spænskt kvöld, fara á fund, hef vanrækt vini mína og hef orðið fyrir árás 100 kínverja í Rammagerðinni sem heimta afslátt, fari ég bara að grenja! En auðvitað eru þetta óþarfaáhyggjur því þær Sigrún Lóa og Klara ætla að vera með mér í stjórn Kólumbusar, og mér finnst þetta allt svo svakalega gaman og veit að margir hafa miklu meira að gera en ég. Það koma kannski tveir, þrír "sviðnir dagar" eins og Sigga Víðis, kollegi minn úr Rammó segir. Hún er af Skaganum. Þá held ég að ég hafi skrifað nóg í bili, bless og takk, ekkert snakk.

TILKYNNING
Lundabréfsefni, lundabréfsefni, hin sívinsælu lundabréfsefni eru loksins komin, aðeins 495 krónur! Vorum einnig að taka upp nýja sendingu af mokkaskóm og lopapeysum.
Rammagerðin

Agalega leiðinlegar tölvur sem ég hef komist í undanfarið... tæknin er að dissa mig. OK, en ég var ekki ein af hinum seinheppnu þjóðhátíðargestum sl. helgi! stefnan var að fara þangað en sem betur fer breyttust plönin og ég fór til Akureyrar með Gumma og þar voru líka mamma og pabbi, og Óli og Aníta og Assa og Diljá og Anna Björk og Stebbi og Birgir Steinn og gestgjafarnir Steini og Svana og Edda og Þórhildur! að ógleymdum Söndru og Magga. Við gerðum ýmislegt okkur til dundurs, borðuðum Brynjuís (bara ég reyndar, ég held að Gumma finnst hann ekkert spes enda er hann sveitamaður) gengum um Vaglaskóg, og kíktum í sund með Bibba litla og "afa"... og hvað fleira, jú Gummi fann 29 golfkúlur í kringum golfvöllinn á meðan pabbi, Anna Björk og Stebbi spiluðu golf og ég trillaði með vagninn hans pabba. Gvendur litli varð blautur í tærnar og stunginn af flugu en brosið hélst fram á mánudag eftir að hann fann 16 kúlur því sem næst á sömu þúfunni. Það sparaði honum hlaupin. "Lítið er ungs manns..." Einnig var tjúttað á Sjallanum en hápunktur ferðarinnar var tvímælalaust fertugsafmæli Svönu í sumarbústað rétt fyrir utan Akureyri! Þar var rosaleg veisla þar sem ég át yfir mig. Ég er rétt að fá matarlystina aftur núna... familían keppti í golfi þar sem Golfkúlubaninn, eða ætti ég að segja "Gummi Geit" eins og Anna Björk kallaði hann eftir golfkúluleitina miklu, vann með holu í höggi. Byrjendaheppni! jæja og hvað er fleira að frétta... jú Heiður Vigfúsdóttir Spánarfari með meiru er komin til landsins, þeir sem vilja bjóða hana velkomna geta bara hringt beint í hana í síma 8673469.... ókei, svo bara allir að kjósa Þórlind á föstudaginn frá 18:00 í Heimdallskosningum í Valhöll !!!
CIAO

hola! úbbs maður fer aldrei nú orðið í tölvurnar... ekki svona á sumrin. Talandi um sumarið, ég held að það sé bara búið að vera fínt, samt fúlt að það sé rúmlega hálfnað. Fór einmitt í matarboð í gær til hans Palla með hinum krökkunum úr Rammó. Palli er snilldarkokkur og lætur sig ekki muna um það að bjóða 10 vinum sínum í þriggja rétta matarboð. Ég sem svitna yfir því að sjóða hafragraut! Mér tókst þó um daginn að gera sushi, sem er gott mál, því það er dýrt fyrir sushiaðdáendur að þurfa alltaf að fara á veitingastað til að svala sushiþörfinni. Gamla settið er á ferðalagi um landið svo tilraunir í eldhúsinu á Háaleitisbraut halda áfram... þetta endar með ósköpum...